اختك بتحب...هاتعمل ايه؟؟؟؟؟؟؟؟؟

سؤال....للعفاريت

ماذا تفعل لو فجاءه اكتشفت ان اختك على علاقه مع شاب وتحبه؟؟

هل تذهب الى ذلك الشاب وتتفاهم معه !!!؟؟؟

واذا اكتشفت انه ابن اصل ويريد اختك زوجه وليس لعبة ماذا ينتج بعد ذلك؟؟؟

واذا اكتشفت العكس ....!!!بان حبيبها {{كاذب}}فماذا تفعل؟؟؟

{{{هذا من جانب}}}

ومن جانب اّّخر...هل تسبها وتضربها وتسحب موبايلها وتهينها؟؟؟

اذا اكتشفت علاقتها بذلك الشاب

قد يخطر فى بالك عدة تساؤلات

كيف احبته وكيف تعرفت اليه؟....واين؟؟؟

لكن قبل ذلك تذكر...

الاتملك اختك الحق بان تحب كباقي البشر؟؟

انت ايها الرجل{{{الاخ }}}

الم تحب يوما...الم تعشق يوما؟؟

الم تقوم بمحادثه حبيبتك؟؟

فهل حبيبتك بنظرك ليست مخطئه او ان اختك وحدها ارتكبت ذنب؟؟؟

هذاعلى اعتبار انك احببت؟؟

وحتى لو لم تحب فى حياتك فبتاكيد تمنيت لو انك لك حبيبه تكلمها

وتكون علاقه غراميه معها.....
ملحوظة:الموضوع عجبنى فى منتدى حبيت نتناقش فيه.
انتظر ردودكم

طبعا السؤال جميل واكيد بيحصل كتييير يا دمعه
هقولك فى الاول خااالص
لو هيا اللى جات وحكيتلى على الشخص ده ساعتها ممكن اهدى وابدا افكر انها مش عاوزه تعمل
حاجه غلط وممكن اقف جنبها واشوف الشخص ده لو هو مناسب ولا لااا
انما لو انا اللى اكتشفت انها بتحب وهيا كانت مخبيه عليا
صدقينى انا ممكن اعمل اى حاجه من اللى انتى قولتيها الا انى امد ايدى عليها
بس طبعااااااااا هيا غلطانه وانا هتعامل معاها بقسوه شويه علشان اعرفها انها غلطانه
واكيد طبعا هحتاج وقت علشان استوعب الموضوع ده انها خبت عليا

ونرجع للاول لو هيا اللى جات وقالتلى وانا قابلته
لو لقيته هو شاريها بجد وعاوزها ومش عاوز يلعب بيها هقف جنبه لحد ما يتقدم وياخد خطوه صح
انما بقا لو لقيته بيتسلى وكدااااااااب يبقا غصبا عنها لازم تبعد عنه
وهفهمها حقيقته ولازم تبعد عنه واحاول ابينه قدامهااااااا...

وشكرااااااااااا ليكى يا دمعه على انك طرحتى الموضوع ده
واكيد هو موضوع بيحصل فى اغلب البيوت.....

بصراحة يا دمعة .......... سؤالك صعب جدا ... خصوصا انها ممكن تكون اختك او ممكن تكون بنتك فى يوم مـ االايااااااااام ... بصراااحة الموقف صعب ... وانا حتى الآن مخدش فيه قرار .. حاولت واتناقشت كتير فى حاجة زى كدا انا واصحااااااابى انما مرضتش عن اى راى جيه فى بااااااااااااالى ومن ساعتها بقى .. مفتحتووووووووش تانى ....

ياربت تعذرينى لانى فعلا اى راى هقوله مش هبقى مقتنع بيه مية فى المية ... وادينا منتظرين رد بقيت الاعضااااااء لعل وعسى اعرف اجابة مناسبة انا كماااااااااااااان

وشكرا للتوبيك يا دمعة

موضوع جامد يادمعه... بجد سؤال حلو اوى انا بس حبيت اقوللك رايى
وطبعا مستنيه رد باقى الاعضاء
بس هو انا عندى تعليق... يعنى لو الشاب ده بيحب البنت بجد هو اللى هيخاف عليها اوى وهيبقى عاوز علاقتهم تبقى فى النور فاما انه ينصحها تعرف والدتها او اخوها لو بينهم كلام وتبقى علاقتهم فى النور... او انه يعرف البنت بحبه ليها وبعد كده تبقى علاقتهم فاضيق الحدود لحد مايتقدملها رسمى عشان على الاقل يحميها من نظره حد ليها انها بتمشى مع فلان
يعنى ادينا بنشوف لو واحد ماشى مع واحده بيتقال عنهم كلام كتير مع ان ممكن يكون قصده بجد كويس.. ودايما اللى بنعمله لو راعينا فيه ربنا هيبقى احسن اكيد وربنا هيبقى معانا اكيد
بشكرك مره تانيه يادمعه عالموضوع الرائع

