ايه رأيكم فى الحياة ممكن تشاركونى فى الأجابة

بسم الله الرحمن الرحيم
أزيكوا ياعفاريت كنت عاوزة أسألكوا سؤال
ياترى النيا وحشة ولا حلوة ؟
ولا الناس هم اللى وحشييييييييييييين ومخلينا شايفييييييييين الدنيا وحشة ؟
ولا الغدر والخيانة اللى أكتسحت الدنيا هى السبب؟
ياريت اللى يعرف الأجابة يجاوبنى بس ميقوليش الكلام التقليدى لازم نشوف يوم حلو ويوم وحش ولازم نقابل ناس كويسين وناس وحشييييييييييييييين ياريت تكون الأجابة غير كده
وشكرا

والله يا اميرتنا انا سألت السؤال ده لنفسى كتير وطلعت بأجوبة كتيرة

بس الحياة مش وحشة ... الحياة اكيد حلوة لانها هبة من الله واكيد ربنا مش هيوهبنا حاجة وحشة.

بس ده ميمنعش ان الناس بقى معظمها مش كويسين
وفى كل مكان فى الكويس وفى الوحش

وكل الناس فيها عيوب ....... انا وانتى واى حد فى الدنيا فى عيوب
والواجب علينا اننا نعرف نحدد عيوبنا ونحاول نصلح منها على قد ما نقدر
ونحاول نتعرف على الناس اللى هيحبونا بجد.... الناس اللى مش بتحب تجرح حد او تزعله
علشان لما نحبهم بعد كداا ......... مننجرحش منهم
وانا عن نفسى مهما يحصلى فى الدنيا دى .... اضحك واقول فى نفسى من جوة

وأيه يعنى ...... انا لسه عايش

وابدأ اعيد حسباتى وافكر من جديد واحاول اكون اقوى من الظروف
بس خلاص
واسف على الاطالة ..... واتمنى رأيى يكون افادك فى حاجة
وانا سعيد جدااا انى اول واحد رد على السؤال الصعب ده والموضوع الهايل اللى انتى كتبتيه

بالتوفيق

السلام عليكم ... أميرة الطفولة ... الدنيا أكيد حلوة لو بصينالها من الجانب الإيجابى وأكيد وحشة لو بصينالها من الجانب السلبى ... نفس فكرة نص الكباية المليان ونص الكباية الفاضى ... وبالنسبة لموضوع الناس أكيد فى ناس وحشة وفى ناس حلوة وكذلك الغدر والخيانة ممكن يعكروا صفو أى حاجة حلوة (وأنا مازلت بالمناسبة فى العكارة دى من مدة مش قصيرة خالص ... دعواتكم ليا بقى) المهم ... لكن بعد كل ده فى مقولة حلوة اوى مش فاكر قرأتها فين (وجايز والله اكون قرأتها هنا ف المنتدى) بتقول: إذا أغلق أمامك باب الأمل فلا تكثر البكاء أمامه ... فهناك آلاف الأبواب المفتوحة خلفك تتنتظر أن تستدير إليها) ...
الموقف الوحش أو الذكريات الأليمة حاجة وحشة وكل حاجة ... بس ليه مندورش على واقع أحلى وحياة أظرف ...؟؟؟؟؟؟!!!!!!!! احنا عايشين واقع يعنى 24 ساعة ف اليوم 7 ايام ف الأسبوع (زى خدمة TE Data كدة ههههههه) لكن الذكريات فين وفين لما نفتكرها ... يبقى مفروض نخلى الواقع أحلى من الماضى او ع الاقل نخلى الواقع حلو ونحب نعيشه ... اميرة ... اعملى زى فودافون ... عيشى الحياة ... ومتفوتش لحظة .... هههههههه
اتمنى اكون أفدتك ... وبالتوفيق

اولا شكرا للموضوع يا اميرتنا فعلا موضوع مهم جدا خصوصا انه يطلع من انسانة قمه فى الزوووق زيك كدا واتمنى انه ردنا كلنا يريحك اكتر ما نقنعك بيه

ثانيا انا مش هخش فى تفصيل ولا تحليل لشخصياااااات الناس والعالم حولينا ... عشااااان الرد ميطولش وهيبقى ملووووش اى لزمة لاننا مش هنحل حاجة ... اوتمنى انك تعذرينى

ثالثا

اقتباس :

ياترى الدنيا وحشة ولا حلوة ؟

انا اللى هسألك سؤااااااال .... ؟ ياترى انتى نيتك حلوة لكل الناس ولا لأ ..؟ وانا واثق من اثبات الاجابة اولا لانى اعرفك من قترة وانتى من الشخصيات "الرائعة" بجد مش بجاااااااامل والله.. ثانيا اثارتك للسؤال والموضوع ..؟

