أنا عاوز أشتكى

مستحيل يكون كل اللى هنا مش عندهم شكاوى ولا حتى اقتراحات
انا قلت أبدأبنفسي وخلاص
انا اتمنى يكون لون خلفيه السايت رمادى مثلا او لون وردى وبلاش الاسود لان ده حتى مش لون أسود
كمان نفسي المواضيع اللى عليها ردود كتيره تتثبت كمان تتحط جنب بعضها
ممكن كمان الاقسام اللى مش بينكتب فيها وحتى غير متوقع فى المدى القريب انه يتكتب فيها حاجه تنشال
وكمان فيه مواضيع ناس كتير بيشوفوها ومش بيردوا
كمان لازم يكون فيه انتاج كتييير ومواضيع كتير جدا
عارف انكم فى هندسه والامتحانات وكده (ربنا يوفقكم الاول) لكن برده لازم يكون فيه وقت فراغ تزود فيه المواضيع اللى فى المنتديات هنا مش ده برده السايت العزيز بتاعكم انتم ولا ايه؟؟
عاوز اشتكى تانى ان مفيش شكاااااااوى
وشكرا انكم مستحملينى بجد

أولا أنا حابه أشكرك على مشاركاتك الجامده معانا
بس بأمانه مكنتش أعرف إنك بتحب الشكاوى أوى للدرجه دى وبعد كده هسميك adoremrشكاوى
وفى حاجه كمان عاوزه أعلق عليها: إنت بتقول إن فى مواضيع كتيييير ناس بتشوفها لكن مش بيردوا عليها ده أمر طبيعى
زى الشكاوى بتاعتك مثلا مفيش لها ردود علشان كده محدش بيرد
وأكيد برده مش كل الناس زيك 00بتتكلم كتييييييييييييييييييييييييييييييييييير

ممممم ماشي يا عاشقه سما انا هاسمع كلامك ومش عدت هاتكلم كتير يعنى هابقى يادوب على قد اللى محتاجينها فى السايت هنا
انا اعتقد ان كلامى كمان مش مجرد كلام وخلاص وانه غالبا ليه معانى كتير بس اللى يفهم بقه
الشكاوى انا كاتبها للاداره مش للاعضاء ومش محتاج رد
شكرا جدا على ردودك دى بجد

الشكر لله يا أستاذنا
وعلى فكره مش لازم بس الإداره إللى ترد على حضرتك لأننا كلنا أصحاب
مش ده كلامك؟؟؟؟