توأم الروح .......هل وجدته ؟؟؟

هنا يكمن سؤال القلب بكل عفويته ..ايوجد للروح توأم..؟
توأم الروح ..هو القلب والروح معا..هو ذلك الانسان الذي اصبحت انت كل شيء في عالمه.. وهو كل شيء في عالمك
وفي مفهوم توام الروح..يكون الحب في اجمل صوره واطهرها وانقاها..
وفي مفهوم توام الروح ..تكون المشاعر جسرا متبادلا مزدحما ارضه الخوف على الاخر ومداده الحب وزاده نبضات قلب لا يتوقف..
وفي مفهومي ان القلب يتوقف نبضه في بعضنا وهو مازال حيا يرزق ..!!
توأم الروح..او روحك التوام .. هو قلب جزء منه احبك بكل مافي قلبه من حب لانك تستحق ذلك الحب ..وضحى من اجلك لانه نسي نفسه وتذكرك انت ..وشغل قلبه بحركاتك وسكناتك فنجاحك نجاحه وحزنك حزنه ودموعك مصدرها عيناه وابتسامتك تسبق محياك الى محياه ..لانه فقط هو لك ومن اجلك انت ..
توام الروح ..هو اول من ترغب في سماع صوته وهو اول من ترغب ان يسعفك هاتفك ليظهر اسمه على شاشتك ..وهو اول من تريد اخباره بكل شيء حتى لو لم تملك ماتخبره به..
ومع توام الروح ..تلتهب انفاسك وتتلعثم كلماتك وتتسارع نبضات قلبك وربما قد يشحب صوتك .. لتبدو مرتبكا من لاشيء ..وهنا تكمن طفولة المشاعر الصادقة..فالمشاعر كما احب ان اسميها طفولة ..
توام الروح ..هذا هو الحلم الذي تمنى نفسك بالوصول اليه ..وفي مفهومي البسيط ان ذلك الطريق هو الحب الصادق الخالي من كل مايسيء اليه بهدف واحد لا بديل ولا خيار عنه ..هو بناء اسرة من شخصين اثنين رابطهما القلبي اقوى واقوى..

واعلم يقينا ان توام الروح هو المتنفس الذي تهدأ روحك الجميلة بين احضان روحه شعورا نقيا من كل شيء الا الحب ..
وليس صعبا ان نجد توام الروح في حياتنا ولكن الاصعب حقا ان يستمر هو كذلك ..فلا تتوهم وجوده الا اذا طرق باب قلبك حبه النقي وشعورهه الطفولي الصادق الذي ابقت دمعته في عينيه رهينة لك انت وحدك!!
اما من وجهة نظر تخصني فتوأم الروح قد يوجد في كل شيء ..فقد يكون صديقا وقد يكون حبيبا وقد يكون سكونا جمادا يوحي الينا بشيء لم نجده في الاحياء ..ولكن من ظفر به فقد وجد روحه
بالنسبة لي توأم روحي هو وحدتى معها اجد ما اريد متى ماشئت وكيفما شئت وانى شئت..

وباختصار توام الروح هو من تجد روحك لديه ..

جميل ان تجد تواما لروحك ولكن الاجمل ..ان تكون انت توأم روح لمن يجدك

فارس

كلامك رقيييييييييييييييق اوى يافارس... بس هو فييييييييين اللى يبقى توأم الروح ده؟؟
هو فعلا الوحده دلوقتى اقرب حاجه ليا... بس يعنى بعدها صديقتى او صديقتاى .. لكن توام الروح بالمعنى ده لسه مالقتوش
بس فعلا موضوع رقيق وجميل جدا يافارس.. ميرسى عليه

جمييييييييييييييييييييييييييل بجد جميل اوى يا ابو الفواااارس

اقتباس :: بالنسبة لي توأم روحي هو وحدتى معها اجد ما اريد متى ماشئت وكيفما شئت وانى شئت..

انا كمااان زى منك كدا بس مش بتمنى افضل كدا بصراحة

اقتباس :: ومع توام الروح ..تلتهب انفاسك وتتلعثم كلماتك وتتسارع نبضات قلبك وربما قد يشحب صوتك .. لتبدو مرتبكا من لاشيء
جميل ان تجد تواما لروحك ولكن الاجمل ..ان تكون انت توأم روح لمن يجدك ...

جميل اوى الجزء دا يا فارس ...
والتوبيك بجد روعة ..
وحمد لله بالسلامة ياباشا

عموور

توام
الروح ..هذا هو الحلم الذي تمنى نفسك بالوصول اليه ..وفي مفهومي البسيط ان
ذلك الطريق هو الحب الصادق الخالي من كل مايسيء اليه بهدف واحد لا بديل
ولا خيار عنه ..هو بناء اسرة من شخصين اثنين رابطهما القلبي اقوى واقوى..
تكون المشاعر جسرا متبادلا مزدحما ارضه الخوف على الاخر ومداده الحب وزاده نبضات قلب لا يتوقف..

