سؤال نفسى تشاركونى فى الحصول على أجابته ممكن

leaderofmansoura كتب:

بسم الله الرحمن الرحيم
السلام عليكم ورحمة الله وبركاته
اولا احب ان احيي وبشدة اختى العزيزة اميرة الطفولة على سؤالها الجميل دة والحقيقة اجابته محتاجة كلام فعلا ينفذ فى الواقع ويكون ملموسا لدى الجميع ولا يحتاج الى اى تعديات لا تقبلها النفس ولا تشعر بها الكتابات .
اولا القلب الذى يعشق الحياة لا بد اولا ان يحترم ذاته وان يقدر من حوله حتى يحظى باحترام وتقدير من الغير وذلك لان الشعور النفسى والذات الانسانية هما الدافعان وراء كل جديد وكل مفيد يكون اساسا لاشراقة جديدة تطل بها على المستقبل وتكون دافعا قويا بالفعل الى الطريق الصحيح الذى تعترف انت شخصيا به فالحب كما انه اساس الحياة احيانا اذا استخدم بمعناه الصحيح والمعترف به بالفعل يكون فى بعض الاحيان وباءا كبيرا اذا استخدمه الانسان غير السليم باسلوب غير صحيح عن طريق اتباع النواهى وترك النفس للنفس والسير على نهج غير سليم وغير عاقل وهذا ما حذرتنا منه الايام وما زالت تحذرنا من غدرها ولكن ليس هذا عيب فى الحب ولكن عيبا فى مستخدميه وعن اختلافهم حول الرؤى السليمة لادراك واقع الحب الصادق ذاته وليس حب الشكليات او الرسميات الزائفة التى لا تجدى ولا تفيد وعليه فان الحياة التى تسير بمفهوم الحب هو الارادة والارادة هى السبيل هى نفسها الحياة التى تعترف بها القلوب المؤمنة بضرورة استمرار الحياة وترك جميع النواهى التى تؤدى بنا الى الارتقاء بمستوى المعيشة الى حيث ما لا نريدها نحن.فالقلب الذى يحب لا يعرف ابدا الكره فالحب والكره خصيمان لا يمكن لهما ان يجتمعا تحت اى ظرف من الظروف وان اجتمعا فليتاكد الانسان ان هذا الاحساس الذى قد ابتدعته نفسه ليس احساسه الطبيعى وانما هو من صنه اوهامه تعويضا لنقائض قد تكتمل به شخصيته .فعلى المستوى الشخصى احب كل الناس واشعر نحوهم بكل الراحة النفسية واعتبرهم جميعا اهلى واخوانى واحبائى الذين افضلهم على نفسى واقسم بالله العظيم احبهم اكثر من نفسى فلا يهمنى انا ولا يهمنى من الذى اتعامل معه ولكن كل ما يهمنى انى احبهم واخاف عليهم واريد ان اقدم لهم عمرى كله اذا طلبوا منى هذا هذا هو حبى وتقديرى لهم وشعورى ناحيتهم فاذا حكمت الاقدار الالهية ان اتعرض لاى مشكلة من اى منهم ساقول وفى نفس الوقت لله الامر من قبل ومن بعد والحمد لله رب العالمين وستسير المركب فلا جدوى ابدا من الانتقامات واساليب الشياطين غير المجدية والتى من المؤكد انها ستؤدى بنا الى العديد من المشاكل والعديد من الخسائر فى كل شئ اتسموا بالعقل اخوانى ولا تكونوا متسرعين حتى لا يلازمكم الندم فلا يمكن ان اتصور ابدا انى انتقم من شخص قد احببته فى لحظة من اللحظات وفجاة بعد اول مشكلة بينى وبينه وهذة المشكلة تكون بالمثل غير متوقعة تماما كالغدر مثلا احول هذا الحب وهذه الصداقة فى يوم وليلة الى فريسة للشيطان يجعلنى انتقم منه فاذا كان هو رضى على نفسه ذلك الامر فانا لا يمكن ابدا ان ارضاه لنفسى وبالعكس تماما سالقى همومى على خالقى فهو حسبى ونعم الوكيل وسادعو ان يوفقه الله وله الله فى كل وقت ولكن انا لا اعرف سياسة الانتقام ابدا فالقلب الذى تمكن منه حب الله ورسوله ودينه واصدقائه واهله وحياته لا يمكن ابدا تحت اى ظرف من الظروف ان ينتقم ولا ان يتحول الى ذئب بشرى يسعى فى الارض انتقاما ممن خانوه ولهم الله فى كل الاوقات والله تعالى اعلم .

