سؤال محيرنى اوى ..... ممكن آرائكم !!!

السلام عليكم ورحمة الله وبركاته

هو فعلا سؤال محير قووووووووووووووى ياعموووووووور ومحتاج تفكير طويل
بس أنا بعتقد فعلا أنه هو ممكن يكون كره ليك أو جواهم أحساس بالنقص أنهم مش وصلوا لنفس الدرجة اللى وصلت ليها
وممكن عشان مش نظلمهم تكون دى طبيعتهم وأحنا بنحس أنها حاجة مش عارفين ليها سبب
بصراحة مش لاقيهم تبرير لتصرفهم

ياريت نشوف أراء أخواتنا العفاريت جايز يفيدونا ويجاوبوا على السؤالالأجابة بتاعته صعبة قوووووووووووووووووووووووووووى

مرسيه ليك عمووووووووووور

مرسى كتير ليكى انتى يا اميرة على مرورك ومشاركتك فى الموضوع .... يمكن هيا حاجة تكون حاجة فعلا صعبة شوية ... فى التفسير لكن الهدف كله من دا انى اعالج المشكلة ديه او ازاى الاقى ليها حل ... بصفتها ممكن تكون مشكلة اجتماعية اكثر من كونها شخصية .. كتير يمكن نواجها فى حياتنا وبرده واحدة ورا التانية بتترك اثارها السالبة على مشاعرنا ونفسيتنا ... ودا مش من باب الضعف كفرد لأ من بابا الضعف كإنسان ....

متشكر اوى يا اميرتنا على ابداء رآيك فى الموضوع ... بس سؤال "تفتكرى لو انتى .... هتعملى ايه ... هتصرفى ازاى...؟؟"

منتظر ردك ... ومستنى ردود اخوانا العفاريت ... وياريت يجوبونى على نفس السؤال؟؟؟

هاى يا عمور والله سؤالك جه فى وقته بس يا باشمهمندس

انا نفسى عنيت من المشكله دى بس الخلاصه كلها فعلا ان فى ناس بتبقى من جوا قلبها مش ابيض

مدام انت حاولت تعرف السبب ومش لاقى يبقىى فعلا هما كدا العلم الى احنا عيشين فيه نادر اوى

لما تلاقى الناس الطيبه....وفى حكمه بتقول ان الشجره المثمره هى الى الناس تلقيها بالطوب

فى حاجه كمان سيب الناس دى متحاولش تزود اختلاطك لان لاحساسك بكرههم بيزود من حزنك

وصدقنى مع الايام هتكتشف انك انت الى صح وبالذات انك مش اذيت حد فيهم خالص

انا الايام اثبتت ليا دا وكمان هتحس بيه لما تلاقى حواليك الى بيحبوك ويحبولك الخير وتلاقى الى بيكرهك لوحده هتتأكد انك صح

سورى عالاطاله

السلام عليكم أول حاجه

من رأيى ياأخ عمووور أن الى بيحبك بجد وصحبك أوى عمره لما يشوفك بتنجح يحقد عليك أو يحس بغرور لأن الصاحب بجد زى مبيحب لنفسه يحبلك
أما الناس الى انته تعرفهم معرفه سطحيه أعتقد أن معظمهم هيحقدوا عليك ويقولوا كمان انك مغرور ودى حاجه طبيعيه كل واحد بيشوف حاجه كويسه يتمناها أو يحسدك عليها ودى حاجه منتشره أوى
وطبعا فى فرق بين الغرور والثقه بالنفس أنته لما بتكون بتعمل حاجه وتنجح فيها بتحس بالفرحه طبعا لما تحقق هدف كنت بتتمناه أوتعبت فيه وممكن الناس تفكر تفكير خاطىء أنك مغرور

المهم ف الاخر هيه حاجه محيره بس الواحد يحط نفسه فى نفس الموقف هيفكر أزاى الواد ده مغرور ولا عادى؟؟؟ ده تبع الشخصيه
سلااااااام وبجد سؤال جميل تسلم عليه

وانا زى نيو هارت بجد عانيت شخصيا من حاجة زى دى
وقريب جدا بس كانت اول واخر مرة الحمد لله

المشكلة بقى عندى اكبر لان للاسف هما بيكون شعور الكره او الخنقة دى
مجرد شعور لا دة ممكن يتحول لفعل وبدون علمك مين كمان الشخص دة
يعنى ممكن يكون معاك وصاحبك وبيحسسك انه بيحبك ويكون من وراك او من جواه
نفسة يعملك كارثة
والفعل دة انهم مثلا يوقعوك ف مشكله او يهنوك بس طبعا بطريق غير مباشر
ودى المشكلة الاكبر لان احساسهم الداخلى احنا مش هنعرف نغيرة الا اذا كنا عارفين مين الاشخاص دول وانت من كلامك يا عمور واضح انك بتعررفهم من نظراتهم او هما معرفين نفسهم ليك
ودى سهل اوى التعامل معاهم انك دايما تبين حسن معاملتك تبين شوية حب زيادة ليهم تحسسهم انك زيك زيهم وياريت لو فى بعض الاحيان تحسسهم انك اقل كمان
ممكن برضه تعرفهم ان مثلا لو انت ربنا عاطيك شىء كويس او هبة كويسة او منحك نجاح فى شئ فالاكيد انه مش عاطيك كل شىء وفيه حاجت تتمناها يمكن تكون عندهم ومش عندك ودايما تزكر حمد الله قدامهم

وتتمنى انهم يكونوا زيك ويعرفوا دة
كل دى حلول دا اذا كنت انت باقى عليهم او يهموك

وانا مه نيو هارت ان فعلا زيادة الاختلاط والتعارف برضه بيجيب مشاكل
مهما كنت محبوب او اجتماعى
لازم يكون فيه حدود