عرفتى الاجاااابة ؟؟ .... بس.. هوة دا المهم ..!!
طيب وازاى الناس حاوليا يبقوا كدا .. واعيش مرتااااااحة .... صدقينى زى ما انا اقتنعت ان "السعادة طريق مش محطة" فى موضوع "زهرة الشتا" ... انتى كمان لازم تدورى على انه راحة البال طريق مش محطة واكيد هتلاقى الوسيلة المناسبة اللى تكيفك عشاااااان تعيشى بيها ... ربنا ادلنا عقل عشاااان نفكر ... للاسف الواقع اللى انتى وانا شايفينه وحش بس الفرق بنا انى متعمقتش فيه زيك كدا .. عشاااان ميحسسنيش بالاحياط والياس وابقى للاسف انسااااان عشوااااائى زيهم حتى لو الانسااااان دا عايش فى ارق حياااااااه ..... فى كل الاحوال هوة واحد منهم ....

عارفه ليه .. انا سالتك السؤال دا ... عشاااااان انا اللى مستغرب ... ومتزعليش منى ... انتى ايه اللى دخلك فى نيات الناس وتصرفاتهم (انا عارف انك كنتى تقصدى الدنيا بس انا اقصد النيا فعلا) ؟؟ ... عارفه انا دايما اقول لواحد صحبى ... متسمحش لنفسك ومتسمحش لحد انه يدخلك بينه وبين افكاره ونفسيته ... عشاااان متتعبوووش انته الاتنين وتنتهى العلاقة بالفشل ... نفس الكلاااااااااام ... عايزه الحل من رأى ...

ملكيش دعوة بالنااااس جواها ايه ... حتى لو همه وحشين ... لما يشوفو كل تصرفاتك معاهم ايجابيه .. اكيد هيعملووووك كدا برده حتى لو مش من قلبهم ..

لو كانوا غير كدا ... يبقا دوووول اساس ميتحقووووش الحياه وسط البشر ... ولا تشغلى بالك بيهم .. وعديهم

خليكى معتمدة على نفسك ومتستنييييييش دعم من الكل ...... متدلهمش فرص كتير للوفااااء عشااااان متلقيش الغدر والخيانة

طورى فيكى الانسان الجميل اللى دايما كله خير من جوة ... ومن بره متخليش الكل يقرب منك "اكتر من اللازم"

شوفى الوحش حوليكى واتعلمى ازاى ميكونش فيكى حتى لو عايشه وسطه

متشغليش نفسك بالنااااااااس ... شوفى ايه اللى عجبك خديه وايه اللى مش عجبك سيبيه ..... كله واحد مشاغله اكيد اكتر ........ والحياه لا تسير فى اتجاااااااه واحد
ان شاء الله هيجى اليوم اللى تعيشى الحياه اللى تريحك وترضيكى ... ما دام انتى مقتنعه بتفكيرك وشخصيتك ... وبتدعى ربنا ...

متستعجليش ... كل المواقف بتعدى .... ريحى بالك عشان خطرك انتى ... اقولك على حاجة الانفعال والحزن والقلق والضغط .. بيأذى الانساااااان جدا ... لدرجة انه ممكن يتلف بعض الخلايا العصبية (100 - 200 الف خليه) ... اللى هيا لا تعوض ابدا ... وبالتالى كل مدى .. نفسيته بتتعب اكتر .. ولا يتحمل اى شىء .. وبالتالى بعد كدا لا يتحمله اى حد

انا مش عاوز اخوفك .... بس لسه الفرصه قداااامنا .. كل واحد لازم يقتنع انه عايش احسن من غيره بكتييييييييييييييييير .... الحمد لله على كل شىء ... والامل فى ربنا .... كبييييييييييير

وهوة ادانا العقل عشان نفكر بيه ونسلك السبل اللى تريحنا .... الحل مش فى الكلاااااااام يا اميرتنا ... الحل بينك وبين نفسك فى الآخر ..... بس انتى اخدتى بالاسبااااب .. واحنا ردينا بالاسبااااااااب ... لأ وطولنا اوى كماااااااااااااااااااااااااااان

