هل الانسان....بلا ابعاااااد !!!

انا بهنيـــــك بجد على موضوعك من ضمن اسباب تهنئتى
انك عرفت ازاى تخرج نوت عن كل شخصية قابتلهم
ويكفى بس انك قدرت تجمعهم كل شخصية باسم صفتها فى موضوع واحد

"استفزاز الصفات" هوا دة رد موضوعك انت قولته بنفسك
هوا كل واحد فيه الصفات اللى ااتربى او كبر وكانت بتنموا جواه بسبب المجتمع او شخصيتة الذاتية
الى هوا اتولد بيها
بس اكيد الصفات دى مش دائمة وممكن تتغير بس فى اول العمر ويمكن الاضافة عليها
او النقصان منها
(لكن من وجهه نظرى من بعد سن العشرين او 25 صعب تغير صفات جواك)
المهم ان فعلا دى شوفتها حقيقى مش لازم لانك مثلا من النوع الهادى انك مينفعش ابدا تندفع
اكيد بتحصل مواقف تخلى الانسان يندفع مهما كان صبرة وهدؤه والا ميكنش انسان
انه مش عارف يندمج ويخرج طاقته ويغيرها من وقت للتانى دة من رأى
وانا من راى الانسان له ابعاد لكن ممكن تطرق عليها جديد او نشاذات بس مش طول الوقت
ومجرد زى ذبذبات بتدخل وتخرج بمجرد ماترشحها او ترجع لحالتك الطبيعية
المشكلة بقى ان انت ممكن تطلق عليك صفة من النشاذات اللى حلصت معاك دى لان اللى قدامك
اول معرفتة بيك كانت هى لحظة بعدك عن ابعادك الحقيقة ودى اصعب موقف ممكن يفابله الانسان
لانه ممكن بعدها يحس انه بيخدع الناس او بيبين صفة مش فيه بسبب كلمة اتوجهتله فى الموقف دة ويبدا يحس انه بلا ابعاد ولا هوية ثابتة

عارفة انى طولت بس بجد الموضوع شدنى لانى يمكن قابلت او وقفت وقفة مع نفسى فى حاجة
زيها
شكرااااااا ليك وبالتوفيق

هيللين ...... اولا بعتذر ليكى عـ التاخير

ثانيا بالنسبة لكلامك ...

انا بهنيـــــك بجد على موضوعك من ضمن اسباب تهنئتى
انك عرفت ازاى تخرج نوت عن كل شخصية قابتلهم
ويكفى بس انك قدرت تجمعهم كل شخصية باسم صفتها فى موضوع واحد

"استفزاز الصفات" هوا دة رد موضوعك انت قولته بنفسك
هوا كل واحد فيه الصفات اللى ااتربى او كبر وكانت بتنموا جواه بسبب المجتمع او شخصيتة الذاتية الى هوا اتولد بيها

طبعا متفق معاكى فى الجزئية ديه تماما ... صفات وراثية تقصدى ... وصفات تحورت بسبب المجتمع ... لان كل واحد فينا مش مجرد خليط بين صفات والده وولدته فقط .... اكيد بنلاحظ كدا

بس اكيد الصفات دى مش دائمة وممكن تتغير بس فى اول العمر ويمكن الاضافة عليها
او النقصان منها
(لكن من وجهه نظرى من بعد سن العشرين او 25 صعب تغير صفات جواك)

شىء اكيد .. واكيد حصلنا كلنا .... بس مش شرط ابدا ان الانسان متتغيرش من جواه صفات بعد السن دا ... عارفه من وجه نظرى ليه ؟ .... التغير شىء اساسى فى طبع الانسان والحياه عموما لكن الفرق بين السن اللى قولتى عليه والسن اللى قبل منه ... هوة اننا ففترة العشرين وما قبله فى مرحلة بناء جسمى واكيد نفسى كمان ... فسهل اوى التغير وممكن باقل موقف الانسان يغير فيه حاجة .. لبساطة تفكيرنا فى الفترة اللى بين 15 وعشرين تقريبا ... لكن بعد السن دا .. التغير بيبقى قرار حاسم ومش نتيجة لاى موقف بسيط ... عشان كدا مش بنلاقيه كتير بعد الفترة ديه ... لاننا ممكن ببساطة نعدى مواقف فى السن دا ... كانت بالنسبالنا حرجة فى السن الاصغر ... فى جزء فايتنى هنا االى هوة التغير والطبع الاصلى (التذبذب يعنى) هعلق عليه تحت لانك ذكرتيه فى الجزء اللى بعدا كدا ....