ودة تفكيرى وطريقتى حاليا وهى ناجحه الحمد لله فى التعامل
اتمنى انها تكون مفيدة فى حيرتك
ولو حتى هتساعد فى تقليلها
وبالتوفيق
سلاااااااام

نيو هارت قالت :-

اقتباس :

هاى يا عمور والله سؤالك جه فى وقته بس يا باشمهمندس

انا نفسى عنيت من المشكله دى بس الخلاصه كلها فعلا ان فى ناس بتبقى من جوا قلبها مش ابيض

مدام انت حاولت تعرف السبب ومش لاقى يبقىى فعلا هما كدا العلم الى احنا عيشين فيه نادر اوى

لما تلاقى الناس الطيبه....وفى حكمه بتقول ان الشجره المثمره هى الى الناس تلقيها بالطوب

فى حاجه كمان سيب الناس دى متحاولش تزود اختلاطك لان لاحساسك بكرههم بيزود من حزنك

وصدقنى مع الايام هتكتشف انك انت الى صح وبالذات انك مش اذيت حد فيهم خالص

انا الايام اثبتت ليا دا وكمان هتحس بيه لما تلاقى حواليك الى بيحبوك ويحبولك الخير وتلاقى الى بيكرهك لوحده هتتأكد انك صح

سورى عالاطاله

كلامك فعلا جميل اوى يا نيو ... واقعى جدا ... وواضح انه خارج من قلبك لانه فعلا دخل قلبى علـطول واقتنعت برايك كأحد الاراء المميزة جدا ...

الحاجة التانية انى لاقيت الحكمة دى فى مكانها فعلا "وفى حكمه بتقول ان الشجره المثمره هى الى الناس تلقيها بالطوب"

فعلا بس ... على المستوى الاجتماعى بالاشخاص دوول انا فعلا مبختلطش بيهم كتير ... ليه تكون فى مكان يسببلك حزن على رأيك .... وكمان اسلوبى واضح فى اجتماعياتى جدا مع كل الناس الحمد لله وانا مش بداريه عن حد ولا اعتبره سر ولا حاجة انه "الاسلوب بالاسلوب بس ابتدى بالاحسن انت دايما ... مهما ان كان ادراكك لتصرفتهم كبير ... لازم ترضى نفسك كا انسااان بردة " ...

لكن السؤال كان بينى وبين نفسى على المستوى الشخصى يعنى .. كان ايه الدافع ... عشان لو خطأ منى .. احاول اصلحة ... ولو منهم فده مكنش خطئى ...

يعنى استنتج من كلامك انه رايك يكون "مش تلتفت للناس دول مدام انت على صواب وواثق من كدا ... بالاضافة ان الدافع عندهم انهم بيحقدوا عليك .... تمام كدا " ...

جميل ....راى كويس وعملى اوى

ومتشكر جدا يا نيو على مشركتك فى الموضوع واتمنالك التوفيق والنجاح دايما...

اقتباس :

السلام عليكم أول حاجه

من رأيى ياأخ عمووور أن الى بيحبك بجد وصحبك أوى عمره لما يشوفك بتنجح يحقد عليك أو يحس بغرور لأن الصاحب بجد زى مبيحب لنفسه يحبلك
أما
الناس الى انته تعرفهم معرفه سطحيه أعتقد أن معظمهم هيحقدوا عليك ويقولوا
كمان انك مغرور ودى حاجه طبيعيه كل واحد بيشوف حاجه كويسه يتمناها أو
يحسدك عليها ودى حاجه منتشره أوى
وطبعا فى فرق بين الغرور والثقه
بالنفس أنته لما بتكون بتعمل حاجه وتنجح فيها بتحس بالفرحه طبعا لما تحقق
هدف كنت بتتمناه أوتعبت فيه وممكن الناس تفكر تفكير خاطىء أنك مغرور

المهم ف الاخر هيه حاجه محيره بس الواحد يحط نفسه فى نفس الموقف هيفكر أزاى الواد ده مغرور ولا عادى؟؟؟ ده تبع الشخصيه
سلااااااام وبجد سؤال جميل تسلم علي

اولا وعليكم السلام ورحمة الله وبركاته..
ثانيا تحية خاصة جدا ليك يابوددى على وجودك وابداء رايك اللى هعلق عليه حالا .. وكمان رجوعك للمنتدى لانى تقريبا بقالك فترة كنت مخاصمنا باين ...
اهلا بيك وبعودتك يا زعيم ... وربنا يوفقك ويديمها عليك دايما على خير ..
اما بالنسبة لرأيك يا بوودى ... فواقعى برده جدا .. بس انا حابب الفت نظرك لحاجة .. انه طبعا كلنا عارفين ان العلاقات السطحية اكتر بكتير جدا عند اى حد من الصداقة او الصحبية ... وعاندك حق جدا فى اول جملتين .. والكلمة ديه عجبتنى بردة
" المهم ف الاخر هيه حاجه محيره بس الواحد يحط نفسه فى نفس الموقف هيفكر أزاى الواد ده مغرور ولا عادى؟؟؟ ده تبع الشخصيه"
عاندك حق ...