انا بعتذرلك جدا جدا ....
لكن ردى كان لازم ميقلش عن كدا فى موضوع بالاهميه ديه

عمووور

بسم الله الرحمن الرحيم
السلام عليكم ورحمة الله وبركاته
اختى العزيزة اميرتنا اميرة الطفولة
اهلا بحضرتك وياااااااااااااارب الرد بتاعى يعجبك
ياترى النيا وحشة ولا حلوة ؟(1
اولا الدنيا لا هى وحشة ولا هى حلوة والا مكنتشى تتسمى دنيا ودى احقر من الدنو ذاته وربنا سبحانه وتعالى قال عنها الحياة الدنيا ومعنى كدة ان الاشياء اللى بتحصل فيها كلها اشياء لا تذكر او اشياء المفروض الانسان ميبئاش عليها او يحطها فى دماغه ومش معنى كدة ان الانسان مننا يبئة بارد او متبلد المشاعر من اللى بيحصل حواليه لا انا اقصد ان من اسم الدنيا لازم نتوقع كل حاجة نتوقع الكويس نتوقع الوحش نتوقع كل حاجة بتحصل لينا فيها لاننا عمرنا ما هنلائى الكويس بسهولة ولا كمانى هنلائى الوحش بصعوبة فدة حال الدنيا يوم ليك ويم عليك ومحدش هياهد اكتر من نصيبه وفى الاخر دة قضااء وقدر يبئة الانسان مننا طالما ميملكشى انه يحدد مصيره الغيبى وطالما مؤمن بالقضاء والقدر والمكتوب يبئة يرضى باللى بيشوفه وميقولشى ان الحياة وحشة اكن طالما انا موجود فيها انا الللى اخليها وحشة وانا اللى اخليها حلوة بفكرى وطريقتى وتعاملى مع الناس ومع اللى حواليا خلاصة القول لا يملك اى احد فينا ان يحكم على الحياة الدنيا الا من خلال ثقافته الناشئة عن وجوده وعن تعامله وليعلم الجميع ان الحكم لله وان الانسان اذا اصابه نفع فهو من عند الله وانه مسته الاضرار فهى من عند الله ولا ياتى من عند الله الا الخير والامن والسلامن وحده نعم المولى ونعم النصير .

2)ولا الناس هم اللى وحشييييييييييييين ومخلينا شايفييييييييين الدنيا وحشة ؟
منكرشى ان كل مكان فيه الكويس وفيه الوحش لكن يا اميرتنا الوحش بيبان والكويس بيبان واحنا اللى علينا الاختيار بسى قبل ما اظلم الناس واظلم اللى انا بتعامل معاهم لازم ائعد بينى وبين نفسى لاااااااااااازم اراجع نفسى فى كل حاجة انا عملتها واسال نفسى ياترى انا ظلمت حد؟؟؟؟؟؟؟ يا ترى انا غلطت فى حد؟؟؟ياترى انا عيبت فى حق حد وهوة مهواشى موجود؟؟؟؟ياترى ...يا ترى ...يا ترى ....لاااااااااااااااازم ائعد بينى وبين نفسى واستخير ربنا واخد راى والدى او والدتى او اخواتى فى الناس وفى الدنيا وفى الحياة هما اكيد اكبر منى واكتر منى خبرة والحياة ياما بتعلم والانسان ياما بيشوف وياما هيشوف طالما ارادة ربنا لسة فى صالحة انه يكون موجود فى الدنيا يبئة لام يتعلم والانسان مننا مبيتعلمشى ببلاش انا منكرشى ان الانسان لازم يبدا بنفسه مش علشان هوة شاكك فى نفسه لا علشان الاصول كدة وبعدين يشوةف اللى حواليه هما ليسه اللى حواليه بيعملوا كدة ؟؟؟؟؟؟؟؟؟ليه اللى بيتصرف كويس بيتصرف كويس وليه اللى بيتصرف وحش بيتصرف وحش طيب ؟؟؟؟؟؟؟؟؟؟؟؟ ايه اللى خلى الناس دى تعمل معايا كدة ؟؟؟؟؟؟يعنىىىىىىىىىىىىىى اسئلة كتييييييييييييييييرة ممكن الانسان مننا يراجع نفسه ويشوف حاله ودنيته وحياته معاه ماشية الذاى علشان يعرف هو مين وبيتعامل مع مين وياترى مين الوحش وياترى مين الحلاو طب الحلو دة افضل معاه لانه كويس واخليه كويس اكتر واكتر علشان اكون زيه طب الوحش دة ابعد غنه او احاول امى اصلح منه علشان يبئة بنى ادم كويس يعنى الاهم يا اميرتنا ااننا نراجع نفسنا ونبص على اللى حوالينا ومناخدشى ان الناس كلها وحشة علشان الحياة صعبة والظروف مش فى ايدينا لا طبعا مناخدشى دى قاعدة كل حاجة فى ايديم ربنا سبحانه وتعالى سبحانه اذا اردا شيئا ان يقول له كن فيكون فلازم يكون عندنا الثقة الكاملة فى الله وفى النفس علشان نعرف نحكم صح.