هذا هو رايي اختى العزيزة بكل صراحة وشفافية ولا اخفى عليكى شيئا فتلك طريقتى ولا اتظاهر ابدا بها فتلك هى الصراحة الجميلة التى نمتلكها بفضل الله وتوفيقه .
معلشى انى اتاخرت فى ردى واكنى الحمد لله رديت
ربنا يوفقك اختى العزيزة ويكتب ليكى دائما الصحة والنجاة والسعادة والسلام انه ولى ذلك والقادر عليه .
سلااااااااااااااااااااااااااااااااااااااااااااااااااااااااااااااااااااااااااااااااااااااااام.
leaderifmansoura

أولا نورت الموضوع ياليدر باشا
ثانيا أنت شخصية محبوبة لدى الجميع من غير حاجة وليها أحترامها وتقديرها ومش كل الناس زيك طبعا
وطبعا صعب أننا نكون مسلمين وحب الله ملينا ونفكر فى الأنتقام
ألف شكر ياليدر على مرورك وردك الجميل ده

halem كتب:

ازيك يا اميره الطفوله ويا ريت تكوني بخير............

القلب اللي بيحب بيعرف يكره؟

اكيد القلب اللي دخله الحب ونوره استحاله يخشه الكره

وازاي يخشه الكره

ده لو الحب جواهم بجد هيفضل جواهم يعد

كل لحظه حلوه وينسا اللحظات الوحشه ويفتكرلهم لحظات الود

اللحظات اللي خافوا فيها علي بعض سؤاء(اصحاب اخوات احباب من أي نوع)

ازاي هكره وانا حبيت ازاي وانا حسيت اجمل لحظات الحب

واللي بيحس بالحب بيكره حاجه واحده (الكره)

بيبقا نفسه كل الناس تبقا زيه.

ولو الدنيا فرقت بينه وبين اللي بيحبه بيفتكرله لحظات وحاجات عامله علشان خاطره وبعدها بيغفرله

يعني لو فتح دفتر الحسابات هيلاقيله حاجات حلوه مهو استحاله يكون حبه من لا شي

اكيد ليه رصيد كبير في قلبه واستحاله كل الرصيد يروح في لحظه ولا فتره هيلاقي جوه الرصيد ده اللي يصبره.بس لو زادت افعاله الوحشه معانا نبعد احسن

اوقات البعد بيبقا اسلم الحلول



وبالتالي انتقامه هيكون غفران والزمان قادر ينسي الانسان اللي كان وتمشي الدنيا ومفضلشي في نفس المكان بفكر بس في انتقام زي ما بيقوله كان في يوم حبيب. وربنا يسامحه



وربنا يديم الحب بين الناس وميجبش زعل اصل احنا في الدنيا ضيوف وراجعين لخالق الناس

أهلا أزيك ياحليم نورت موضوعى
بصراحة ردك رااائع ورصيدك عالى قوى ربنا يعلى مراتبك
ألف شكر ليك على الرد الجميل ده ياباشا

عاشقة سما كتب:

السلام عليكم ورحمة الله وبركاته
بجد بجد الموضوع ده شكر خاص جدا لأميره إنتها عملته مش عشان الموضوع بس لكن زى ما قال كيمو عرفنا إن معانا أشخاص فى المنتدى تقدر تاخد رأيهم وأنت مطمن