يعنى اطلع من ردك ومشاركتك يا هندسة انك تقصد "دة شىء طبيعى وبيحصل لاى حد فينا لكن متبصش لردود افعالهم ... لانه شىء يتبع الشخصية"

متشكر اوى ليك يا بوودى على وجودك معانا وابداء رايك

تقبل منى التحيات

اخوك عمووور

"أوك ياعمووووووووووور
والله لو أنا لو كان حد قريب منى بصراحة هواجه لأنى معرفش أمشى وأسيبه من غير ما أقوله باللى أنا حاسه من نحيته ممكن أكون ظلماه وفاهمة تصرفاته وسلوكه وكلامه غلط
وممكن يكون هو فعلا من جواه حاسس أنى أفضل منه فسأله ليه وهحاول أشيل الفكرة دى من دماغه وأحسسه أنه بالعكس هو الأفضل منى وهرفع من معنوياته وأغير معاملتى معاه جايز يكون أنا اللى كنت مخطئة فى أختيارى لأسلوب التعامل معاه وعشان كده حس الأحساس ده نحيتى

أما لو حد غريب فهحاول أقرب ليه أكتر وأفهمه جايز أقدر أشيل الأحساس ده من جواه وهحاول أغمره بحبى له وتعلقى بيه وهحسسه أنه شخصية مهمة فى حياتى ولا أقدر على التخلى عنها لأنه زى ما أنا ليه دور فى حياته أكيد هو ليه دور فى حياتى وهحسسه أنه دور مهم قوووووووووووى فى حياتى جايز أكسبه كصديق وأخ بدل ما أخسره خالص ويزداد كره ليه
لكن مش أفضل أنى أبعد عنه وأسيبه لأنى هحس أنه هروب والهروب ضعف ومش بيحل المشكلة وأنا مبحبش أحس أنى ضعيفة قدام نفسى بالذات

بجد ياعمووووووووووووووور سؤالك مهم جداااااااااااااا
وده طبعا مش جديد عليك دايما بتطلع بمواضيع ومناقشات غاية فى الروعة
ربنا يسعدك يااااااااااااااااااااااارب
أنا تحت أمرك لو فى تعليق على أى حاجة فى ردى

اما هيللين قالت

اقتباس :

وانا زى نيو هارت بجد عانيت شخصيا من حاجة زى دى
وقريب جدا بس كانت اول واخر مرة الحمد لله

المشكلة بقى عندى اكبر لان للاسف هما بيكون شعور الكره او الخنقة دى
مجرد شعور لا دة ممكن يتحول لفعل وبدون علمك مين كمان الشخص دة
يعنى ممكن يكون معاك وصاحبك وبيحسسك انه بيحبك ويكون من وراك او من جواه
نفسة يعملك كارثة
والفعل دة انهم مثلا يوقعوك ف مشكله او يهنوك بس طبعا بطريق غير مباشر
ودى
المشكلة الاكبر لان احساسهم الداخلى احنا مش هنعرف نغيرة الا اذا كنا
عارفين مين الاشخاص دول وانت من كلامك يا عمور واضح انك بتعررفهم من
نظراتهم او هما معرفين نفسهم ليك
ودى سهل اوى التعامل معاهم انك دايما
تبين حسن معاملتك تبين شوية حب زيادة ليهم تحسسهم انك زيك زيهم وياريت لو
فى بعض الاحيان تحسسهم انك اقل كمان
ممكن برضه تعرفهم ان مثلا لو انت
ربنا عاطيك شىء كويس او هبة كويسة او منحك نجاح فى شئ فالاكيد انه مش
عاطيك كل شىء وفيه حاجت تتمناها يمكن تكون عندهم ومش عندك ودايما تزكر حمد
الله قدامهم

وتتمنى انهم يكونوا زيك ويعرفوا دة
كل دى حلول دا اذا كنت انت باقى عليهم او يهموك

وانا مه نيو هارت ان فعلا زيادة الاختلاط والتعارف برضه بيجيب مشاكل
مهما كنت محبوب او اجتماعى
لازم يكون فيه حدود

ودة تفكيرى وطريقتى حاليا وهى ناجحه الحمد لله فى التعامل
اتمنى انها تكون مفيدة فى حيرتك
ولو حتى هتساعد فى تقليلها
وبالتوفيق
سلاااااااام

بسم الله ماشاء الله واضح فعلا من ردك اللى اثار اعجابى جداااااا مدى توسع افقك وادراكك يا هيللين فى المواضيع الاجتماعية اللى زى ديه ... دا طبعا علاوة على ان طرقتك فى التعامل بتبين مدى ذكائك الاجتماعى فى تصنيف المواقف .. وايجاد حلول مناسبة .... انا حقيقى معرفكيش شخصيا بس دا ميمنعش ابدا انى اعترف انه معظم آرائك بتقنعنى جدا واكثر اسلوب تفكير وجدته هنا قريب جدا ليا ... بيبين مدى ثقتك بنفسك بالاضافة الى عزة النفس واكتساب احترام الناس ليكى وانك انسان جدير جدا بالاحترام وحب الناس .... انا قريت ليكى اكتر من رد فى مواضيع مختلفة... وفى كل مرة لم يختلف راى عن قبله ...


فعلا طبعا لازم مهما كان الانسان اجتماعى او محبوب او علاقته كتير باشخاص مختلفين دة ميمنعش ابدا بل يجب انه يكون حذر لان كل حاجة ليها مميزتها ومشاكلها ... عشان كدا مش معنى انك تكون متساهل ... تكون ساذج ... ومش معنى انك تكون حذر تكون .. خوّان لأ ابدا مبدأنا اننا كلنا بشر يعنى الخطأ واجب زى الشفافية تمام ...
او زى ما انتى قلتى لكل حاجة حدود...

اما لقى بالنسبة للناس دول "تبين حسن معاملتك تبين شوية حب زيادة ليهم تحسسهم انك زيك زيهم وياريت لو
فى بعض الاحيان تحسسهم انك اقل كمان"

رأى جميل اوى وعاقل جدا ... بس تفتكرى ده ممكن يتماشى مع كل الناس ... انا قصدى فى ناس محبتكش بعد معرفوك رغم اهتمامك واحترامك عشان انت مثلا ناجح فى علاقاتك .. وفى ناس محبتكش من غير مايعرفوك حتى او زى ما بيحصل دايما فى علاقات الاجتماعية السطحية بين الولد والبنت على سبيل المثال..