المهم ان فعلا دى شوفتها حقيقى مش لازم لانك مثلا من النوع الهادى انك مينفعش ابدا تندفع
اكيد بتحصل مواقف تخلى الانسان يندفع مهما كان صبرة وهدؤه والا ميكنش انسان
انه مش عارف يندمج ويخرج طاقته ويغيرها من وقت للتانى دة من رأى

تمام ..

وانا من راى الانسان له ابعاد لكن ممكن تطرق عليها جديد او نشاذات بس مش طول الوقت
ومجرد زى ذبذبات بتدخل وتخرج بمجرد ماترشحها او ترجع لحالتك الطبيعية ..

النشاذات .... عجبتنى اوى الكلمة ديه .... ممكن .... بس النشاذات ديه بتبقى اكيد تصرفات مش صفات .... لان الصفة شىء باقى فترة معينة مع الانسان او طول العمر .... ومدام هيه شىء بيدخل عليه تحت ضغط او ظروف .... زى لاندفاع مثلا ان كنت شخص هادى... ممكن حد يشفنى مرة كدا ياخد عانى انطباع انى متسرع مثلا رغم انه موقف عابر ..


المشكلة بقى ان انت ممكن تطلق عليك صفة من النشاذات اللى حلصت معاك دى لان اللى قدامك
اول معرفتة بيك كانت هى لحظة بعدك عن ابعادك الحقيقة ودى اصعب موقف ممكن يفابله الانسان
لانه ممكن بعدها يحس انه بيخدع الناس او بيبين صفة مش فيه بسبب كلمة اتوجهتله فى الموقف دة ويبدا يحس انه بلا ابعاد ولا هوية ثابتة ...

لحظة ... انتى اندرجتى فى موضوع تانى خالص .... بيخدع الناس دا موضوع تانى ... انه بيتظاهر بصفة مش فيه .... مش مجرد نشاذات عابرة .....
النشاذات تحت ضغوط مثلا زى الاندفاع تحت الاستفزاز ... واكيد الناس هتحس كدا ... ما انت متستفزش واحد وتجرحه او تهينه وترجع تقوله دا طبعه وحش مثلا ... وزى الجراءة رغم انك خجول تحت موقف محتاج دفاع منك عن نفسك او غيرك ...

لكن اللى بيخدع الناس دا يا هيللين حجتين ..

ياما بيتظاهر بصفات مش فيه اكتر من مرة ... ودا الحمد لله عمره محصل معايا ... ديه طباعى وانا عارفها كويس ... ومش شرط كل الناس تعرفك وتحبك عليها... وانا طبعا وغيرى المفروض منحاسبش نفسنا على انطباعات الناس لانها شىء تخصهم وبيتفاوتوا فى استيعابهم وعقولهم .. هيه المشكلة انى كنت بعامل الناس بعقلى مش بعقولهم .... ومتصور ان الكل هيتفهم مجريات الامور ... وهيعذر لانى بعذر الناس لابعد حدود ... او يمكن كنت

الامر التانى ان الناس هيه اللى حكمت عليك غلط لانها من جواها مش عارفه تشبع انطباع داخلهم نحيتك لانهم بعيد عنك ... وللآسف طبعا مش هتقدر تقرب لكل الناس وتفسرلهم كل حاجة او يعرفوك اكتر .. وديه بتبقى مشكلتهم للكن للاسف انت اللى ملزوم بالحل .... دا من وجه نظرهم .... لانك دلوقتى قدامهم غلطان عملت حاجة تناقد معرفتهم بيك اللى هيه معرفة بسيطة اوى

وبالنسبة لموضوع بلا هوية او ابعاد ثابته فتجنبا للموضوع دا من زمان .... لانى كنت احيانا بحس انى تايه فيا .... سجلت مميزاتى وعيوبى وتصرفاتى اللى ضايقتنى ومبادىء امشى عليها فى حياتى مع المجتمع وغيره ... نقاط ضعفى وامتى اتفادها ولو اتعرضتلها اصرف ازاى ... وازاى ثقتنى بنفسى تفضل ثابته دايما ....... الخ ... كمثال طبعا ..... بس للاسف مينفعش الدنيا تبقى منورة قدامك على طول ....