من أكتر الردود إللى شدتنى جدا إنى أكملها للنهايه وهى طبعا مفيده جدا وفيها الخلاصه هى(عموووووور _شوشيت_هيرو _شيتوس_كيمو)ده طبعا مش بقلل من ردود بقية الأعضاء بس دوول فعلا تحس إنهم حسوا بالمشكله أوى وبالسؤال جدا وبعدين جاوبو بكل صدق فيخيل لك إنهم عارفين السؤال سببه بالظبط وبجد خاصة رأى عمووور

على فكره أنا كل شويه أكتب رد ويفصل بس مصممه أبعته

المهم رد سؤالك طبعا (إللى يحب ميكرهش)
ولما تسمعى أغنيه كلامه بيقول"قالو ؟إن إللى يحب بجد لوفاض بيه بإللى يحبه ميحبش بس ميكرهش وأنا فاض بيا بجد تعبت أد ما بتعب لا كرهتك ولا عارف حتى محبكش"
يعنى حتى مع كل إللى بيعمله فينا عندنا إستعداد نسامحه

أما الجزء التانى الإنتقام ده يتلخص فى كلمة واحده وهى الكرامه
إنك يهمك تردى إعتبار لكرامتك وده طبعا من حقك بس المهم إتباع أسلوب كويس يجرح الشخصيه دى بس ولو قلتيها لأى حد تانى بالنسبه له عادى
إنتى طبعا فهمانى
وصدقينى موضوعك ده أكبر دلييل لرد كرامتك وإحترامك أمام الجمييع

أما بأه لو لا قدر الله تصرفتى تصرف غفوه منك أو أى شىء للإنتقام وكان أسلوب مش كويس مع العلم إنك طبعا متقدريش تعتذرى يبقى لازم يكون فى وسطة خيير بينك وبين الشخصيه دى وطبعا مش أى حد هيقوم بالمهمه دى والصلح خيير

ويارب الرد المره دى كمان ميروحش إنت عارفه إللى فيها
ونأسف ع الإطاله وبجد سعيده إنه موضوع شد الجمييع والكل شرح فيه زى ما شافه بإستفاضه

ميرسيه ليكى ياعاشقة سما على مرورك وردك الجميل بس رد أعتبار ايه ياحبيبى الموضوع ده سؤال عادى جه فى بالى وقلت أخد أراء أصحابى وأحبابى وشوف تفكيرهم أزاى

ربنا يوفقك ياحبيبى

Mido كتب:

أولا بشكرك على الموضوع الجميل ده وعلى أسألتك وأتمنى ان رأى ممكن يفيدك؟؟؟؟؟
ياترى القلب اللى بيحب الناس يقدر فى يوم يكرههم ؟ ولو كرههم مهما عملوا فيه ممكن يحاول ينتقم منهم ؟ وياترى هتكون طريقة أنتقامه أزاى؟

****طبعا الحب شىء جميل وممكن برضو يبقى مش كويس لصاحبه بس مش شرط الحب يكون حب حبيب لحبيبته ممكن يكون حب أخوى؟؟؟أو حب لله
فصعب أن حد يكره أخوه حتى لو مش أخوه لأننا عمتا مش بنحب الكره ومنحولش حتى لو نفكره فى شخص معين اننا نكره أو ننتقم منه نسلم امرنا لله كلنا وهو أعلم وطبعا برضو الأنسان ممكن يسامح أى شخص عن خطأ أرتكبه والسماح ده هيخلى ألى أخطأ هيندم على أخطاءه ويعتزر للى وقع عليه الخطأ وفى الحالة دى يبقى كده نعتبرها أنتقام,,,, يكفينا نقول عذاب ضمييييييييييير
****بس يارب تكون رأى وصلك وفاهماه
سلاااااااااااااام
Mido