انا راي انه فى النوع التانى افضل ... لكن فى الاولانى الاسلوب ده بيحسسهم بالنجاح وان طرقتهم "جابت الشخص دا لحد عندنا " .. انا كان راى خالى فى الموضوع دا .... "ان الانسان اللى يحسسك بالتكبر والغرور عشان مش حابب انك تكون احسن منه .. حسسه بانه ولا حاجة بردة وانك احسن وكمان مش مهتم ... صدقنى اد ايه بيجرى وراك هوة وبيتراجع عن تفكيره دا " يعنى الاسلوب بالاسلوب زى ما قولت لنيوا هارت ... بس فى حالة انك كنت الاحسن فى الاول وبدأت الاشخاص دول ترى فيك صفاتك ....

انا آسف جدا على الاطالة عليكى ياهيللين ... لكن بصراحة ردك ومشاركتك نستنى الموضوع نفسه ...

وحقيقى رايك من افضل الاراء اللى فدنى جدا جدا فى المواضيع المماثلة ... الانسان اللى عانده خبره فى التعاملات زيك كدا ... اكيد عانا كتير اوى وشاف كتير واتعلم من كل المواقف اللى مرت فى حياته عشان يكتسب شخصية جميلة اوى ... زى حضرتك كدا...

خالص تمنياتى ليكى بالنجاح الدائم فى كل علاقاتك والتوفيق هيللين

تحياتى

عمووور

اولا ميرسى اوى لتعليقك على الرد بالكلام دة

اما بالنسبة لكلامك:

اما لقى بالنسبة للناس دول "تبين حسن معاملتك تبين شوية حب زيادة ليهم تحسسهم انك زيك زيهم وياريت لو
فى بعض الاحيان تحسسهم انك اقل كمان"

رأى جميل اوى وعاقل جدا ... بس تفتكرى ده ممكن يتماشى مع كل الناس ... انا قصدى فى ناس محبتكش بعد معرفوك رغم اهتمامك واحترامك عشان انت مثلا ناجح فى علاقاتك .. وفى ناس محبتكش من غير مايعرفوك حتى او زى ما بيحصل دايما فى علاقات الاجتماعية السطحية بين الولد والبنت على سبيل المثال..




اه هوا ممكن مش يتماشى اوى لكن بيدى على الاقل انطباع كويس عنك
انك برضة مازلت رغم احساسهم بكره او خنقة اتجهاهك انك مصر ان تكون انسان كويس ومعاملتك كويسة اتجهاهم مش علشان هما مهمين فى حياتك بس دينك مقلكش تهين حد وان مهما كان (البسمة فى وجه اخيك صدقة)
وهما لازم يكونوا عارفين دة من تعاملك معاهم

وانا عجبنى راى خال حضرتك جداااااا
وممكن ينفع فعلا مع النوع اللى انت قولت عليه
بس عن نفسى شخصيا بجد متهيالى مقدر اعمل كدة
صعب اوى تحسس اللى قدامك انه ولا حاجة
لالالالالا بجد صعب
اصل زى مرضاش انى حد يحسسنى الاحساس دة محبش احسسه لحد


هوا ممكن تعمل دة من نفسك بس مش لدرجة نحسسة بكدة يعنى
ادام عملت كل اللى عليك وهما زى ماهما
يبقى ممكن تبعد وكفاية اوى السلام عليكم وازيكم بس برضه ببسمة او
تدل على اهتمام بطريقتك وبس
اصل صعبة اوى عدم المبالاه دى

اتمنى مكنش طولت بس الموضوع فعلا جذبنى جدا
وافكار الاعضاء فيه حقيقى افدتنى اوى

اتمنى مكنش انا اللى طولت بردودى
وشكرا
بالتوفيق

اقتباس :

"أوك ياعمووووووووووور
والله لو أنا لو كان حد
قريب منى بصراحة هواجه لأنى معرفش أمشى وأسيبه من غير ما أقوله باللى أنا
حاسه من نحيته ممكن أكون ظلماه وفاهمة تصرفاته وسلوكه وكلامه غلط
وممكن
يكون هو فعلا من جواه حاسس أنى أفضل منه فسأله ليه وهحاول أشيل الفكرة دى
من دماغه وأحسسه أنه بالعكس هو الأفضل منى وهرفع من معنوياته وأغير
معاملتى معاه جايز يكون أنا اللى كنت مخطئة فى أختيارى لأسلوب التعامل
معاه وعشان كده حس الأحساس ده نحيتى

طبعا طبعا .. يا اميرتنا ... كلام جميل جدا ... ودا فعلا كان هيبقى تصرفى للناس اللى بيربطنى بيهم علاقة قوية وشاريهم ... وصعب عليا افتقدهم .. ودة حقيقى كان تصرفى فى احد المواقف اللى حصلت فى حياتى من وقت قريب لكن للآسف فشلت انى اقنع الشخص دا باللى مضايقنى .... فقررت انى اتجنب الاحتكاك المباشر بيه ... وبمعنى تانى الاسلوب اللى اراضيه بيه من غير ما شيل منه او يزعل منى ...

اقتباس :

أما لو حد غريب فهحاول أقرب
ليه أكتر وأفهمه جايز أقدر أشيل الأحساس ده من جواه وهحاول أغمره بحبى له
وتعلقى بيه وهحسسه أنه شخصية مهمة فى حياتى ولا أقدر على التخلى عنها لأنه
زى ما أنا ليه دور فى حياته أكيد هو ليه دور فى حياتى وهحسسه أنه دور مهم
قوووووووووووى فى حياتى جايز أكسبه كصديق وأخ بدل ما أخسره خالص ويزداد
كره ليه
لكن مش أفضل أنى أبعد عنه وأسيبه لأنى هحس أنه هروب والهروب ضعف ومش بيحل المشكلة وأنا مبحبش أحس أنى ضعيفة قدام نفسى بالذات