3)لا الغدر والخيانة اللى أكتسحت الدنيا هى السبب؟
مفيشى شك ان الانسان الوحش هوة سفير لكل حاجة وحشة وهوة رسول لنقلها عند الناي بقصد او بغير قصد فيبئة الحخذر من الناس دى زى ما وضحت فوق اختى العزيزة زى ما قلت اننا لازم نراجع نفسنا ونشوف احنا بنتعامل مع مين وليه ؟؟؟ علشان صدقينى الاصحاب النهاردة بينقلوا لنفسيهم الخصائص والحاجات ربما تكون كويسة او غير ونفاجئ بالنهاية بحركات غدر وخيانهة وللاسف بتيجى من اقرب الناس ودة مش دائم وحتى ان حصل فدة بيكون خطا فى النفس الاول قبل ما يكون خطا فى اللى عمل كدة وظلم كبير اوى ان احنا نرمى بغلطتتنا وغلطات تفكيرنا على الزمن من غير ما نرجع اللاول لنفسنا ونشوف احنا بنعمل ايه يبئة لااااااااااااااازم نكون اكثر عدلا مع الايام بالتفكير الكويس والسليم والمراجعة المستمرة واننا نحرص على اننا نكتشف فى اللى احنا بتعامل معاهم كل يوم حاجة جديدة علشان نستفيد من حياتنا اكتر لكن انا منكرشى ان الغدروالخيانة عند اصحاب النفوس الضعيفة وزوى الاحساس بالنقص والحقد وعدم الرضا بدا يتوافر النهاردة وفى مجتمعاتنا الالامية ولا حول ولا قوة الا بالله ودة امر طبيعى لاننا بعدنا عن ديننا ورضينا لرسولنا الاهانة وانداس على كرامتنا بكل حاجة الحقيقة وبناخد على دماغنا وبنقووووووووووول كمانيبئة الذاى عاوزين ان ربنا يباركلنا فى كل حاجة واحنا راضيين لدين الله الذل والمهانة يبئة على طووووووووووول العيب علينا وعلى نفسنا لما نكون اصحاب المبادئ وخير امة موجودة على وجه الارض ونرضى لحالنا اللى جابلنا الغم فى حياتنا ودة بادينا والله وابتلاء من الله علينا كل اللى بيحصل دة وربنا بشر بكدة والرسول من 1427 سنة اخبر عن حالنا دى الوقت وبالفعل كله ادامنا كتاب مقرووووووووووووء اهه يبئة الذاى احنا مستغربين ان الغدر والخيانة اصبحوا واقع فى مجتماعتنا لا يا جماعة دة الطبيعى طالما احنا رضينا لنفسنا كدة لااااااااااااااااااااااازم نصلح من نفسنا ونحاول نراجع نفسنا اول باول علشان نلقى بهذه الاعباء وراء الظهور وننتبه الى العدو الحقيقى وهو النفس المشكلة الاعظم التى ترسى مبادئ الكره والغدر والخيانة عند تشبث افكار الشياطين بها ولا حول ولا قوة الا بالله يبئة لازم نفوء ونعرف كويس اوى ان احنا اللى بنعمل الغدر والخيانة وبقرار واحد مننا نئدر كويس اوى ان احنا نبئةامة مسلمة حقيقى تدافع عن حقوقها وكرامتها من اللى هانوها علشان رضا رنا يعم وتزول الهيانة وحركات الغدر اللى عموا مجتمعاتنا واخر كلماتى ان الحمد لله رب العالمين .

اتمنى ان يكون الرد عجب حضرتك وربنا يوفقك ويكتبلك الخير والسعادة
سلااااااااااااااااااااااااااااااااااااااااااااااااااااااااااااااااااااااااام.
leader of mansoura

اميرتنا العزيزه

*اسمحيلي اقولك رايي المتواضع

*الدنيا حلوه بس لما ننفذ شويه حاجات قليله بس مهمه جدا

*طاعه ربنا سبحانه وتعالي صح وده له اولويه مطلقه

*طاعه الوالدين ورعايتهم

*صله الرحم حتي لو كانت الصله دي هتبقي من ناحيتك انتي بس

*بشخصيتك المثاليه هتقدري تكتسبي حب الناس واحترامهم ودي في رايي اعظم حاجه

صدقيني الحاجات دي لو اتنفذت صح هتلاقي الدنيا بتكتسي بغلاف وردي جميل يخليكي تشوفي كل حاجه حلوه

هتلاقيها حلوه لانك هتحسي بالصفاء جواكي قبل ماتشوفيه في اي حاجه تانيه

*ثانيا سؤالك الخاص بالناس

* لازم تكوني بالذكاء اللازم للتعامل مع الناس في كل مكان لانك مش هتقدري تغيري في طبيعه حد الوحش وحش والحلو حلو

المهم في كل ده هو الحذر الشديد في التعامل مع كل الناس سواء اصدقاء او اعداء لان في حكمه بتقول فيما معناه

اذا صادقت فلا تبالغ في الصداقه لان صديق اليوم قد يصبح عدو الغد

واذا عاديت فلا تبالغ في العداء لان عدو اليوم قد يصبح صديق الغد

باختصار :الوحش تعامليه بالطريقه اللي تجبره علي احترامك ولو مانفعش يبقي يتم اجتنابه نهائيا