عارفة انى طولت بس بجد الموضوع شدنى لانى يمكن قابلت او وقفت وقفة مع نفسى فى حاجة
زيها
شكرااااااا ليك وبالتوفيق


انا اللى ياريت ميكنش طول كلامى كان ممل ... لكن الحقيقة اسلوبك فى النقاش روعة دايما ودايما بيخلينى استرسل فى الكلام قدامك ...

ربنا يوفقك ويديكى الصحة
عمور

زهرة الشتا نجمه المنتدا .... بعتذرلك عـ التأخير فى الرد لانى فعلا مكنش فيه فرصة اقعد عـ المنتدا كتير اليومين اللى فاتوا دووول ...

بالنسبة لردك اولا..

بجد ياعمور موضوع راااااااائع
واسلوب سردك جميل جدا وتصنيفك للناس حلو كمان.. بالنسبه لسؤالك باه
هو فعلا سؤال فى محله... انا اوقات بحس ان مشاعرنا دى لغز كبييييييييييير... حتى احنا مش فاهمين نفسنا فاوقات كتير

فعلا يا زهرة احيانا كتير مبيبقاش فيه تفسير منطقى لمشاعرنا ... لاننا احيانا بالفعل مبنعرفش سبب وجدها .... تمام كلامك


بس
هو احنا فعلا زى ماقالت هيلين بتبقى الصفات الغالبه بتبقى نتيجه التربيه
وتاثير الاهل والاصدقاء وطبعا المواقف اللى بنتعرضلها طول حياتنا.. بس
احيانا بيبقى موقف واحد كفيل بتغيير صفات شخص للاسوا او للافضل او بايجاد
صفه وتغليبها فيه.. كمثال مثلا..
لو موقف وفاه حد عزيز اوى ممكن يخلى الانسان يغير صفات سيئه فيه ويقرب من ربنا
لو اتعرض شخص للخيانه ممكن يحوله من شخص متفائل للحياه لشخص تانى متشكك فى كل اللى حواليه ....

تمام .... كتير مننا بيمر على الاحداث ديه ... فيه ناس بتفرق معاها فعلا كتير .... وفيه ناس تانية بتفرقة معاه فترة بس ....


وفى
مواقف معينه بتطلع منك صفات وتصرفات ماتتوقعش انها جواك بس الصفات دى
بتروح بزوال المؤثر زى مابيقولوا... يعنى زى ماقلت ان شخص خجول يبقى جرئ
فمواقف معينه او شخص جبان يطلع منه موقف شجاع ....

نشاذات يعنى زى ما هيللين قالت .... يعنى نستنتج من هنا انه فيه فعلا حاجة اسمها استفزاز للصفات بالمواقف او احيانا الاشخاص زى ما قولت فى آخر الموضوع

يبقى
الصفات الغالبه فينا بتفضل موجوده دايما.. باقى الصفات ممكن تطلع بصوره
دايمه وده اعتقد بيبقى تغير جذرى بسبب موقف مؤثر جدا بيحرك مشاعرنا
او بصوره مؤقته وبنرجع بعدها للصفات اللى اتعودنا عليها وبيبقى سبب التغير موقف طارئ والتصرف غالبا بيبقى تلقائى وغير محسوب ..ز

تمام بس احيانا تكرار المواقف ممكن يولد فينا الصفة ديه .... اللى هيه كانت نتيجة لموقف طارىء فى حين انه اتكرر مرة او اتنين او تلاتة

بجد ياعمور موضوع هايل... واحييك عليه ومعلش باه طولت اوى

لأ ابدا ازاى بس .... انا فعلا اللى سعيد جدا بمرورك وردك المفيد اللى اضاف ليا وللموضوع حقيقى .... وبصراحة انتى وهيللين سبقتوا الموضوع ...

