حب من طرف واحد...........

حب من طرف واحد..........

كثرة التفكير واللوم على نفسي و تأنيب ضميري ..... هو ما جعلني أريد بشده أن اعرض مشكلتي عليكم .....

الحكاية هي.. حب من طرف واحد !!
بنت عمتي ... فتاة في نفس عمري تقريبا وعلى قدر كبير من الجمال و الجاذبية كنت أعامله او كأنها أختي لا أكثر و لا أقل ولكنى فوجئت بتصرفاتها نحوى كانت كلها غيره و خوف وأدركت من اللحظه الأولى أنها تحبني لكنى كنت أكذب نفسي و كنت بقول أن الموضوع مش ممكن يوصل للدرجة دي .. لكنها أصرت على حبها لي و حاولت أن تصارحني بحبها لكنى كنت اهرب ببعض الفكاهات . واخيرآ خطبت لشاب أقل ما يقال عنه انه أحسن منى مليون مره فهو محترم و وسيم و ينال قدر كبير من الاحترام لدى الجميع .

وقتها قلت أن مشكلتي أتحلت و هي مبتحبنيش و لازم أشوف حياتي لكن فوجئت أنها تركت خطيبها لسباب غير منطقيه و غير مبرره واتصلت بي و قررت أنها تقضى عندنا في الاسكندريه ثلاثة أيام لكي تخرج من حاله التوتر التي تعيشها وكانت طوال فترة أقامتها عندنا تحاول أن تفاتحني في موضوع حبها لي لكنى كنت أتهرب كالعادة .

لا أعرف ماذا أفعل ؟احبها ولا لأ؟ .... أنا محتار.
لكن أنا لا أشعر نحوها بأي شعور ..... مش حاسس أنها فتاة احلامى ...... و لكن عقلي يراودني و يقول لي أنها تحبني أكتر من أي شيء و مش مهم حبي لها لأن الحب "بيجى بعد الجواز " لكنى أفكر في فارق المستوى الأجتماعى بيني وبينها فأنا والدي ميسور الحال جدا و هي من الطبقة المكافحة والفارق التعليمي فأنا خريج كليه دفاع جوى وهي خريجه معهد التمريض و أنا بصراحة بسمع كلام وحش عن الممرضات و أخلاقهم و أنهم يضطروا إلى أن يقضوا ليالي خارج البيت في المستشفيات و هذا طبعا أمر لا يمكن ان اقبله ..
الصراحة مش عارف اتخذ قرار هل أتركها و بذلك أدمرها ؟ أو أحبها أنا كمان و خلاص
أنا مش عارف ..... أنا في طريقي للجنون .... فأنا كتوم جدا هذا ما جعلني لم اعرض المشكلة على احد من أقاربي و عرضتها عليكم يمكن تجدوا لي الحل

بص أنا عندى وجهة نظر ويا رب أقدر أفيدك
أصعب حاجه صدقنى هو الحب من طرف واحد ويا ريت تحاول تفهمها بطريقه غير مباشره إنكو مجرد إخوات بس لأنها ممكن هى كمان تكون مبهوره بيك فى بعض المواصفات وبعد فتره تكتشف إن مش هو ده الحب وعشان كمان متجرحهاش خاصة وإن فى بينكم صلة قرابه
وخللى بالك دى مجرد وجهة نظر ممكن أوى يكون معظمها أو حتى كلها خطأ
أقولك إبعت رسالتك دى لأسامه منير وأكيد إن شاء الله هتلاقى الحل ويا ريت تبقى تقولنا أصل أنا أعرف ناس تقريبا فى نفس مشكلتك

أنا رأيي كمان من رأي عاشقه سما , ما تستعجلش , بس في حاجه غريبه يعني ايه أحبها ولا لأ ..الحب ده شىء محسوس والإنسان فجأه بيحس انه بيحب .يعني مش هتقول انا هحبها فهتحبها ...فعلا الموضوع يحير وخصوصا انه فعلا الحب الصادق هوالحب ما بعد الجواز ...عموما ربنا معاك ويكتبلك كل ماهو فيه خير لك .

ايه يا عمنا انته مكبر الموضوع ليه هو الحب حاله جميلة لما بتيجى للواحد بيحس انه امتلك الدنيا فى ايديه بسى فيه حاجة اسمها كرامتك اولا واخيرا وفى حاجة اسمها كرامتها وشكلها ادام الناس ودة اذا كنت بتحبها اوى لازم تفكر مليون مرة قبل ما تعمل اى موقف ممكن تندم عليه بعد كدة انا مثلا حصلى الموقف دة قريب وهو ربما الله اعلم حب من طرف واحد وانا بردة مش متاكد ويكون عندك حق انك مترتحشى الا لما تتاكد ولكن حط فى اعتبارك كرامتك وكراكتها وشكلها ادام الناس وانا قصدت ان انا اكررها وانا نفسى اتاكد وباذن الله مش هغلب فى حاجة زى دى وان اتاكد انه حب من طرف واحد انصحك اسحب نفسك بمعنى تبقى مجرد زميل بسى مش اكتر علشان انته بكدة ممكن تسببلها احراج او جرح او مجرد حتى احساس بالذنب وهو دة الراي بتاعى وانا بقولك على انا بعمله وياريت تاخد بيه وخصوصا ان دى بنت عمك ويارب تكون فهمتنى ..
وبالتوفيقيلرب دائما......................................................

انت خريج دفاع جوى؟؟ وهى خريجه تمريض؟؟

بعيد عن الموضوع لكن ايه المشكله انها فتره عملها مسائي ده مش معناها انها مش محترمه أبدا

وحتى برده انت مش تفكر فيها هى طالما انت مش قلتلها حاجه تربطك بيها حاول توضح لها انك مش بتحبها ولا حاجه لكن لو هى فعلا بتحبك وهى تستحقك فعلا يبقى انت حاول تخلى الموضوع رسمي وتخطبها وحكايه التمريض وكده انا لو مكانك مش هاخليها تشتغل خالص اصلا طالما انت خايف من كده
صدقنى المهم انك تلاقى اللى يحبك مش اللى انت تحبه هى لو أخلاقها حلوه يبقى ربنا يوفقك ان شاء الله وانا مش هاضيعها من ايدي ابدا (بس لو انت حاسس انك مش بتحبها فعلا يبقى انسي الموضوع ده أصلا وقولها بصراحه)
وحكايه اختلاف المستوى المادى او الاجتماعى دى ملهاش مبدأ اطلاقا دى اسمها حاجات هامشيه أهم حاجه بس تكون من بيت شريف وانت بتقول قريبتك
وانتوا كمان خريجين يعنى مش أطفال مش فاهمين حقيقه مشاعرك
ربنا يوفقك للى فيه الخير ان شاء الله
(بس انت متأكد ان دى قصتك وانت اللى بتمر بيها يا ميرو؟؟)
سلام

الحب هبه من الله بس اهم حاجه ما نستغلوش بشكل مش كويس لو مش بتحبها حرام تظلمها واتكلم معاها واقنعها ده اولا وثانيا حرام تحكم عليها من وظيفتها لان مش كل الممرضات مش كويسين لان صوابعك مش زي بعضها الاصل فى البيت اللي هي منه وانت اكيد عارف تربيتها واهلها كويس فكر كويس وقرارك ده لازم يكون عن اقتناع منك ومن جواك بجد

» واحد من الناس-dvd
» ستة الوان من الحب وحبك واحد منهم