الحلو بقه مش هياخد مجهود لانه ببساطه هيكون مقارب ليكي في صفات كتير بالتالي الامور هتسير بسلاسه معاه

*حلاوه الحياه لما نتغلب علي المصاعب اللي بتقابلنا وننتصر عليها علشان نفرح بالنصر ده مش نقف نبكي علي اللبن المسكوب

حلاوه الحياه اننا لا نياس ابدا من اي مشاكل لانها ابتلاءات من عند ربنا وربنا لايبتلي عبدا الا اذا احبه واعتقد ان ده شئ جميل

لما نعرف ان ربنا بيحبنا وبيختبرنا بالتالي لازم نبذل جهد للنجاح في هذا الاختبار بل نكون سعداء بهذا الابتلاء

مفيش حاجه في الكون تستاهل ان الانسان يشيل هم او يحزن من اي حاجه لان المصيبه الحقيقيه هي مصيبه الدين وليست الدنيا

لو صلح الدين فليذهب كل ماعدا ذلك الي الجحيم

اجمل حاجه في الكون ضحكه صافيه طالعه من القلب

مفيش حاجه في الدنيا تستاهل اننا نكتم ضحكه زي دي

اتمني اني اكون وفقت

وربنا يوفقك ويسعدك

فارس

السلام عليكم
موضع بجد حلو
بس محير
بس انا عن نفسى مقتنع ان الواحد لو حصل على اى حاجه بسهوله
مش هيبقى ليها طعم
وده بصراحه اللى عاجبنى فى الدنيا انها مابتديش كل حاجه بسهوله
لكن الواحد لازم يؤمن بحاجه اسمها القدر
وانه مش هياخد اكتير من نصيبه
بس اعتقد ان الواحد لو اتحلى ببعض التفاؤل هيقدر يعدى من معظم الازمات
واهم حاجه ان يكون مع الواحد حد بيثق فيه عشان يقدر يساعده.

بصى يا اميرتنا انا ببص لموضوع الحياه دا من جانب ممكن يكون بعيد عن ناس كتير
القدر هو اللى بيتحكم فى الحياه كلها يعنى اقولك:
ربنا اكيد خلق كل حاجه حلوه بس قدر الواحد مننا بيتحكم فيه من حيث ان ربنا بيسبب الاسباب يعنى الحياه ماشيه فل اوى و كله تمام, قدرك بقى ان واحده صاحبتك تخونك او معدتيش تثقى فى حد او او او .....
كل دى حاجات ربنا هو اللى مسببها عشان عجلة الحياه تمشى
يعنى خلاصة الكلام مينفعش تبقى كل حاجه حلوه اوى والعكس صحيح

اسف على الاطاله و موضوع جامد يا اميرتنا زى كل مواضيعك طبعا

السلام عليكم

بصى يا اميرة
الحياة مش بقت وحشة علشان فيها ناس وحشين متهيالى زمان برضو كان فيه ناس وحشين ومش كانوا ملايكة يعنى اكيد كان فيه غدر وخيانة وظلم وكل دا يمكن زاد شوية بس كان موجود

بس الفرق ان زمان الناس كانت صابرة ومستحملة اكتر من كدا لكن احنا مفيش عندنا استعداد اننا نستحمل اكتر.

وانا شايفة ان الانسان علشان يشوف الدنيا جميلة لازم يكون جميل من جواه (كن جميلا ترى الوجود جميلا)

ربنا يوفقك يا قمر.

