مسلسلWINTER_SONATA

[/size]





HILLIN

ونقول الوووووووووووو...
فين الحلقة ياهيلين..مفيناش من الحركات دى مبحبش حد يشوقنى كده
انا مستنياكى من امبارح وتيجى دلوقت تحكى وخلاص
يلاااااااااااااااااااااااااااااااااااااااااا

بجد كنت عاوز اعمل حاجه زي كدا

وانا اقدر اجيب لينكات وممكن اجيب تورينت لو حبيتي

وبجد هيكون موضوع جميل جدا وخصوصا لما تكتمل الحلقات

اولا سعيدة ان الموضوع فكرته طلعت مقبولة كدة

اما بالنسبة للرفع
منا كان ممكن ارفعه مرة واحدة بس انا حبيت انى انزله زى قصة على حلقات
وفى الاخر هقوم رافعه الينكات كلها بتاعه ال 20 جزء
لكن لو فعلا كتير حبوا انى ارفعه مرة واحدة مفيش مشكله
(الفكرة بس ان تبقى مجموعة كبيرة بتابع مسسلسل واحد وبتنزل كل يوم حلقه
ونقف عند حلقة معينة كلنا تشويق مش اكتر)
وعلى فكرة انا كمان هتابعه
بعدد الحلقات اللى برفعها على الرغم انى مش اول مرة اتفرج عليه

وشكرا لفكرتك يا ماجيك
ولو عندك اى مسلسلات كورى تبقى خدمة كبيرة لو رفعتها بجد
غير
WINTER _SONATA
و SAD LOVE STORY

اوك
انا قلت بس بدل مترفي وكدا اللينكات موجوده بس اوك مش مشكله
اما الكوري باه ان شاء الله فيه مسلسل رومانسي برده ابقي احطه هنا

هيلين
بجد أنا مش قادرة أعبرلك عن مدي فرحتي وسعادتي روحي الهي ربنا يسعدك ويكرمك طول عمرك يارب زي ماأسعدتيني النهارده لأن المسلسل ده بالنسبة ليا حاجة كبيرة اوي مش ببالغ لو أقولك انه حتة مني وجزء كبير من صندوق ذكرياتي بجد النهارده انا قضيت أسعد يوم في حياتي وانا بتفرج علي حلقاته ،انا فاكرة ان المسلسل ده كان بيتعرض وانا في تالتة ثانوي ورغم الحصار اللي كان في البيت بسبب بعبع المجموع الا اني كنت بتسحب كل ليلة زي الحرامية واحط سماعة الوكمان في التليفزيون واقعد اتفرج عليه وما تتصوريش كم المناديل اللي كنت بستهلكها كل يوم وخاصة النهايةالحزينة لمين هيونغ ومش عايزة احرق المسلسل بقي وأسفة جدا لو كنت طولت عليك بس انت جيتي ع الجرح
اه طلب صغير
انا مع رأي انك تنزلي الحلقات واحدة واحدة بيتهيألي دي هتبقي متعة اكبر سوري مرة تانية وشكرا يا حبيبة قلبي

هيليـــــــــــــن بجد طلع مسلسل جميل انا شوفت اول وتانى حلقة اونلى وجارى تنزيل باقى الحلقات
البنوتة البطلة عجبتنى اوى بتلقائيتها لما كانت عمالة تتنطط بجد فكرتنى اوى بواحدة اعرفها
بس كان عندى استفسار صغنطوط اد كده
الحلقة التانية مترجمة انجليش بس مش عربى..فيا ترى يا هل ترى كل الحلقات كده ولا ايش النظام؟
عموما انا كده كده هتفرج اي كان الوضع لانى بجد حبيته اوى
شكرا ليكى

اهلا يا
human being
وانا سعيدة انى اسعدتك بجد
وانشا الله كل مسلسل هخلصة هرفعه
وميرسى لرايك واوكى مفيش مشكله هرفعه من جهازى متجزىء ومترجم
(على فكرة معنى اسمك حلو اوى _كونى انسان_)


حلوة اوى الصور يا ماجيك بجد ميرسى
ولقطات تحفة من المسلسل

دندون:
ياسلام دلوقتى صدقتى
يعنى كلامى مبيتصدقش غير لما تشوفى اوك بس لما اشوفك
عموما انا هرفعلك الحلقات اللى بترجمة عربى زى اول حلقة
بس تابعينى بقى مش هرفعها مرة واحدة اوك

وميرسى للردود

احم احم هيلين هانم متتعبيش نفسك عشانى (نحن نعلم جيدا انك خدوم يافندم) متشغليش بالك ياستى الانجليزى ماشى وزى الفل انا كنت بستفسر اونلى (يعنى من باب ليه تقرا انجليش لما ممكن تقرا عربى)
وكده ولا كده كتير خيرك يابنتى عيب عليكى طبعا كنت مصدقاكى بس برده السمع غير الرؤية ولا ايـــــــــــــــــــــه؟ تمام يافندم

متــــــــــــــــــــــــــــابعة فى صمــــــــــــــت واعجــــــــــــــــــــــــاب شديـــــــــد
متتاخريش علينا ياهيلين فى الاجزاء لان المسألة قلبت عندى بادمان

GO ON HILLIN

اوك ياجميل
وانا متابعة التنزيل بس
وانا برفع حاسة ان انتى اساسا بتنزلى جزء من كل حلقة
مش عارفة انتى فهمتى انى رافعة 3 روابط لحلقة واحدة ولا ايه
عموما الحلقة 3 اجزاء ب3 روابط
بس مقولتليش تتوقعى تلاقى بطل زى دة فى الحياة دى؟ ؟؟
متهيالى ولا بعد مليون سنة..

عموما اوكى هكملك الحلقات للاخر انشا الله
متخفيش
hillin

هههههههههههههههههه لايا بنتى انا ذكائى مش غبى اوى للدرجادى(هو يعنى ايه الجملة دى)
طبعا فاهمة ان 3 اجزاء لكل حلقة بس انتى شايفة كده لانى ساعات فيه لينكات بتغلس معايا فبنزل اللى بعدها وخلاص لحد ماربنا يسهل
بالنسبة للبطل فانا مش عارفة ممكن يبقى فيه ولا لاهو اكيد شبه مستحيل اه بس يعنى ممكن برده
شكرا لمتابعتك ياجميل

ايه العظمه دى كلها هيلين نفسها تواضعت ونزلت المسلسل طبعا انا اشكرك من كل قلبى واوعدك انى هاتفرغله مخصوص وهاخصصله جزء من وقتى المهم علشان خاطرك انتى بس وطالما يعنى انتى بتحبيه فانا مضطرة احبه مع انه يعنى مسلسل خيالى من الدرجه الاولى وانتى عارفه اختك ملهاش غير فى الواقعيه المؤلمه بس تسلم ايديكى يا جميل وربنا ما يحرمنى منك ابدا.