نغمتك إيه ؟

بجد كان نفسي أتكلم عادي عن النغمات الجديدة والروشنة اللي بتحصل بس بجد انا كان عندي حلم ونفسي يتحقق ونفسي أشوفه قبل ما ........... " أسيب الكلية "

المهم ... طبعاَ الواحد بيكون قاعد في الكلية وفجاءة " دوم سك دوم دوم سك ... " فعلاَ ده اللي بيحصل تلاقي نغمة غريبة تطلع من اللي جانبك تحس إن الراقصة هتيجي بعد الفقرة الموسيقية ... حاجة غريبة بجد . وياريت حتي الأغاني اللي بيحطوها بتكون ماشية ده بيحطوا كلام غريب زي مثلاَ " متعرفش ليه .... " وانا اللي عرفني مشكلة حضرتك ولا مثلاَ " مصدومة ... " أنا مال سعادتي حضرتك مصدومة ولا لأ أنا إيه داخلي في الموضوع ده ... وهكذا من النغمات اللي ملهاش أي لازمة .

بجد ليه ميكنش لينا هوية إسلامية أكتر من كده أكيد كل واحد فينا نفسه يكسب حسنات أو على الأقل ميعملش ذنوب تجيبه الأرض وتلاقي الواحد بيقولك نفسي أبطل " أي ذنب " بس مش قادر طب سؤال هنا ..
ياتري النغمة ديه مش قادر تغيرها ؟!!!!! يعني حتة واحد بيقول كلام بلاداعي مش قادر تشيلها ... طب هات واحد بيدعي ربنا مثلاَ هات أناشيد " وما أكثرها "

فياريت الناس تبدأ تفكر بجد في الموضوع ده ومتركنهوش وتقول إن شاء الله هنعمل " بلاش تسويف "

وياريت يكون فيه حملة تبدأ من هنا إسمها " هغير نغمتي "

ملحوظة بلاش بلاش بلاش نغمة تكون قرآن كريم عشان فيها خطأ " للقرآن قداسة خاصة عالية "

وشكراَ

وإلى الامام دائماَ إن شاء الله