يااااااااااااااااااااااااااااااه ده موضوع كبير محتاج مناقشات مش مناقشه
أولا انا زى عموور انا اتكلمت مع زمايلى كتير ف الموضوع ده ومنتهاش بحل معين وكل واحد كان ليه وجهة نظر
بس معظمهم بيقول لالالالا بس بالنسبه ليهم يقولم اه يعنى ارتباطهم بالبنات ينفع أما أخواتهم يرتبطتم لأ

وبرده عجبنى رأى زهرة الشتاء
يعنى ادينا بنشوف
لو واحد ماشى مع واحده بيتقال عنهم كلام كتير مع ان ممكن يكون قصده بجد
كويس.. ودايما اللى بنعمله لو راعينا فيه ربنا هيبقى احسن اكيد وربنا
هيبقى معانا اكيد
سبب مقنع الحقيقه

أما رأيى أنا هوه
من ناحية الدين فهوه حرام وده أمر مفروووغ منه أنك تمشى معاها لوحدكم وتكلموا بعضكم واكيد كلكم عارفين كده
مع ان فى ناس بتححلله وتقول ياعم احنا بنكلم بعض بكل احترام ومبنعملش حاجه غلط ونا نيتى كويسه والكلام ده
انا من وجهة نظرى ان طبعا لو الواحد بتكلم بكل احترام ده كويس بس برده الواحد لازم يبص ان الناس شيفاه وبيقولوا ان فلانه ماشيهمع فلان وده ممكن يضر للبنت والانسان المحترم الى بيحبها لو بيخاف عليها عمره ميرضالها بكده

أما حكايه أختى لو بتحب واحد هوه طبعا مينفعش خااااااااااااااااااااااااااااالص بس لو هوه جه كلمها ف الاول وقلها انا معجب بيكى المفروض تيجى تكلمنى وتقلى على الى حصل ولو نيته كويسه يتقدم رسمى اما انهم يشوفوا بعض ويتقابلم ده طبعا غلط ومش هرضى بيه الله اعلم نيته ايه وطبعا كلكم عارفين ان ف رجاله كتير بوق وكلامها حلو وخلاص وعايزين يعيشوا حياتهم وخلاص والبنات مبتكتفش كده

وانا مشفتش علاقات كتير كانت فى فتره الجامعه انتهت بالزواج كلها بينتهى بالفشل الا فى حلات نادره وبيكون الفشل السن والحاله الماديه يعنى كل واحد بيقول لحبيته انا فضلى كتير ومتضايق كده ممكن منكملش مع بعض وهيه تقله هستناك يا حبيبى هستناك والكلام طبعا مش بفلوس وف الاخر يجلها عريس اكبر منه وباباها يوافق وتخلص الحكايه
وطبعا انا مرضااااااااااااااااااااااااااااااااش لاختى كده وممكن اتهوووووووووووور

أما حكايه اننا ارضى لنفسى احب بنت واكلمها ده حاجه محيره ومش عارف اقوول ايه
بس ممكن اقول انى هقولها انى معجب بيها بس لما اتاكدانها تنفعلى ومناسبه ف السن وحالتى الماديه برده مناسبه هقلها قللهم ف البيت واشوف ايه رايهم بس عشان ماربطش واحده معايه واظلمها معايه دى برضه زى اختى وبرده لازم يا رجاله تحسب كل حاجه مش الواحد يمشى بقلبه بس امال العقل لزمته ايه ومبحبش الناس الى بتقول لازم يكون عندك امل والحوارات دى مينفعش الاسلوب ده فالحكايه دى مش لعبه هيه ممكن تنجح ومتنجحش لازم الواحد ياخد بالاسباب عشان ميكنش فى خساير بالنسبه للطرفين وعشان ربنا يكون راضى عنك

وبرده لو الواحد بيعمل حاجه صح عمره مهيدارى ويخبى ع الناس يعنى لو هيه مبتعملش حاجه غلط تخبى على اهلها ليه ومتخليش حد يشوفها وتمشى براحتها ف الجامعه..........؟؟؟

مش عااااااااارف برده اسئله كتير محيره مع انى كل واحد قلبه بيقله عادى وانتم عارفين الحب مبيخليش الواحد يبقى دارى بنفسه

ونا طبع مستنى اراء بقيه الاعضاء

وشكراااااااااااااااااااا ليكى يا دمعه ايدى وجعتنى من الكتابه ههههههههه
بجد موضوع يستاهل النقاش واسف طولت عليكى

ميرسى اوى على المرور
وواضح ان الاغلبية بترفض الموضوع دا
انا فعلا لو ولد وفى الموقف دا مش عارفة هايكون ايه رد فعلى او هاتصرف ازاى
لان المسالة فعلا تحير اوى

وفعلا زهرة هو لو بيحبها وبيخاف عليها وشاريها بجد ومش خايف يدبس هايقول لها تعرف اهلها
بس المشكلة ان فيه بنات بتخاف تفاتح اهلها فى الموضوع دا بسبب رد فعل الاهل اللى هى مش تقدر تتوقع بيه

بودى كلامك عجبنى ومعلش وجعت لك ايدك .