طبعا ياميدو نورت الموضوع وردك أكيد أفدنى وبصراحة أنت فعلا أشارت للحب اللى أقصده حب الأخوات لبعضهم والزمايل والأصحاب

ألف شكر على مرورك ودك

can_yama_can كتب:

بسم الله الرحمن الرحيم

والسلام عليكم ورحمه الله وبركاته



مساء جميل يحلى بتواجـــــــدك ويحلى بكلماتــــــك



سطــــــورك الذهبية ابتسمت لها جـــــــــوارحي

سيدتي
أقــــف لحظــة صمــت قبل ان ينطــــق قلمي حرفاً

فلا اجد من الكلام والحروف ما يقال بعد ان خط وما قاله الاعضاء هنا من ردود فاحتار قلمى ماذا يكتب وماذا سوف يقول اليكى فى سؤالك ولكن وجت من الافضل ان اترك جمله بسيطه لعل يكون فبها مختصر سؤالك واتمنى ان تكون الاجابه موفقه

فانا اقول من يملىء قلبه الحب لايوجد مكان او مساحه للكراهيه وان وجد ما يساع للكراهيه فهو قليل ولايستطيع انسان عرف طريق الحب ان يتركه ويمشى الى طريق الكراهيه ولكل منا مساحه للكراهيه ولكن الجانب الاكبر للحب واحب ان اضيف ايضا ان للقلوب انواع وبالتالى لانستطيع ان نحكم على قلوب غيرنا ولكن نحكم على قلوبنا نحن فلا استطيع ان اتكلم بصفه عامه فلكل انسان مشاعره ولكن منا تفكيره الخاص فعندما احكم على نفسى وعلى قلبى فاعلمى انه لايوجد مكان للكراهيه مها طال الزمن ومها حدث لى فى حياتى لااقدم الا الحب للحب و الحب للكره ولااجد الا ذلك وتلك هى حياتى واتمنى تكونى فهمتى وجه نظرى وان الرد يكون افادك فى سؤالك سيدتي انا
لا أحب كثير المدح والكلام
لكن بالفعل أنتي تستحقين منا
جزيل الثناء
ومن له قلب ليقف معك طويلاً هـنـا وأسال الله ان تكونى فى خير صحه واحسن حال واتمنى لكى التوفيق

وعليكم السلام ورحمة الله وبركاته
مرسيه قوى يا كان ياما كان على الرد البسيط ده اللى بيحمل كلمات ومعانى ثقيلة ويزانها كبير
ألف شكر على مرورك وردك الجميل ده

دلوعة الشرق كتب:

السلام عليكم ورحمة الله وبركاته ....


في الأول : وقبل كل شيء أنا بحيي أميرة الطفوله على موضوعها الرائع .. وليا الشرف بأن أرد على موضوعك زي ما أنتي طلبتي وانا طبعا تحت امرك في كل حاجه تطلبيها ...


ثانبا : نجي للسؤال هل القلب اللي بيحب ممكن يكره انا في رأيي طبعا القلب اللي بيحب حب صادق من غير غش ولا خداع حب بجد من غير حقد ولا كراهيه ده عمره مايكره أبدا مهما كانت الظروف .

فمثلا: انا دايما واخده مبدأ في حياتي عمري ما بغيره ابدا اعتبروه اني بقيس بيه دايما حبي للناس أو حبهم ليا والمبدأ هو ( اللي بيحبني بجد هو اللي مايزعلش مني حتى لو زعلته ) .
فأنا لو بحب صحبتي أو زملتي أو حد من أقاربي حب في الله حب صادق حب التقدير والأحترام وجه اليوم وزعلتني لأي سبب كان انا عمر ماقلبي هيكرهها ابدا ودي فعلا حصلتلي في حياتي وكمان مع احدى زميلاتي كنت معتقده في الاول ان هيجي اليوم ولو شفتها مش هكلمها خالص لكن اكتشفت العكس تماما ... هو الموضوع ان الواحد هياخد موقف جامد جدا علشان اللي مزعلني يعرف قيمتي كويس ومايكررش غلطه تاني ...