بجد يااميره موضوع مهم.. وانا بقالى فتره بسال نفسى كتييييييييير العيب فى ايه من اللى حواليا .؟؟ وللا العيب فيا انا؟؟
انا فى الفتره الاخيره كنت فعلا تعبت من حياتى كلها...بالرغم من انى حواليا اصدقاء كتير بجد ودى نعمه انا بحمد ربنا عليها..وطبعا عايشه احسن من ناس كتير بس فعلا ماكنتش عارفه السبب ولحد دلوقتى لسه.. جايز حسيت فوقت ان الدنيا مهما كانت حلاوتها وحشه اوى.. وانها مهما ادتك ففى الآخر هيا بتاخد منك من غير مانحس.. حسيت برضه ان الموت مش وحش اوى للدرجه اللى احنا متصورينها وجايز انى هبقى على الاقل بعيد عن الدنيا
يااااااااااااااااه ايه التشاؤم ده؟؟ لسه التفاؤل هييجى ...
المهم بدات اوصل .. ان اكبر مشكله هتواجهنى عشان ابقى سعيده او شايفه الدنيا حلوه هيا انا مش الناس... بمعنى انى لو فهمت نفسى صح وعرفت اللى انا عاوزاه بجد وبدات ارسم لنفسى طريق امشى فيه.. كل خطوه همشيها فى الطريق ده هتحققلى السعاده.. مش بس كده
انا لو حطيت فى الطريق ده كل اهدافى.. يعنى انى اقرب اكتر من ربنا.. انى ارضى اهلى "اللى انا بزعلهم احيانا" ... انى احقق اى حلم فى حياتى مهما كان صغير.. كل خطوه هتخلينى احسن وهتحسسنى ان الدنيا بتساعدنى اكتر .. ولو حس اى حد فينا بالسعاده هيقدر يوصل للى حواليه شعوره... لان السعاده وانى اشوف الدنيا حلوه شعور ماينفعش تعيشيه لوحدك لازم تعيشى اللى حواليكى فيه
ياترى النيا وحشة ولا حلوة ؟
دنيا.. حلوه ووحشه.. بس لو بصنالها على ان ربنا ادهالنا وطلب مننا نعيشها يبقى على الاقل نعيشها صح.. احنا بنصلى لان ربنا قاللنا نصلى وبنجتهد فيها.. كمان ربنا قاللنا نعيش الدنيا يبقى نحاول نعيشها صح..
الناس هم اللى وحشييييييييييييين ومخلينا شايفييييييييين الدنيا وحشة ؟
ولا الغدر والخيانة اللى أكتسحت الدنيا هى السبب؟
اكيد الناس مش وحشين اوى كده لان الناس دول منهم اهلنا واحنا واصدقائنا..طبعا منهم الوحشين بس احنا هنبقى خسرانين لو سمحنا للوحشين انهم يعكروا صفو حياتنا.. هما فطبعهم الغدر يعنى بيغدر بيكى وبيكمل حياته.. هو اكيد الخسران بس انا هخسر اكتر لو سمحتله يضايقنى اكتر من اللازم.. خلاص هو بغدره خسرنى ومايستحقش اكتر من انى اتعلمت الدرس..جايز بيبق الغدر صعب اوى لما بييجى من اقرب الناس وبيحتاج وقت اننا نعدى الازمه دى.. ووقت اكتر نسترجع ثقتنا فى الناس..بس صدقينى الحياه احلى فوجود الناس..
الحياه انك تعيشى..وتقعى وتقومى وتضحكى وتعيطى..تتعصبى وتتنرفزى وفلحظه تنسى الهم ادام ضحكه صافيه..تتعبى اوىىىىىىى وفى الاخر هتلاقى النجاح..ولو لقيتى الفشل فبعده اكيد نجاح..يعنى سكه طوييييييييييله .. من غيرها مش هنحس الدنيا.. وبيها لما نكبر اوىىى هنشوف الدنيا اد ايه كانت حلوه وان تعبنا فيها هو اللى ادالها الطعم ده وادانا خبره السنين.. يعنى لما نكبر ونعجز باه
آسفه يااميره طولت عليكى اوى اوى.. بس بجد موضوعك شدنى.. ميرسى ياجميل

ايه ده يا جماعه
السؤال ده من الاسئله اللى جوابها لا تعليق
لان فيه كل حاجه متضاده هتلاقيها
الحلو والوحش والغدر والوفاء وبرده مش هنعرف مين السبب
هل هوا قدر ولا هذا جنيته بيدى
اسئله ليس لها اجابه
ميدو الاهلاوى

هاى يا اميره ازيك عامله ايه؟
بى يا ستى انا رأيييى فى الموضوع دا ان الدنيا فعلا فيها وحش وحلو

بس كل حاجه مكتوبه عند ربنا صدقينى مش تزعلى على اى حاجه مهما كانت حلوه وراحت منك او تزعلى على ناس مش كويسه او ناس اتغيرت ...كل حاجه مكتوبه واى حاجه تحصلك قولى فى نفسك

يعنى انا هتحكم فىقضاء ربنا؟ لا طبعا بس انتى عيشى حياتك زى ما انتى عايزه ومتزعليش على اى حاجه دى دنيا وكلها هتزول

اهم حاجه تكونى راضيه ربنا وراضيه عن نفسك وعن كل الى انتى بتعمليه وصدقينى هتلاقى نفسك فرحانه وسعيده مهما كانو الى حواليكى وسيبيها على الله