متشكر جدا لزهرة الشتا ..
عموور

عموووووور أولا بحييك على موضوعك وروعتك فى عرضه وسرده وأنا فعلا كنت ناوية لو دخلنا فى لعبة الأحكام ووقعت تحت أيدى كنت هحكم عليك بعرض موضوع لأنى بجد بحس فى مواضيعك بالعقلانية والذكاء ربنا يحميك يارب

نيجى بقى للموضوع

وان كانت تغلب على احدنا واحده من تلك الصفات ... فهل الانسان له بعدٍ واحد .... ام من الممكن ان تتواجد كلها فى كل انسان ويصبح بلا ابعاااااااااد .... اى هل يوجد ما قد يطلق عليه "استفزاز الصفات" !!؟؟



أكيد طبعا كلنا لينا صفة مميزة واحدة يعنى فى ناس بتكون دايما هادية وصعب تخرج الكلمة منها وناس تانية بتكون علطول بتتكلم مش بتريح نفسها وناس تانية بتتميز بالطيبة وناس بالذكاء وناس البراءة

كل واحد فينا ليه صفة مميزة بتكون هى الصفة الأم أو الصفة الرئيسية يعنى

لكن مش معنى كده أنه بيكتفى بالصفة أو زى ما بتقول البعد ده بس طبعا فى أكتر من بعد

أكيد طبعا سلوكا وتصرفنا بيتغير حسب الموقف اللى بنتعرض لينا

يعنى فى ناس بتشوفها تلاقيها دايما هادية وتيجى تشوفها فى وقت نرفذة تحس أنها شخصية تانية خالص وتلاقى وشه أحمر وحالته بقت حالة تحس أنه شخصية تانية غير اللى أتعاملت معاها

وفى ناس بتكون بتتميز بالقسوة ومفيش عندها حنية خالص ولا ممكن تتصورها فى موقف طيبة وهدوء لكن لما بتتحط فى موقف صعب زى مثلا تشوف طفل قدامها بتعيط مش معقول هتضربه ولا هتزعقله طبعا بتلاقى شخصيتها أتقلبت 180 درجة

يعنى من مضمون كلامى أن الموقف بيأثر على سلوكنا وتصرفنا

يعنى أنا مثلا بترعب من الضلمة وبخاف موت للنور يقطع عليا وأنا لوحدى فى البيت وحقيقى كنت متخيلة لو ده حصل ممكن أموت فيها ولكن لما أتعرضت للموقف ده لقيت نفسى شخصية تانية خالص شخصية قوية والحمدلله



هل الانسان بلا ابعاااااااد ؟؟ ... تغلب عليه صفه اجبر عليها فى واقعه ألخاص .... واندثرت باقى الصفات فى انتظار شخص ما... اوموقف ما... او حدث ما ... لتظهر من جديد وهل هناك اشياء اخرى لم نكتشفها فينا وفى غيرنا ... نظرا لانها لا تظهر فى مرآة الواقع .... فهل هنالك تفسير ؟؟



هو طبعا الأنسان بأبعاد يعنى وأحيانا شخصيتنا بتختلف

يعنى أنا مثلا كنت لحد أعدادى هندسة هادية جدااااا وقافلة على نفسى ومليش دعوة بحد غير أزيك أزيك بس فجأة أتقلبت 180 درجة وبقيت شخصية تانية خالص

وكمان مش ممكن تحكم على شخص من أول مرة حديث معاه ولا تانى مرة متقدرش من المرتين دول تقول ايه الصفة المميزة ليه أو ايه أبعاده لكن لما تقربله بتكتشف فيه صفات تانية كتير أنت مكنتش تعرفها

ياااااااااااه ده أنا طولت قوووووووووى

متأسفة على الأطالة بس بصراحة أصل الموضوع شدنى قووووووووووى

وأسفة كمان على التأخير فى الرد بس قولت موضوع لعمور محتاج روقان كده عشان نرد رد يليق بموضوعه مع أنه مش لايق قوووووووى بس معليش على قدنا

ربنا يوفقك ويسعدك

اميرتنا ... بعتذرلك عـ التأخير اولا وبجد نورتى الموضوع

عموووووور
أولا بحييك على موضوعك وروعتك فى عرضه وسرده وأنا فعلا كنت ناوية لو دخلنا
فى لعبة الأحكام ووقعت تحت أيدى كنت هحكم عليك بعرض موضوع لأنى بجد بحس فى
مواضيعك بالعقلانية والذكاء ربنا يحميك يارب ..