اما حكايه الانتقام دي صعبه شويه ... هو ممكن يكون الانتقام رد للكرامه زي ما عاشقه سما تفضلت وقالت ودي ما فيش ملام فيها بس مش هيكون انتقام بمعنى الكلمه ...وبرده الموضوع يرجع لشخصيه الواحد ففيه من يرى انه المفروض يرد جامد وياخد حقه علشان يحسس غيره بغلطه .. وفيه ناس تانيه ما تقبلش على نفسها ان تاخد حقها وتستسلم للأمر منعا بانها تجرح اللي بتحبه .. ودي شخصيات قلبها طيب جدا ومليان حنيه وانا اعتقد ان ده زي قلبك يا أميره ...

اسفه جدا لاني طولت عليكم بس بجد يا أميره أنا مش لاقيه كلام بعد ردود أعضاء المنتدى الجميل .. وأنا شايفه ان كلهم مهتمين بجد للموضوع ... تسلم ايديكي فعلا يا قمر ودي طبعا مش غريبه عليكي ..

وربنا معاكي دايما يارب ويوفقك في حياتك ..


وبالمزيد ان شاء الله ...

أهلا بحبيب قلبى دلوعة الشرق بجد نورتى الموضوع ياعسل
وردك زى العسل زيك طبعا
وكمان ياحبيبى أنتى محدش يزعل منك لأنه هيكون عبيط
سلام ياحبيبى وربنا معاكى

leaderofmansoura كتب:

اولا السلام عليكم ورحمة الله وبركاته

احب ان اشارك لمرة اخرى فى هذا الموضوع الراااااااااااااائع حقيقة اختى العزيزة لانه مسنى بالفعل واريد ان اوجه اجابات على قدر المعروض من الاسئلة كبقية اخوانى الاعضاء وهذا بالطبع بعد اذن اختى العزية علينا كلنا اميرتنا اميرة الطفولة .

1)ياترى القلب اللى بيحب الناس يقدر فى يوم يكرههم ؟
بالطبع لا لن الحب لما بيتمكن بقلوبنا الواحد مننا مبيئاشى ملك لنفسه بالعكس دة بيبئة ملك لروح هوة بيستريحليها وبيستريح كمان انه بيرتاح ليها وبيتمنى ان الروح دى بترتاح ليه بصفة عامة وانا مبختصش جزء معين من الحب لا سمح الله لا انا بقول ان القلب دة هدية اداهالنا ربنا سبحانه وتعالى علشان ننمى روح التاخى والحب ما بيننا وكمان لو اضطرتنا الظروف السيئة لا قدر الله من الخلافات لازم نفتكر اننا شاركنا بعضينا اجمل واحلى واروع الذكريات والايام فا بئة متجيشى مشكلة 5 دقائق مثلا تقلب العلاقة الاخوية الجميلة دى اللى استمرت ايام وشهور وسنين فلازم نتحلى بالصبر والحب ولازم نبئة متسامحين على قدر مسئولية الحب نفسه وليس على قدر الالزام بتلك المسئولية فمش ممكن ابدا ان القلب اللى يحب يكره لا مستحيل والله اعلم .