تصرف راقى جدا وذكى جدا كمان ... بس بردة زى ما قولت لهيللين احيانا بيعتبر ان دا مكسب لاسلوبه فى اهانة الآخرين .. ودا يفرق من شخص لشخص طبعا يا اميرة .. يمكن شخص يغير رايه ويشعر بالاحراج واد ايه كان هوة الصغير ودا اسلوب قوى جدا برده ... ويمكن شخص تانى قلبه ملون .. ماليه الغرور النابع من احاسه بالنقص واللى بيستعمله كدافع عشان يرضى نفسه ويملا النقص دا ودا بيحاكى الاحكمة اللى بتقول (ما تكبر احد .... الا من ذلة يجدها فى نفسه)

اقتباس :

بجد ياعمووووووووووووووور سؤالك مهم جداااااااااااااا
وده طبعا مش جديد عليك دايما بتطلع بمواضيع ومناقشات غاية فى الروعة
ربنا يسعدك يااااااااااااااااااااااارب
أنا تحت أمرك لو فى تعليق على أى حاجة فى ردى

والله انا اللى متشكر جدا يا اميرتنا على وجودك ومشاركاتك الجميلة جدا ديه اللى حقيقى كلنا بنفيد بعض بيها جدا ...
رايك كان راقى جدا فى تصرفه او ردة فعله .... ولكن برده من ننساش ان كل واحد منا انسان والعواطف بتلعب بيه فى اى وقت مهما ان كان واعى ... يعنى بسهولة ممكن يضعف ... ولا ايه رايك ...؟؟؟

اقتباس :

اولا ميرسى اوى لتعليقك على الرد بالكلام دة

اما بالنسبة لكلامك:

اما لقى بالنسبة للناس دول "تبين حسن معاملتك تبين شوية حب زيادة ليهم تحسسهم انك زيك زيهم وياريت لو
فى بعض الاحيان تحسسهم انك اقل كمان"

رأى
جميل اوى وعاقل جدا ... بس تفتكرى ده ممكن يتماشى مع كل الناس ... انا
قصدى فى ناس محبتكش بعد معرفوك رغم اهتمامك واحترامك عشان انت مثلا ناجح
فى علاقاتك .. وفى ناس محبتكش من غير مايعرفوك حتى او زى ما بيحصل دايما
فى علاقات الاجتماعية السطحية بين الولد والبنت على سبيل المثال..



اه هوا ممكن مش يتماشى اوى لكن بيدى على الاقل انطباع كويس عنك
انك
برضة مازلت رغم احساسهم بكره او خنقة اتجهاهك انك مصر ان تكون انسان كويس
ومعاملتك كويسة اتجهاهم مش علشان هما مهمين فى حياتك بس دينك مقلكش تهين
حد وان مهما كان (البسمة فى وجه اخيك صدقة)
وهما لازم يكونوا عارفين دة من تعاملك معاهم

تمام يا هيللين ردك فى الجزء دا بيدل على انك انسان راقى فى تصرفك معاهم برده مهما حاولوا يسببولك احباط نفسى ... دا طبعا له اساس انك انسان قوى جدا وراقى جدا ... بس ياترى بالدرجة اللى هتغلب بيها عواطفك وتأثيرهم على مشاعرك... يعنى مثلا عمرك يا هيللين ما حسيتى بالحزن لموقف معين من شخص ما... اكيد طبعا حسيت بيه وكتير "زى اى انسان"... ايوة "زى اى انسان"... يعنى صعب تكون افضل "دايما" ... صعب جدا .. يمكن تبقى مرة اتنين عشرة ... حسب صمودك ... لكن انا وانتى مش ملايكة ... وكمان اكيد انتى عارفة الدنيا والناس حوالينا شكلهم ازاى .... الكلام سهل اوى .. لكن برده ممكن نتأثر باى حاجة وبسهولة جدا ... احنا بردة مهما كنا ... جزء من البشر دا ... يعنى الضعف عنصر اساسى فينا .. واللى ينكره يبقى اكيد مغرور ...

وكمان
"فمن اعتدى عليكم فاعتدوا عليه بمثل ما اعتدى عليكم واتقوا الله واعلموا بان الله مع المتقين "
وآية تانية
" النَّفْسَ بِالنَّفْسِ وَالْعَيْنَ بِالْعَيْنِ وَالْأَنْفَ بِالْأَنْفِ
وَالْأُذُنَ بِالْأُذُنِ وَالسِّنَّ بِالسِّنِّ وَالْجُرُوحَ قِصَاصٌ"
صدق الله العظيم
يعنى لو هتقدر تسامح طبعا افضل لو مش هتقدر تسامح فمتزودش عن حقك والا كدا يبقى انت ظلمت نفسك وظلمت الناس دول...

اقتباس :

وانا عجبنى راى خال حضرتك جداااااا
وممكن ينفع فعلا مع النوع اللى انت قولت عليه
بس عن نفسى شخصيا بجد متهيالى مقدر اعمل كدة
صعب اوى تحسس اللى قدامك انه ولا حاجة
لالالالالا بجد صعب
اصل زى مرضاش انى حد يحسسنى الاحساس دة محبش احسسه لحد


هوا ممكن تعمل دة من نفسك بس مش لدرجة نحسسة بكدة يعنى
ادام عملت كل اللى عليك وهما زى ماهما
يبقى ممكن تبعد وكفاية اوى السلام عليكم وازيكم بس برضه ببسمة او
تدل على اهتمام بطريقتك وبس
اصل صعبة اوى عدم المبالاه دى

اتمنى مكنش طولت بس الموضوع فعلا جذبنى جدا
وافكار الاعضاء فيه حقيقى افدتنى اوى

اتمنى مكنش انا اللى طولت بردودى
وشكرا
بالتوفيق

لا ابدا ولا طولتى ولا حاجة ابدا بالعكس دا انا سعيد جدا بالنقاش دا .. فعلا انا يمكن احس بالزعل انى عملت كدا بس انا مهما كنت عاقل او حولت اكون افضل والسيئة بالحسنة ... ممكن تظلم نفسك بانك بتتنازل عن الدفاع عن ذاتك وبتيجى عليها فى كل مرة ... واذا كان دة التصرف المناسب معاهم بالنسبالك وبالنسبالهم كمان ... يبقى ايه المانع اذا كان هيرجعهم ..