ربنا يخليكى على كلامك دا ... والحمد لله لحقت نفسى لان اميرتنا مقدرش ارفضلها طلب طبعا

نيجى بقى للموضوع ...



أكيد
طبعا كلنا لينا صفة مميزة واحدة يعنى فى ناس بتكون دايما هادية وصعب تخرج
الكلمة منها وناس تانية بتكون علطول بتتكلم مش بتريح نفسها وناس تانية
بتتميز بالطيبة وناس بالذكاء وناس البراءة

كل واحد فينا ليه صفة مميزة بتكون هى الصفة الأم أو الصفة الرئيسية يعنى

تمام جدا يا اميرتنا والصفة المميزة دبه هيه دايما اللى بتبقى ظاهرة على الواحد فى اغلب الاوقات زيك كدا مثلا كلنا عارفين انك رقيقة وزوق جدا مع كل الناس ....


يعنى من مضمون كلامى أن الموقف بيأثر على سلوكنا وتصرفنا

بالضبط كدا وادا اللى فعلا كنت عاوز اوصلله ان المواقف فعلا بتستفذ الصفات على حسب تنوع الاحداث ديه وبالتوافق مع شخصية الفرد برده وهوة اتعلم وكبر على ايه


وكمان
مش ممكن تحكم على شخص من أول مرة حديث معاه ولا تانى مرة متقدرش من
المرتين دول تقول ايه الصفة المميزة ليه أو ايه أبعاده لكن لما تقربله
بتكتشف فيه صفات تانية كتير أنت مكنتش تعرفها

تمام كداااااااااااااا



ياااااااااااه ده أنا طولت قوووووووووى

متأسفة على الأطالة بس بصراحة أصل الموضوع شدنى قووووووووووى


لأ ازاى بقى يا اميرتنا الموضوع موضوعك وانا بجد شرفنى جدا وجودك ومشاركتك معانا فيه

وأسفة
كمان على التأخير فى الرد بس قولت موضوع لعمور محتاج روقان كده عشان نرد
رد يليق بموضوعه مع أنه مش لايق قوووووووى بس معليش على قدناربنا يوفقك ويسعدك ..

ولا تاخير ولا حاجة الموضوع على قيد الحياه لسه .... وربنا يخليكى على مجاملتك الطيفة ديه .. وبالعكس انا بجد سعيد جدا بمشاركتك معانا واكيد كلنا بنستفاد من بعض لان طبيعى اننا بنمر مواقف مشابه فى حياتنا الى حد كبير وان كان التأثير ممكن يختلف الا انها (بتظبط مع بعضها يعنى ..... )

شكرا مرة تانية لاميرة الطفولة ...

عمووووور

عموووور
حكيم المنتدى وجنتل المنتدى كان غايب فيين الموضوع ده عنى
بجد تحفه لسلسلة مواضيعك الجميله بجد

وعندك حق فعلا صفاتنا وتصرفاتنا بتتغير على حسب ظروفك المحيطه وكماان مع الأصحااب والأشخاص إللى بتتعايش معاهم
كماان التأقلم والتكيف بيكون فى بدايته شىء مكروه
يعنى نثلا شخص هااادى الطبااع عاااش فى جو ملىء بالضجحك والمرح والتفاهم والسمر صعب ميكونش زيهم حتى لو هو كاره الوضع ده
وده سبحاان الله بيكون له ميزااته وعيوبه فى نفس الوقت
ميزته إنك تقدر تكتسب صفات كويسه كنت مفتقدها
وإنك تكون صاحب شخصيه متنوعه ما بين الصمت والهدووء والمرح وخفة الظل والإجتماعيه وصفاات كتيره مهمه فى حياتنا ومواقفنا اليوميه
مكن العيووب التكيف بشكل مفرط لى أى صفاات بدوون تفكير وتحكيم العقل فيها يعنى نكتسب صفاات غير مستحبه تكون موجوده وأكتر أبعااد الإنساان إللى تقصدها المجتمع والصديق وأوضحهم تأثيرا

دى وجهة نظرى فى موضوعك يا عموور وبجد بحيك عليه جدا ومتغيبش عننا كتيير فى المواضيع الميزه دى إللى دايما تخاطب العقل ونابعه من الوجداان
وده علم النفس التطبيقى إلل أثبت لنا إنك بارع فيه

أرق التحياات
أختك سما