2)لو كرههم مهما عملوا فيه ممكن يحاول ينتقم منهم؟&ياترى هتكون طريقة أنتقامه أزاى؟
اولا سياسة الانتقام من اروع سياسات الغباء الانسانى التى وجدت على مستوى البشرية بصفة عامة لان العقل مصمم بحيث يتم تدبير الامور الذاتية بشئ من الحكمة والضمير وليس بشئ من الغباء الذى يؤدى فى النهاية الى طريق مسدود لا يمكم ابدا ان نعتبر سياسات الانتقام هى الحل الامثل للوقوف ضد ازمات الظروف وتبعاتها الشكلية ولكن يجب علينا ان نتحلى بشئ من الحب اى استحضار حلاوة الايمان بالله غير المحدودة فى القلب حتى يتم تنقية القلوب من جميع شوائب الكره والخداع التى ارستها قواعد الخبث الشيطانية ولا حول ولا قوة الا بالله وبالتالى لن نعطى الفرصة باذن الله لهذا العدو الشيطانى ان يتملك النفس ويعطلى لها اى مخرج للخروج عن الحدود الكونية والتى سوف تصل بنا فى النهاية ولا قدر الله الى الكره والخداع والانتقام وهذا ما لا نريده فالاجابات المثالية التى لا تنفذ على ارض الواقع هى نفسها الاقوال الخادعة التى تنفذ على وجه الواقع ذاته ولكن يجب علينا ان نفتعل الاقوايل السليمة ونحولها الى واقع حتمى نسير على نهجه ولا يسير هو كما يريد واذا استطعنا ان نفعل ذلك بقوة الايمان والصبر على المكروه لن نصل ابدا لموضع هذا السؤال اختى العزيزة وبالتالى لا يكون هناك اى مجال للرد .

طبعا اميرتنا واميرة المنتدى كله منورانا باسئلتك الجمييييييييلة دى وربنا يوفقك دائما يارب
وشكرااااااااا ليكى مرة تانية
ومستنييييييييين المزيد بامر المولى جل وعلا انه ولى ذلك والقادر عليه
واااااااخر دعوانا ان الحمد لله رب العالمين
سلاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااام.

أولا وعليكم السلام ورحمة الله وبركاته
ألف شكر ليك ياليدر على ردك الجميل ده وياسيدى الموضوع موضوعك تدخل ترد وقت ما تحب مرة أتنين تلاتة براحتك
وبصراحة عجبتنى قوى جملة ( الأنتقام من أروع سياسات الغباء ............) بجد تشبيه رااائع ميكتبهوش غير كاتب زيك
ألف شكر قوى ياليدر على مشاركتك فى موضوعى وردك الجميل ده

ربنا يوفقك يارب ويسعدك
سلاااااااااااااااااااااااااااااام

lifemakers88 كتب:

كان عندى سؤال نفسى كلكم تشاركونى فى الرد عليه بأرائكم

ياترى القلب اللى بيحب الناس يقدر فى يوم يكرههم ؟ ولو كرههم مهما عملوا فيه ممكن يحاول ينتقم منهم ؟ وياترى هتكون طريقة أنتقامه أزاى؟

أولا ومن غير مقدمات بحب أرسلك باقه ورد تهنئه مني على موضوعك الميتوصفش ولو بكلمه و البجد زي ما قال كيمو عرفنا ازاي أعضاء المنتدى الرااااااااااااائع ده بيفكروا .....................نبدأ في سؤالك العسل بقه:
بصي يا جميل أنا وأعوذ بالله من كلمة أنا في نظري أي انسان لازم يمسح كلمة الكره ديه من قاموس حياته لانها بجد كلمه وحشه جدااااااااااا وبعدين ديننا مبني على الأخوه والمحبه وحب الخير للغير ومقابلة المعامله السيئه بأحسن منها
زي ما الرسول صلى الله عليه وسلم لوتفتكري لما عفا عن الكفار يوم فتح مكه وقلهم اذهبوا فأنتم الطلقاء شوفي دول آذوه اد ايه وبرضو عفا عنهم وعلى فكره أنا باقتدي بالرسول في الحته ديه قوي لاني بحسها اجمل صوره للمسلم يرسلها
للديانات الأخرى العفو وانك تسامحي وان كان برضو متهنيش نفسك يعني ممكن أزعل شويه وبعدين ربنا هيصفي النفوس وترجع أجمل....وأجمل وبعدين حكاية الانتقام ديه ملهاش غير انك تسامحي وده هيكون أصعب انتقام لان يكفيها تأنيب الضمير لكن زي ما قولتلك كرامتك فوق كل حاجه....