انا قصدى زى ما بتحاول تصرف التصرف المثالى معاهم مش معنى كدا انك تظلم نفسك انت وتيجى على كرامتك فى كل مرة.... وهى بتفرق فى الاول وفى الآخر من شخص لشخص وكمان من حيث الموقف نفسه وعاطفة الانسان سعتها..يعنى صعب انها تكون خاضعة لقانون المبدا بس ..

متفتكريش من كلامى انى افكارى سلبية او عدائية فى ردود افعالى مع الاشخاص دول ... نتيجة لحدة الحوار الذيذ اوى دة ... لكن انا الحقيقة كنت بدافع عن المبدأ العام من وجه نظرى بس .. وليس على المستوى الشخصى الحمد لله ... بحاول اكون مش متسرع فى اتخاذ القرارت خصوصا فى المواقف الصعبة .. عشان متبقاش مجرد نتيجة لعاطفة لحظية ساعة الموقف ذاته ويكون الشخص تصرف تصرف غير لائق بالنسبة لذاته وشخصيته...

انا آسف جدا للاطالة هيللين ... تفكيرك واسلوبك رائع جدا .. بس خلى بالك ... خليكى حذرة .. وكل حاجة ليها حدود زى ما قولتى ... عشان المشاكل متكترش علينا ... المواقف دايما بتبقى اصعب محنا متخيلنا ... وربنا يبعد المشاكل عنا .. ويثبتنا عـ الصح فى المواقف الصعبة

متشكر اوى ليكى هيللين ..
تحياتى
عمووور

اقتباس :

طبعا يا عمور أكيد بنضعف قدام تصرفاتنا وكمان الكلام سهل قوووووووووووووى وبسيط لكن التصرف والعمل بالكلام بيكون صعب يعنى ممكن أنا فعلا أعمل بكلامى وممكن قدام أسلوب اللى قدامى أتنرفذ منه وأتقلب لشخصية تانية خالص غير شخصية الطبيعية .شخصية بتهين وأنسى بقى الأسلوب اللى كنت بتكلم بيه ومش أفتكر غير هو أزاى بيحقد على وبيكرهنى وخصوصا أننا بشر مش ملايكة وصعب مهما كنا طيبين أننا فى كل الأحوال نسامح وننسى اللى بيكرهونا وخصوصا لو حولنا نزيل الجليد اللى بينا وبينهم ونقربلهم وهم برده مصرين على أسلوبهم الغبى وحقدهم وكرههم

ربنا يعفينا يعنى من الناس دول

آمين يارب كلنا كدا يا اميرة بردة ... وعلى حسب قدرة الانسان برده ورقيه .. بيكون بداية غضبه .. ومستواه كمان ... بس دا للاسف بيكلفه .. الاسف ... لانك فى الغالب بتغلط .. وبتتصرف بغباء ....

وربنا فعلا ميعرضنا للمواقف ديه واحتكاكنا بالناس يكون فى حدود الصح دايما .....

اقتباس :

بجد ياعمووووووووووور أسلوبك فى العرض والنقاش للموضوع

راااااااااااااااااااااااااااااااااائع

ربنا يسعدك

ربنا يخليكى يا اميرتنا والله كل مرة بتحرجينى بزوقك دا ... بالعكس تماما .. انتى فعلا اللى انسان رائع جدا ... ربنا يحميك ويوفقك دايما يا عسل

متشكر اوى للنقاش اميرة واتمنى مكنش تقلت عليكى ... بس اكيد استفدت جدا من آراء الاعضاء .....

ويارب ميكون حد زعل منى ولا اضايق ولا حاجة يا جماعة لاختلاف الآراء و خصوصا هيللين .... تقبلوا منى التحية والشكر على المشاركات بتاعتكم