السلام عليكم
أزيك يا اميره الطفوله
الحقيقه انا قعدت كتير باصص للموضوع وايدى ع الحروف ومش عارف اقول ايه؟؟؟؟
لانى انا من اكتر الناس الى بتكتئب بسرعه من اى حاجه حصلت او اى حاجه عملتها غلط او اى حد عملى اى حاجه غلط والموضوع ده فكرنى بحجات كتير...........المهم
الدنيا حلوه ولا وحشه اممممممممممممممممم مش عارف احدد هيه طبعا فى اراء كتير ماشيه تبعا لظروف كل واحد مع ان بسم الله ماشاء الله معظم الاعضاء الى ع المنتدى كلهم متفائلين وعندهم الحياه ماشيه وكويسه الحمد لله
انا بقول ان السؤال ده بيتغير من واحد لواحد حسب قدره ونصيبه ومكتبله ايه بس طبعا لازم ناخد بالاسباب لان ربنا حطنا ف الكون احنا الى بنمشيه وبنغيره بتصرفتنا وتعاملتنا مع الناس ومع الاشياء
وكمان ظروف الواحد هيه الى بتحكم واماله ف الحياه يعنى مثلا ان بفكر سعات لما الواحد يفكر فى كل همومه ومشاكله واحلامه الى عاوز يحققها وان كان انه عارف ان احتمالات بسيطه انها تحصل بس لازم يكون متفائل وعنده امل ف الحياه لو معندوش كده يبقى عمره ميتقدم خطوه واحده واجى ابص لواحد يتيم ومش لاقى حد يعطف عليه ويحسسه بالامان او واحد عنده مرض او مش متعلم او او او .............ربنا يعفينا يا رب بجد بقول الحمد لله الواحد عنده نعم كتير وبيها يبقى من اكتر الناس الى لازم تكون سعيده ف العالم
بس طبعا كلنا مبنفكرش ف الحجات الى بتحصل للناس الى لما نفتكرها ونقول ربنا معاهم وننسى

يعنى مثلا الواحد داخل امتحان ويكون عامل الى عليه ومزاكر وكوبس ويدخل الامتحان ميحلس حاجه ده تفسيره ايه ؟؟؟؟؟ واكيد بيطلع زعلان والدنيا قدامه مقفوله ومش طايق نفسه

انا كنت شفت حلقه للدكتور ايراهيم الفقى كان بيقول فى حلقه عن اهداف الانسان وعن الامل ف الحياه
كان بيقول كان واحد صاحبه مليونير مره واحده حصل كساد ف تجارته ومشاريعه وخسر كل فلوسه وبعدين لقاه مش زعلان ام قال الراجل ده معندوش دم ولا ايه المفروض يكون زعلان وبعدين الدكتور ابراهيم سافر ورجع بعد سنه لقى الراجل جمع اول مليون فالدكتور ابراهيم الفقى قال ان الانسان عارف طريق النجاح يعنى هوه جمع الملايين دى مره قبل كده ازاى اكيد برده ياخد نفس الطريق ويبدأ يجمع تانى ويبدا من جديد مشواره فلازم الواحد يكون عندك امل ف الحياه وتكون واثق من نفسك

أما حكايه تعامل الناس الى عايشين معاهم اكيد طبعا بنقابل الكويس والوحش وبتعامل معاهم اولا مثلا الصحاب كل واحد عنده صحاب درجات بتتراوح كل واحد معزته عندك وتعامل اى حد معانه وبنديله حقه فى الصداقه والتضحيه والاخوه وبعدينممكن الواحد يحس انه مش لاقى مقابل انه بيدى وميخدش اكيد هيحس انه مظلوم لازم تحس انك انته بتعمل حاجه صح لما الواحد بيقابل كل يوم ناس عندها لامبالاه ومعندهاش مشاعر ولا حتى مصداقيه مع نفسها بيحس انه هوه الى غلط هوه الى بيعمل حاجه غريبه ويحس ان الدنيا وحشه وظالماه........بس ده طبعا لو تعاملاتهم كده على طوول يعنى شخصيتهم وطبعاهم كده اما لو اصحابك حصلهم ظروف او كانوا فى مشاكل لازم نعذرهم لو حتى اساؤا الينا ونقف جمبهم ..
وعموما لو الواحد عنده صحاب كويسين هتبقى الحياه حلوه على طول بحلوها بمرها هتلاقى حد يحسسك بالامان والاخوه عكس انك تكون وحيد وانتى يا اميره اكيد عندك صحاب كتير تحمدى ربنا عليهم

اما الغدر والخيانه الى بنقبلها ف الناس دى طبيعه الحياه ولازم نرضى بيها ونتعامل معاها بطريقه عقلانيه لان الناس دى ممكن تكون متفكرش اساسا وبتعاملش بالقلب والمشاعر لانهم عندهم لا مبالاه واحساسنا هيغلبنا قدمهم فلازم نحط لنفسنا فى تعاملنا حدود ومقاييس الى يستاهل الاحترام والصداقه او الى نبعد عنه ومنتخدعش ف حد مثلا زى الحب

اما لو جت الخيانه من اقرب الناس وبنكون اتخدعنا فيهم فى الحاله دى بيكون قضاء ونصيب وربنا عاوز كده واكيد بيكون اختبار من الله عز وجل ليكى