أنا عارفه اني رغيت كتيييييييييييييير بس أعمل ايه مقدرش أشوف أختي بتسأل سؤال ومجوبهاش ...
آسفه جدااااااااااا اني طولت عليك ...
تحياتي..

لا ياحبيبى لا رغيتى ولا حاجة ده أنتى نورتينى بردك
ومرسيه على باقة التهنئة بجد أن عجبنى ردك جدا ومن أكتر الردود اللى بجد عجبتنى لانك أستشهدتى بخير قدوة لينا وهو حبيبنا وحبيب الخلق محمد _ صلى الله عليه وسلم _ حبيب الخلق
ألف شكر ليكى ياعسل على المرور والرد

فى البداية احب اقولك ان اى قلب ممكن يحب ويكرة على حسب الموقف ومش الانسان


يعنى ممكن واحد يعمل تصرف يضابقنى جدا بس اول اما بيتغير الوضع وينعكس الموقف

الاقى نفسى تلقائيا براجع شعوري ناحيته

يعنى من الآخر اى حد فينا لما بيكرة بيكرة الموقف مش الانسان

واما بيحب بيحب لموقف عمله الانسان الى بيحبه فاتعلق بيه

الحاجة التانية ان انا بشوف ان مفيش حب مطلق وكره مطلق للبشر فيعنى ممكن واحد بتحبه جدا ويعمل حاجات كتيرة تزعلك فينقلب الحب لكره والعكس

اذن الواحد يكره المواقف لا الاشخاص اما شعورنا ناحية الناس فبيكون مجرد زعل بتختلف درجته على حسب قرب الشخص منك وده بيتهى ويروح لحاله مع الوقت

وبالنسبة لموضوع الانتقام فانا معتقدتش ان فى انسان يفكر فى الانتقام من واحد تانى لمجرد ان عمل حاجة جرحته اوزعلته سواء بقصد او من غير قصد

ورغم كدة فابسط حاجة ممكن اعملها مع الشخص دة انى اتجاهله واعتبره مش موجود معايا واكمل حياتى من غيره واثبتله ان وجوده زى عدمه

وفى النهاية احب اشكرك على موضوعك الهايل واحييكى عليه

مرسيه قووووووووووووووووى يازكوة على ردك ولا يهمك ولا تأخير ولا حاجة وبجد ردك راااااااااااااائع جدا
وانا كمان مش متعود ادخل القسم ده كتير
على فكرة أنا سؤالى عادى لأى شخص بيحب أى حد يعنى زى ما أحنا بنحب أصحابنا وأخواتنا وأهالينا
ربنا يحميك ويسعدك

بصراحة ياأميرة انا كنت اتمنى اني اكون حاضر الموضوع من الأول
لكن المهم اني اشارك ولو براي

بصراحة ياأميرة شكلك كده انسانة جميلة وطيبة جدا من واقع رد زمايلك وحبهم الواضح جدا ليكي بيدل على صحة كلامي ده

لكن شكلك كده من نوعية الناس الطيبة جدا لكن لو كره بيكره جدا جدا
وكمان مابيسمحش بسهولة
بس أنا عندي ليكي نصيحة : حاولي تدي الي غلط ده او الي انتي حاسه انه غلط فرصة يدافع فيها عن نفسه وكمان ماتحكميش على حد من تصرف ابدا زي ما المثل بيقول
"" تعرف فلان قال آه اعرفه . قاله عاشرته قاله لا قاله يبقى ماتعرفوش""
فأياً كان الشخصية إلي انتي متضايقة منها للدرجة دي

حاولي : أولا :: تقربي منها اكتر وتفهميها كويس عشان حكمك يكون في نحله
ثانيا :: تفهمي طريقة تفكير الشخصية دي الزاي