فعلا يا فارس كل كلامك صح وحقيقى فعلا
بجد موضوعك جااااااااااااااامد اوى اوووووووووووووووووى

زهره الشتاء
عمور
شيتوس
مشكورين علي المرور الكريم وسعيد ان الموضوع عجبكم
ويارب دايما اكون عند حسن ظنكم

لالالالالالالالالالالالا
ايهههههههههههههههه
الجمااااااااااااااااااااال
ووووووووووووووو
الحلاااااااااااااااااااااوة
دىىىىىىىىىىى
بجد كلا مش عارف اوصفه

ربنا يخليك يادودو وسعيد ان الموضوع عجبك

اما من وجهة نظر تخصني فتوأم الروح قد يوجد في كل شيء ..فقد يكون صديقا وقد يكون حبيبا وقد يكون سكونا جمادا يوحي الينا بشيء لم نجده في الاحياء ..ولكن من ظفر به فقد وجد روحه
موضوع جميل قوووووووووووى يافارس وفعلا توأم الروح ده صعب تلاقيه ومش بسهولة وياريت فعلا اللى يلاقيه يمسكه ومعتش يفرط فيه
أن كان ليا توأم روحى بس الكلية والدراسة بعددت بنا شوية جايز نرجع فى يوم لكن لحد اليوم ده لو حد لاقى توأم روح تانى ليا يقولى
ميرسيه يافارس على موضوعك الروعة ده وبجد طريقة عرضك ووصفك للموضوع حلوة قوووووووووى
ربنا يوفقك ويسعدك

اميره الطفوله

فعلا توأم الروح ده صعب تلاقيه ومش بسهولة وياريت فعلا اللى يلاقيه يمسكه ومعتش يفرط فيه

الجمله اللي انتي بتقوليها دي يااميره هي اللي شاغلاني قوي بجد متحير ومش عارف اعمل ايه

واتمني ربنا يهديني الي مافيه الخير

أن كان ليا توأم روحى بس الكلية والدراسة بعددت بنا شوية جايز نرجع فى يوم لكن لحد اليوم ده لو حد لاقى توأم روح تانى ليا يقولى

ياتري لو كان توام روح حقيقي كان فيه اي حاجه هتفرق او تبعد بينكم؟!!! لا اظن يااميره

علي الارجح لسه مالقيتيش توام روحك علي العموم انا لو لاقيت الشخص المحظوظ ده

هاقولك ههههههههههههههه Wink

ربنا يوفقك وشكرا علي المرور .....................

ودى تيجى
يعنى ازاى انت تعمل موضوع ويكون وحش

كلام جميل اوى يا فارس
بجد الموضوع عجبنى بس يا ترى فيه فعلا توأمه للارواح........بمعنى ان ممكن حد يلاقى حد راكب عليه بالظبط زيي ما بنركب ضلف الدواليب كده وبيطلع مقاسها مظبوط تمام
بصراحة مش عارف......اوقات بقول اكيد ممكن وفى ...واوقات تانية بيتهيألى انه مستحيل .
مش تشاؤم ولا حاجة ......بس عن واقعية انا شايفها قدامى حصلت معايا ومع غيرى.
هوا فيه حب.......انا متأكد من كده ....زيي ما متأكد بردوه انه عامل زيي تنك البنزين كل ما تحرق جاز زيادة كل ما التنك يقرب يخلص

بس كلامك عجبنى جداا ...منظم جداا...حساس جداا...........ما شاء الله
وحمد الله على السلامة بقالك فترة مش بشوفك فى المنتدى

بالتوفيق

راااااااائع فارس

بس بجد ممكن نلاقيه متهيألى صعب هو مش مستحيل بس صعب اوى
ممكن نعيش دنيتنا ندور عليه ومش نلاقيه وده الاحتمال الاكبر

أمير بلا إمارة كتب:: كلام جميل اوى يا فارس
بجد الموضوع عجبنى بس يا ترى فيه فعلا توأمه للارواح........بمعنى ان ممكن حد يلاقى حد راكب عليه بالظبط زيي ما بنركب ضلف الدواليب كده وبيطلع مقاسها مظبوط تمام
بصراحة مش عارف......اوقات بقول اكيد ممكن وفى ...واوقات تانية بيتهيألى انه مستحيل .
مش تشاؤم ولا حاجة ......بس عن واقعية انا شايفها قدامى حصلت معايا ومع غيرى.
هوا فيه حب.......انا متأكد من كده ....زيي ما متأكد بردوه انه عامل زيي تنك البنزين كل ما تحرق جاز زيادة كل ما التنك يقرب يخلص

بس كلامك عجبنى جداا ...منظم جداا...حساس جداا...........ما شاء الله
وحمد الله على السلامة بقالك فترة مش بشوفك فى المنتدى

