البنت الحلوة الشييييييييك ....

انا كنت نويت اتأهل واكمل نصي التاني

لامؤاخذه انا راجل دوغري معرفش لاكاني ولاماني

لكن اه من قله بختي ... اسمعني الله يخليك

انا كنت نويت اتأهل .. من جارتي الحلوه الشيك

من يوم مالمحت قوامها ...سحرتني بنت الإيه

سبحان من سوا جمالها ... وقلوبنا ياناس في ايديه

الحب دا ايه !! بوفتيك ؟؟ ... تاكل منه ولاتشبع من إيد الحلوه الشيك

الحب دا لخبط حالي .. وغسيلهم عدت اهواه

من عصر ايديها وانا قلبي ...معصور راخر وياه

وغسيلهم لما تلمه .. القلب ساعتها عويك

بيقول لازم تتاهل ... من جارتي الحلوه الشيك

واكمن انا راجل دوغري ..خشيت البيت من بابه

والواحد لما يحب ...لازم بيصون احبابه

قابلني ابوها وقالي ...اهلا ياسعاده البيك

شجعني رحت قايله ...اسمعني الله يخليك

انا كنت نويت اتاهل ..واكمل نصي التاني

والنص التاني ياعمي ...والبركه ياعمي دى فيك

انا جاي طالب من عشمي ...بنتك الحلوه الشيك

واذا كان على المهر ياعمي ...مش كل الدنيا فلوس

والشبكه دي موضه وبطلت ..ارضا بي الله يخليك .. خليني اتجوز حوا.. البنت الحلوه
الشيك

قام ضارب كف بكف .. وسألني تشرب ايه ..ايه رايك تشرب قهوه ؟ .... قلتله قهوه ايه !!! ... خليه شربات ان امكن

خليه وانا عشمان فيك .. وياريت نشربه من ايدها ..عروستنا الحلوه الشيك

قام قالي خلاصه القول ...المهر عشر الوفات ...والشبكه تجيبها بتوزن اربع
وقات ..والشقه بعفشها ليها...انا بنتي ما تحب شريك

اذا كنت مصمم تاخد البنت الحلوه الشيك

الله يسامحك ويسامح ..الي يفكر يتأهل ..

دي جوازه ولا جنازه ..اللي علشانها بنتبهدل

انا قلت ياواد قوم روح ..والدار اقفلها عليك

ملعون لو كنت ابحلق.. على جارتي الحلوه الشيك