وبكده يوم ماتحكمي هتكوني عارفه انتي بتحكمي الزاي من غير ماتظلميها ودعوة المظلوم مستجابة
ولما تفكري تنتقمي منها هتعرفي تنتقمي منها ازاي لأنك هتكوني درساها كويس جدا


ويريت اسمع ردك على الكلام ده

أولا ياكاجو بشكرك على مرورك وردك ومشاركتك فى الموضوع
وبصراحةأنا دى كانت مشكلة أياميها مع واحدة صبحتى بعزها قوووووووووووووووى ولكن الحملله أتحلت
وهو طبعا كلامك كله صح وميرسيه على الكلام الجميل ده
ومرة تانية بشكرك على ردك ومشاركتك

بسم الله

اقتباس :

ياترى القلب اللى بيحب الناس يقدر فى يوم يكرههم ؟ ولو كرههم مهما عملوا فيه ممكن يحاول ينتقم منهم ؟ وياترى هتكون طريقة أنتقامه أزاى؟

لما اجى ارد على موضوع بحب ارد قبل ما اقرأ ردود باقى الاعضاء علشان مشتتش نفسى بين الاراء ، انما الموضوع دا انا حبيت بجد اقرا كل الردود قبل ماأقول اى حاجة لانه وباختصار وزى ما قال اعضاء كتير ، خلتينا نشوف الناس بتفكر ازاى .
بصراحة كنت راغبا فى استلال قلمى ليرشف قليلا من محبرتى عله يسعفنى فى ايجاد كلمات اعبر بها عن وجهة نظر متواضعة ، لكن لقيت ان الكيبورد احسن واسهل وهتنجز معايا فقعدت على كنبة بلدى وقولت خلى البساط أحمدى .......

انا عجبنى اوووووووى رد ZIKWA

اما عن رأيى بقا ..
دا طبعا مش سؤال دول 3 اسئلة مرتبطة ببعض
اول سؤال ؟
ياترى القلب اللى بيحب الناس يقدر فى يوم يكرههم ؟؟

الاجابة : طبعااااااااااااااااااااااااااا

لسبب واحد الحب والكره حاجه واحدة وشعور واحد مينفعش يتجزأ باى حال من الاحوال
عايز اقرب الصورة : لما بتيجى المذيعة فى النشرة الجوية تقول ان درجه الحرارة فى انقره سالب سبعة ، وطبعا دى مش حرارة دى برودة ..
انا شايف ان علاقة الحب بالكره زى علاقة الحرارة بالبرودة ، حتى لو اعتبرناهم حاجتين مختلفتين
فمقياسهم عندنا واحد ...فالحب هو مقياس لدرجة تقبلك للانسان اللى بتعامله وطبعا بتتفاوت ومن هنا جه تفاوت درجات الحب( اكيد مش محتاجين نتكلم فى النقطة دى )....
يارب اكون قدرتع اوصلها زى مانا عايز !!!!!

ولو كرههم مهما عملوا فيه ممكن يحاول ينتقم منهم ؟؟؟

حتة الانتقام دى بتتوقف على شخصية الانسان اللى اتخدع (اللى عايز ينتقم )
فيه شخصيات بطبيعتها مسامحة ودى مش هتفكر فى انتقام وهيكون ردها الحمد لله انى متخدعتش كتير
وفيه شخصيات مريضة هتفكر حتما فى الانتقام
وفيه شخصيات مكابرة هتقولك ان الشخص دا ميستحقش حتى انى افكر فى الانتقام منه ( طبعا نسى كل اللى كان بينهم سواء كانت حبيبته او صاحبه )
فنقظة الانتقام دى هيختلف الكلام عليها كل واحد حسب تفكيره وشخصيته ..


وياترى هتكون طريقة أنتقامه أزاى؟
دى بصراحة مش عارف ارد عليها لان انا بضم نفسى للشخصيات المسامحة فمقدرش اجاوبك ..

طبعا دى وجهة نظر

طبعا ممكن يكرههم
لكن الانتقام معتقدش