بالتوفيق

امير باشا
منور مواضيعي كالعاده ياجميل
اما بالنسبه لسؤالك فالمعجزه دي حصلت معايا
لاقيت توام الروح اللي التطابق بيني وبينه مذهل مذهل الي اقصي درجه تتخيلها
من كتر التطابق والحاجات المشتركه مابيننا اتفقنا اننا مانستغربش تاني لان فيه مليون حاجه مشتركه
لدرجه التطابق يعني فوله واتقسمت نصين
الافكار الميول الاهتمامات حتي الاكل ههههههههههههههههههههه
بجد بحمد ربنا اني قابلت الشخصيه دي
وبدعي ربنا يخليها ليا
مشكور ياجميل علي المرور

shoshet كتب:: راااااااائع فارس

بس بجد ممكن نلاقيه متهيألى صعب هو مش مستحيل بس صعب اوى
ممكن نعيش دنيتنا ندور عليه ومش نلاقيه وده الاحتمال الاكبر

شوشيت بجد وحشتينا كلنا
ايه الغيبه الطويله دي؟؟؟
تعرفي انك من بين كل الاعضاء ليكي مكانه مميزه عندي
لان اولي مشاركاتي الفعليه علي المنتدي كانت في عيد ميلادك ههههههههههههههههههه
اما بالنسبه لسؤالك فمش صعب ولا حاجه بدليل ان في ناس كتير بتلاقيه وانا من الناس دي والحمد لله
ويارب يسعدك وتلاقي التوام المحظوظ ده لانه هيكون توام شخصيه مميزه زيك
ويارب تنوري مواضيعي دايما ياشوشيت
فارس

مرسى جدا فارس Embarassed

اخجلت تواضعنا

وانا من الناس دي والحمد لله

ربنا يسعدك يارب

بالنسبة لتوأم الروح انا الحمد الله لقيته

انسان فاهمني كويس وبيشركني في كل حاجة بيحاول وبيدور ازاي يريحني لما بتعصب بيهديني ولما اشوفه متضايق وبكلمة بيضحك في وشي

انسان بصراحة ماكنتش متخيلة اني الاقيه ابدا
بس لما بيتعصب او انرفزة يستحسن ابعد عن وشة عشان ممكن يدبحني وقتها
هههههههههههههههه

ميرسي جدا على التوبيك الجميل ده

سعيد يانورس انك لاقيتي توام روحك
ربنا يخليكوا لبعض ويخلي كل التواءم لبعض
ومشكوره علي المرور

انا كنت وجدته
لكن الظاهر ان مش مكتوب لنا نكون لبعض ابدا
يعنى خلاص دلوقتى مفيش توام وجارى البحث
ميدو

ربنا يوفقك وتلاقي ياميدو
انت شخص محترم وتستاهل كل خير
مشكور علي المرور ياجميل

على فكرة يافارس ممكن يكون توأم الروح جمبك

ومش بس كده وممكن كمان تكون بتكرهه وكمان بتتخانق معاه وكمان منتاش بطيئة

بس بتيجي لحظة عليك بتلاقيه بجد هو ده الي انا عوزاه ومش عوزا غيره في الدنيا دي كلها

ههههههههههههههههههه
انتي بتتبعي المبدا القائل
القط مايحبش الا خناااااااااااقه ولا ايه ؟؟
بس انتي عندك حق والحالات دي مرت عليا بالفعل
اتنين مايكونوش بيطيقوا بعض ويخبطوا في بعض
ومره واحده تلاقيهم اعز اصدقاء واعز حبايب

من حب الا بعد عداوه
ممكن تكون العداوه دي وراها حب فعلا
وفي لحظه من اللحظات بتختفي العداوه ومايتبقاش الا الحب

اه بجد هو بالضبط كده

انا اكبر مثال موجود قدام عني عيلتنا المثل ده ينطبق عليها جدا جدا جدا

ماما اتجوزت بعد ما اتخنقت مع بابا ورمت في حمام السباحة تخيل انت بقى عمل فيها ايه وصلهاللمرحلة دي

بنات خلتي في منهم 3 خناقة ورخامة على جوازهم اول ماعرفو بعض لا تتخيلها

انا شخصيا خطيبي اتخانقنا مع بعض لدرجة اني في اول مرة شفته فيها كسرتلو موبايلو

فلك ان تتخيل المثل ده صحيح قد ايه

القط مايحبش الا خناقه

كان المفروض خطيبك ده يكسرك
ازاى واحده تكسرلى اى حاجه واسكت كده
دا انا كنت قطعتها حتت ورمتها من البلود بتاعنا
واكيد هتفتكرلى الجميل ده انى ريحتها من القسم ودكاترته
ربنا ما يكتب علينا خناقه
ميدو

ده كان اول لقاء بنا ياعاشق

ومكنتش حتى اعرف اسمه بس هو الي كان بيتأل دمه وبيرخم عليا

ولان واحد صديقي وبعزة جدا هو الي جايبة معاه انا كنت ضربته بس الحمد الله
انها جت على قد الموبايل

هههههههههههههههههههههه
ايه ده يانورس
لا احنا شكلنا كده هنخاف نزعلك ههههههههههههههههه
بس فعلا بتبقي مواقف طريفه وذكري عمرها ماتتنسي
مواقف مميزه ومثيره عمرها ماتتنسي ابدا حتي لو كبرتوا وبقه
عندكوا 90 سنه
يللا ربنا يوفقك ويسعدك