مستنية بقية الردود يا عفاريت.

والله انا مش عارف اقول ايه.
يمكن انا ماليش اخوات بنات اصغر منى ......مليش غير اخت كبيرة متجوزة ومخلفة.

بس انا فى رأى انى لو اكتشفت كده سواء منها او بالصدفة .
هحاول افهم الموضوع بالظبط وعلى حسب سنها.

بمعنى انها انسانة بردوه عندها قلب وبيضخ دم......... ليها شعور ولازم احترمه.
لو سنها صغير(لسه فى مدرسة مثلا) هحاول افهمها انه لسه بدرى وياما هتقابل وهتشوف.
وانتى بتقولى انها اختى ................يعنى اكيد هعرف افهمها لانى اكيد فاهمها.

اما لو سنها كبير(على وش جواز يعنى)هفهم منها التفاصيل وهتناقش معاها بمنتهى الديمقراطية وهعرف لو الموضوع جد ولا اشتغالات .
وهفهمها ان الصح فى المواضيع دى الارتباط الرسمى.
وهشوف نظام الشاب ده ايه ..... هسمع منه.
لو حسيت للحظة انه بيشتغلها ............ مش هتردد......... هضربه بالنار.
لو حسيت انه جد ولقيته متدين ........هحطلهم حدود ....وهتكون صعبة عليهم جداا.
بحيث انى اكون فاعم اى حاجة بينهم سواء صغيرة او كبيرة

طبعا انا قلت رأيي وايدى فى المية ........... ههههههههههههههه
بس لو كان ليا.......... انا كنت هعمل كده

مساء الخير أيتها الدمعة الرقراقة
أولا :
أنا بحيكي على هذه الأسئلة الرائعة الذكية
وخوض موضوع جدا شائك وياما ناس كتير بيحلوا الأشياء لأنفسهم
ويحرموها على غيرهم
انا بجد عشت الموقف ده مع بنت عمي ولكن هذا الشخص الذي حل
الموضوع وكان متابع الحبيبين الاثنين
هو والدي نفسه فس حين عمي كان موجود
إلا ان الوالد تقرب منها وكان متابعها وعارف أنه ناوي خير
وساعده كتير لحد ماربنا سهل واتجوزوا
وانا لو صادفت ذلك الموقف لن أكون أقل منه حكمة وتفهم لهذا الموضوع
فتربية الشخص دائما تحكم على تصرفاته
وأعتقد انني رغم الاطالة أكون جاوبت على كل السئلة
وشكرا للك مرة أخرى

ميرسى على مروركم وتفاعلكم مع الموضوع وربنا يوفقك الجميع ان شاء الله.

هو سؤال صعب بس انا لو عرفت ان اختي بتحب هحاول اتعرف على حبيبها ده من غير ما ياخدوا بالهم و اعرف ان كان بيحبها بجد و الا بيتسلى...

هاقطعها

شوف بقى يا سيدي انتا لو عرفت ان اختك ماشيه مع واحد

قدامك حل من اربعه
اولا يا ترفع الارايل وتنفض للموضوع خالص وتقول ايه يعنى ما انا برده باعمل كده
ثانيا يا تمسك الواد ده وتضربه وساعتها ممكن يعمل فيها مسكين وساعتها اختك تتعلق به اكتر
ثالثا يا تحبس اختك فى البيت وتمنعها انها تقابله بالعافيه ولو راحت اي مكان تمشى وراها
رابعا يا تكلمها بالذوق وتقنعها ان اللى بتعمله ده غلط وساعتها هتطنش كلامك وتعمل برده اللى فى دماغها
بس تفتكر ان اي حل من دوول ينفع

بس هو المشكله كانت تتحل من البدايه باسهل من كده

ليه ما تقربش من اختك دي وتحسسها انك مهتم بيها وحنين عليها اوي ساعتها لالو حصلت لها اي حاجه هتيجى وتحكيلك على كل حاجه وتبقى على الاقل حليت نص المشكله وبعد كده تقنعها ان اللى بتعمله ده غلط

ده رايى المتواضع ان الحل كان يبقى من البدايه مش بعد ما تكلم واحد وتحبه نبقى ساعتها نتصرف
كل شىء ممكن نحله بالحب مش بالعصبيه والعنف

بس لو كان الكلام ده حصل ووقعت الفاس فى الراس وهى خبت عليك برده مع انك قريب ليها وبرده ما حكتش ليك وانتا عرفت بالصدفه المواجهه ساعتها هتبقى مشروع فاشل ساعتها لازم تقرب من الانسان ده وتعرف عنه كل حاجه وتكلمه بالذوق انه يبعد عن اختك وبرده تقنع اختك ان الموضوع ده ما يبنفعش وانه لو كان عايزها هيخاف عليها زي وهيتقدم لها يعنى يدخل من الباب لو الموضوع ده ما نفعش مش هيبقى غير طريق واحد هو العنف بأي وسيله

وشكرا

» 16سبب عشان تعرف انك بتحب