عمووووور

بسم الله الرحمن الرحيم
السلام عليكم ورحمة الله وبركاته
اخى العزيز عمور انا عارف انى اتاخرت عليك لكن والله ظروف هيا اللى منعانى على طول من انى ائعد واتهنى بمواضيع المنتدى الجميلة دى
طبعا يا عمور يا حبيب قلبى اى انسان فينا درجة وجوده بتنقاس بدرجة علاقاته الاجتماعية الصافية بينه وبين الناس لان وجود الانسان دة بيقيس حاجات كتير اوى بالنسبة ليه وبالنسبة للى حواليه وانته من خلال تعاونك مع الناس بتقدر تعرف انته اكتسبت خبرة اد ايه فى حياتك وهل خبرتك دى بتزيد عن الخبرة اللى انته من المفروض تكون اكتسبتها فى اوقات معينة من سنك ؟؟؟ وهل الناس فعلا تجاوبوا مع شخصيتك لدرجة انهم اخدوا منها حاجات اثرت فيهم يعنى بالمختصر المفيد يا عمور ان التعامل مع الناس بيحدد مدى خبرتك فى الحياة وبيوريك اد ايه انته بتبئة ناجح فى حياتك لدرجة التعامل الكويس معاهم .منكرشى ان فيه عقبات كتير جدا ممكن تقابلنا واولها ان كل انسان له وجهات نظر مختلفة من حيث التعامل مع الناس لكن انا بعتقد والعلم لله ان الرؤية فى التعامل مع الناس اذا اختلفت لكن الاحساس بالنتيجة النهائية من خلال التعامل لا يمكن ابدا انها تختلف لانها هتقع بين احتمالين يا اما السعادة بعلاقات كويسة يا اما الحزن بالفشل باقامة العلاقات دى من الاول لانه يا عمر زى ما علاقاتك مع الناس ممكن انها ترفعك اوى فى حياتك ممكن كمانى تخليك متتقدمشى ابدا وبصفة عامة يعنى بلاش تحط الناس اوى فى دماغك طول ما انته شايف انك بتتصرف صح علشان متتعبشى بسى دة ميمنعنشى انك تخلى ليهم جزء من حياتك على مستوى الاهذ بالراى والمناقشة الدائمة بينك وبينهم علشان بسى متبئاشى انسان منطوى على نفسك بسى انا لا انكر بعد كلامى الكتير دة ان سؤالك فعلا محير وصعب وجميل وفى نفس التوقيت جه فى وقته لانى يا حبيب قلبى الناس زى ما فيهم الكويس فيهم اللى مهواشى كويس وانته مهما كانت نيتك صافية معاهم وبتتعامل معاهم بقلبك فا مهواشى شرط انهم يقابلوك بنفس الطريقة اللى انته بتقابلهم بيها وهنا يظهر دورك انته بئة انك تطبع اللى انته بتتعامل معاهم بطبعك يعنى تكون شخصية تاثيرية فيهم بمعنى اخر اتك مسئول عن انك تديهم الثقة فى نفسهم وانك تحسسهم بالوجود لدرجة انهم يحبوك ويقدروك ويطبعو بطبعك الذاى دى دى مسئوليتك انته بئة باختصار شديد هما اذا كانوا بيكرهوك او شايلين منك لانهم مش عارفين يوصلوا لمستوى شخصيتك انا بقولك اوعى تحط كل دة فى دماغك لان لو حطيت دة فى دماغك يبئة هتفشل فى علاقاتك الاجتماعية مفيشى كلام فى دى بسى ميجيشى على حساب كرامتك وهيبتك اى كانت الظروف انته متحطش بسى فى دماغك وشوف انته عاوز تتعامل معاهم الذاى وبطريقتك صدقنى تقدر ساعتها انك تفرض احترامك عليهم بتعاملك الكويس معاهم وان فشلت فى كدة صدقنى يكفيك شرف المحاولة واوعى يصيبك احسلس الفشل علشان متتعبشى وخليك مقتنع دائما ان اللى يخسرك هو الخسران مش انته واهو يا عمور العمر ماشى ومركب الحياة هتمشى بينا او بغيرنا .اتمنى انى اكون مطولتش عليك لكن يارب اون قدرت اوصل اى حاجة من اللى انا فهمته من كلامك وانا اسف كتير ع التاخير .
شكرا ليك يا حبيب قلبى وبالتوفيق باذن المولى عز وجل
وكل سنة وانته طيب
سلااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااام.

اولا .. انا سعيد جدا برجوعك لينا يا ليدر تانى وكل مرة والله بنسى اسألك انت كنت ليه غايب
ثانيا .. حبيب قلبى .. ولا تأخير ولا حاجة انت ايـ نكان ... ترتيب ردك فهوة له مكانه سبته دايما فى نظرى .. وبعدين انت بتقول ايه يا راجل ... دا انت جملة فى ردك لوحده والله تنسى ...

اما بالنسبة لتعليق للى هزنى بصراحة ...

اقتباس :

طول ما انته شايف انك بتتصرف صح علشان متتعبشى
بسى دة ميمنعنشى انك تخلى ليهم جزء من حياتك على مستوى الاهذ بالراى
والمناقشة الدائمة بينك وبينهم علشان بسى متبئاشى انسان منطوى على نفسك
بسى انا لا انكر بعد كلامى الكتير دة ان سؤالك فعلا محير وصعب وجميل وفى
نفس التوقيت جه فى وقته لانى يا حبيب قلبى الناس زى ما فيهم الكويس فيهم
اللى مهواشى كويس وانته مهما كانت نيتك صافية معاهم وبتتعامل معاهم بقلبك
فا مهواشى شرط انهم يقابلوك بنفس الطريقة اللى انته بتقابلهم بيها وهنا
يظهر دورك انته بئة انك تطبع اللى انته بتتعامل معاهم بطبعك يعنى تكون
شخصية تاثيرية فيهم بمعنى اخر اتك مسئول عن انك تديهم الثقة فى نفسهم وانك
تحسسهم بالوجود لدرجة انهم يحبوك ويقدروك ويطبعو بطبعك الذاى دى دى
مسئوليتك انته بئة باختصار شديد هما اذا كانوا بيكرهوك او شايلين منك
لانهم مش عارفين يوصلوا لمستوى شخصيتك انا بقولك اوعى تحط كل دة فى دماغك
لان لو حطيت دة فى دماغك يبئة هتفشل فى علاقاتك الاجتماعية مفيشى كلام فى
دى بسى ميجيشى على حساب كرامتك وهيبتك اى كانت الظروف انته متحطش بسى فى
دماغك وشوف انته عاوز تتعامل معاهم الذاى وبطريقتك صدقنى تقدر ساعتها انك
تفرض احترامك عليهم بتعاملك الكويس معاهم وان فشلت فى كدة صدقنى يكفيك شرف
المحاولة واوعى يصيبك احسلس الفشل علشان متتعبشى وخليك مقتنع دائما ان
اللى يخسرك هو الخسران مش انته واهو يا عمور العمر ماشى ومركب الحياة
هتمشى بينا او بغيرنا .اتمنى انى اكون مطولتش عليك لكن يارب اون قدرت اوصل
اى حاجة من اللى انا فهمته من كلامك وانا اسف كتير ع التاخير .
شكرا ليك يا حبيب قلبى وبالتوفيق باذن المولى عز وجل

