بجد نفسي في رد على السؤال ده؟؟؟؟؟

هل ممكن يكون الحب في يوم من الأيام لعنة على صاحبة؟؟

بصراحة انا تعبت وزهقت من كل شئ ممكن تديلو حب

سواء كان صديق او حبيب .....
صديق تكون وفي ليه وتحبه وتخاف عليه وبجد لو طلب عيونك تدهالو ومتغلاش عليه
ييجي هوه يردلك الجميل بألم على وشك او ضربة في ظهرك ، ولما تقله انت عملت كده ليه يقلك هو انا عملت حاجة.

حبيب تديلو عمرك وقلبك وكل ماتملك عشان بس تشوف ضحكته ...ويسيبك ويغدر بيك
تسأل الناس عن السبب يقولك انت الي غلطان ؟ ليه! يقولو حبيت بقلبك بس حكم عقلك
قلنا آمين حكمنا عقلنا وماينفعش بصراحة حب من غير قلب فدخلنا قلبنا مره تانية في الحب ده وتخلصلو
فجأة وبدون سابق انذار تتكرر المأساه . ليه المره دي كمان
يقولك الناس لانك حبيت زيادة عن اللزوم يعني ايه في حب زيادة وحب مش زياده وحب سكر بره

انا تعبت واتخنقت من كلمة حب لصديق او حبيب ولغاية معرف رايكم ايه في الكلام ده انا مش ناوي اغير رايي
لأن الي شفته مش قليل

وممكن أعرف يعني ايه حب من وجهة نظركم ؟
بجد محتاج مساعدة

والله يا مستر كاجو انا نفسى كنت بدور على اجابه للسؤال دا بس معرفتش الاقى جواب له

انت فعلا بموضوعك دا جيت على الجرح
انا كنت زيك كده بالظبط بفكر بقلبى و ناهى عقلى تماما لأن بيتهيألى اللى يحب بجد مينفعش يدخل عقله فى الموضوع .. او على الاقل هيبقى 99% للقلب و 1% للعقل
كنت بحب واحده وبعد حب استمر اكتر من 6 سنين وكانت هيا اللى بدأت بالحب دا حصل ايه؟؟ خطوبتها كانت من اسبوعين
قررت بعد كده اركن موضوع الحب دا على جنب لغاية ما الاقى الانسانه اللى تفهمنى و تحس بيا وتحبنى اد ما هحبها
فعلا لازم يكون فيه حب فى الدنيا بس شرط الحب دا انه يكمل لحد الاخر عشان الطرفين المفروض مش يعرفوا يستغنوا عن بعض وللاسف دا بقى نادر اوى فى زماننا

انا اسف اوى على الاطاله يمكن دى اول مره ارد رد كبير اوى كده على موضوع بس دا لأنى محروووووق اوى

مرسي جدا على ردك الي بالنسبة ليا يعتبر قصير جدا

بس الناس كلها محروقة من الموضوع ده وبنات وصبيان
بس وبعدين انا نفسي اعرف رأي البنات في الموضوع ده لأني بجد خلاص معدش عندي ثقة في حد خالص بقيت اخاف من كل الي حواليا خصوصا إني في غربة فحاسس بوحدة أكاد أجزم اني خلاص هموت منها..

وأنا شايف إن رأي الشباب والبنات مع بعض هيكون إنشاء الله حل لموضوعي انا وانتا

هاى مستر كاجو

انا فى رأييى الشخصى مهما تعبت ومهما دورت هتلاقى ايا كان بالنسبه للصديق للحبيب

مهما عشت هتلاقى الوحش والكويس واكيد انت بعقلك هتعرف تفرق وزى ما قال الرسول (المء على دين خليله) صلى الله عليه وسلم

اما بالنسبه للحبيب فأنا بقول ان الانسان زى ما مثلا سمسم قال ان العقل 1% لالالا مهما سيطر العقل على القلب بيجى لحظات على الانسان بيفكر بعقله وبيعرف الصح من الغلط

الانسان من الاول هوا الى مسئول يشوف حبه دا رايح لحد يستاهل ولا لا وميحاولش يضحى الا للى يستاهل

سورى على الاطاله ويارب اكون افدتك

يااااااااااااااه.. اخيرا هرد.. انا اول مره كتبت الرد واول مابعت النت فصل والجهاز كله هنج
المهم باه انا بجد بحييك يا كاجو عالموضوع..وهو فعلا جرح ناس كتييييييييييير اوى
اما بالنسبه لرايى .. من نحيه الصداقه الاول.. الصداقه بجد شئ راااائع ونعمه فعلا ان ربنا يرزقك باصدقاء مخلصين.. فى الصداقه طبعا العقل مطلوب علطول.. واختيار الاصدقاء شئ بايدينا ومع الوقت بنتاكد من صحه اختيارنا .. انا مش مع اننا نخون الناس بس كمان مانبقاش ساذجين ونحكى كل حاجه لاىحد.. بس يعنى مع الوقت هنعرف الناس اللى نثق فيهم بجد واللى يستاهلوا الصداقه.. وساعتها دول اللى ينفع نحكيلهم يبقى العقل مطلوب فى الصداقه جنب الحب والتضحيه
نيجى للحب باه.. وده غصب عننا مش بنختار فيه.. فنا شايفه اننا فاول العلاقه لازم ندخل القلب والعقل ك واحد منهم 50%
بعد كده الصراحه مهمه جداااااااااااا... لو لقينا به ان قلبنا وعقلنا مقتنعين والظروف كويسه ومساعده يعنى مش شبه مستحيله يبقى نكمل بالقلب باه... بس فى مواقف طبعا لازم العق يدخل فى المشاكل البيره مثلا لازم نحلها بالعقل شويه بس مش نخليه حاجز بينا..
انا كمان مش مع طول فتره الحب قبل الارتباط لانه بالتدريج المشاكل بتزيد.. يعنى سنه او اتنين كفايه اوى وياريت نراى ربنا فيهم اوى يعنى مش نقضيها باه فسح وخروجات.. متهيالى لو عملنا كده على قد مانقدر .. وكان فى طرف اكبر مننا بنحكيله وناخد رايه زى اخ اكبر او والدتى او والدى.. الموضوع احتمال نجاحه بيزيد وفى الاول والاخر طبعا ده نصيب...
يارب مااكونش طولت عليك ويارب كلامى يفيدك.. ومره تانيه بهنيك عالموضوع

انا بشكركم جدا جدا جدا والله على ردكم الجميييييييييييل جدا
وبصراحة المفيد كمان
وانا سعيد جدا بردودكم وبجد بشكركم

ويارب يخليكو ليا وتبعتيلو ردود كامن وكمان لأني لسه بجد محتاجلكم