كله كلامك صح وجميل ... مقتنع بيه تماما وعارفه ... مش بس فادنى .. دة بينلى كمان بجد مدى تفهمك للسيكولوجيات الناس وتعاملهم ... واحلى حاجة انك تبقى عارف انت عاوز ايه .. وتمشى فيه ومتبصش حوليك .... صدقنى انا وصلت للنتيجة ديه ... قاعدت مع والدى ووالدتى واتكلمنا كتيييييييييييييييييييييييييير فى دا ... بس بردة اهم حاجة الاولوية... ثم الموازنة فى امورك عموما وتعمولاتك مع كل الناس ... صدقنى انا معنتش حاطت الناس فى دماغى او بمعنى اصح ردود افعالهم اوى لان دا بيضايقك من نفسك جدا لسبب كونك بتصرف تحت نظرهم مش بطبيعتك وشخصيتك وبالتالى بيسببلق مجادلة نفسيه رهيبه .. نهايتها اهتزاز ثقتك بنفسك .. وعلى فكرة للمعلومة كتر الكلام مع الذات ونقدها ومحاسبها على كل ردة فعل كتير بيولد تردد واهتزاز بالنفس كبير اوى ومعالجه بتكون شىء صعب احيانا ... يمكن كان كدا من زمان ايام المراهقة وكدا ... اكمنى اعرفت اتحسس اقل مشاعر الناس .. كنت بمجرد نظرة ايام زمان ... تهز ثقتى بنفسى للاسف ... لكن الحمد لله الواحد اتعلم ولف وشاف وقابل وغلط وصلح .. واكتشف ان الناس مش افضل منه فى كل حاجة ومثالين وهوة اللى وحش .... الناس كمان مش بتبص لكل غلطة زى ما انت بتمسك لنفسك اقل حاجة مثلا ... الامور سهلة فعلا ....

بس انا فعلا اسعدنى اكتر والله ... آراء الناس جدا جدا ...... وتفكير ناس كتير اوى منهم عجبنى ... بالاضافة فعلا انى استفدت من آراؤهم المختلفة ....

متشكر جد جدا ياليدر على مرورك ورأيك ال "الجامد" دا .... بس صدقنى .. متزعلش او مضايقش نفسك لو لقيت نفسك فى موقف متصرفتش التصرف اللى يتماشى مع اقتناعك بردة الفعل المثلى بالنسبالك ... عشان كدا اتسمينا .. " بشر "

تحياتى
عموووووور

eshta ya 3mor shkl el site keda fe el goooole ana bs 2reet el 7gat 3la el tayer keda bs 2olt 2barek lk fe el topic el very poor
ok by we ana 3wzk t7kele el topic dah bs fe el college ana sherief elly m3 hwary 3la tool 2ked keda 3rftene ya 3moor l2ne 2keed 7*n2k mene 27??
ok bye ya man c u later_
sherif_88

باشمهندس شريف .. ازيك ياباشا ...
حقيقى انا مفهمتش كلامك كله ... بس الاهم عاندى مرورك وردك عـ الموضوع ... والله مشرف ياشرى ...

ثانيا : انا فعلا اعرفك من بعيد لبعيد كدا بشوفك مع هوارى كتير ... واعتقد ان احنا وقفنا مع بعض اكتر من مرة ... ودا يشرفنى جدا ...

اما بقى 3moor l2ne 2keed 7*n2k mene 27??
فانا مفهمتش قصدك ايه بخنقك منى ديه ... بس والله مش كدا ابدا .. دة بالعكس تماما انا بحترمك جدا .. وبستجدعك اوى والله ... يمكن فعلا معرفكش اوى ... بس باكدلك الشخصيات اللى زيك ديه .. اكيد هيكون شرف للواحد انه يتعرف عليها اكتر ... وانا كنت عارف انه هيحصل قريب اوى ....

متشكر اوى على مشاركتك يا شرى ...
ونتقابل فـ الكلية يا هندسة..

عموووووور

السلام عليكم


كعادتك دايما ياعمور بتطرح مواضيع واسئلة تكون بمثابة نقاش عام بينا كل واحد بيطرح وجهة نظر ورأى ودة بيقربنا جدا من بعض كأعضاء للمنتدى
بالنسبة لسؤالك فالمشكلة دى كلنا عانينا منها والناس دى كانت موجودة فى حياتنا سواء فى فترة منها او على مدارها كلها وفى رأى ان دة طبيعى جدا علشان هى دى طبيعة نفوسنا البشرية
اللى دايما عايزة تكون احسن حد ومافيش حد زيها وبتسعى دايما للتفوق والتنافس وكل دة كويس
مثلا لو اعز اصحابى اللى معايا فى القسم جاب تقدير اعلى منى انا هاغير منه بس غيرة حميدة يعنى اننا احاول اصلح فى نفسى واذاكر واجتهد لحد ماكون زيه او احسن منه وقيس على كدة فى كل مراحل حياتنا وفى كل مواقفنا
بعض الناس بتغير غيرة خبيثة بعنى مثلا بدل مايذار هو يبدأ يتخابث على صاحبه لحد ما مستواه ينزل والاتنين يتساوا مع بعض فلا هو زاد ولا ثبت صاحبه على مستواة
وان منجحش فى كدة يبدأ يقلل من قيمة نجاح صاحبه ويسفة افكاره ويعامل صاحبه باستعلاء وتلاقيه بقى قاعد يقول دا حظه اصل معاة واسطة يعنى هما اللى قدروا خدوا ايه لولايا ماكنش عرف يعمل حاجة ............الخ
ويعامله معاملة وحشة مثلا يصده فى الكلام او يهمله وغيرها من الحاجات اللى بتوجع دى
وحل الأخ دة انك تكبره ولا كأنك حاسس بيه وتسيبه الحقد يأكل قلبه لأنه ميستهلكش
ودة طبعا مادام انت متأكد انك مزعلتوش او ضايقته فى حاجة
والسلام عليكم ورحمة الله