بس الواحد برضه لازم يبص لحبه حجات اساسا الواحد مخلوق ليه اكيد عشان نعبد ربنا يبقى لازم ندى لربنا حقه ف العباده عشان غرضنا من الحياه اننا ندخل الجنه
بس برده فى هدف تانى ان تكون الدنيا كويسه ونعشها ف سعاده يعنى الصلاه والصوم وطاعه الوالدين ...وكل ركن من اركان العباده نكون بنعمله عشان ربنا يكون راضى علينا

لان برده لو الواحد حصلتله ازمات ومشاكل ممكن تكون عقاب من الله بس يكون ف الدنيا بدلا من الاخره واختبار من الله وطبعا بيكون اهون ويكون ربنا بيحبنا

بس ف النهايه ف الاوقات الى عيشينها بصفه عامه الدنيا وحشه وبصفه خاصه الدنيا وحششششششششششه اوى والحقيقه انا مكنتش عاوز ارد ع الموضوع لانى بعانى من الحياه مع انى عارف ان لازم اكون متفائل بس اعمل ايه انا كده بس طبعا الحمد لله

وشكرا ليكى يا أميره بجد موضوع يستاهل النقاش واكيد لما نعرف وجهه نظر الناس اكيد بنستريح
ويا ريت اكون قلت حاجه كويسه ومعلش طولت عليكى أسف............
ويا رب تكون الدنيا والاخره حلوه علينا كلنا ويكون ربنا راضى علينا

أخوكىboody

أزيك يا أميره معلش متأخره عليكى فى الرد بس مكنلييش مزاج أفتح غير دلوقتى

المهم رأيى فى الحيااه

بتهيألى إن الحيااه دى عامله زى الملعب يعنى بيلعب فيها على كل شكل وعلى كل لون وغير كده كل إللى فى الدنيا دى ضيووف فيها وهيمشوا لمكانهم الطبيعى إللى هو الأخره
يبقى ليه نشغل بالنا بمكان مش مكاننا الأساسى بس يا دوووب بنحاول نعييش فى الرحله القصيره دى زى ما ربنا أمرنا ونعامل الناااس زى ما دينننا بيقولنا وعلى خلق رسول الله عليه أفضل الصلاة والسلام
صدقينى مهما كانت معاملة زمايلنا فى رحلتنا أو زى ما هو متعارف دنيتنا إحنا إللى لازم نجبرهم يعاملونا كويس ولو فشلنا فى كده يبقى نتجنب ونبعد وأكيد هتلاقى رفااق فى الدنييا دى تحبلك الخير وتتمنى سعادتك حاولى متفرطييش فيهم ويااريت تدورى على زياده مفييش مشكله بس منقارنش أعداد بأعدااد
وإحنا بإيدينا والله نشوف الدنيا جميله ووردى ونشوفه على النقيض يعنى إحنا إللى بنجيبه لنفسنا من الأخر ومش عيب لما نغلط لأن لازم نتعلم من أخطاءنا يبقى كده نستنتج كماان غير إنها ملعب فهى كماان مدرسه بنتعلم فيها والشاطر إللى يقدر يتعلم كويس فيها وأسرع
إيه رأيك منفكرش فى إللى بيضايقنا ولو حصل وهنفترض جدلا غصب عننا (حجه يعنى)
نستعيذ بالله من الشيطاان وتاخدى عهد على نفسك إنك مش هتزعلى من الدنيا وكمان مش هتزعليها منك ولو كان إللى بيضايقنا قدامنا دايما نتخيله مش موجود نفتكر دايما المواقف الجمييله إلللى بتسعدنا تفتكرى طفولتك يا أميره أد إيه جمييله وليه طفولتك ليه منقولش شبابنا نعيشه ونكتش فيه كل جديد منغمقهااش على نفسنا عمرك شوفتى حد طالع رحله وبيعيط وزعلان كلنا بنكوون مبسوطيين ومزأطييين يا ريت دايما
على فكره دى كام نصيحه كده ليا وليكى ولكل إللى بيزعل من الدنييا وأكيد ده ضعف إيماان مننا ربنا يقوى إيماننا ويسعدنا دايما ومنشوفش غير كل بسمه

أرق وـأطيب التحياات دائما لأرق أميره فى الدنييا
سما
أه الله يبارك فيكى يا عسل لولا التليفون كنت كلمتك والله وعقبالك إن شاااء الله فى حياااتى

مش عارف والله يا أميرة أرد عليكي وأقول ايه:
بس لما قرأة العنوان والموضوع جه على بالي أيه من القرآن الكريم
بسم الله الرحمن الرحيم "انما المال والبنون زينة الحياة الدنا" صدق الله العظيم

معنى الكلام ده ايه
في التفسير وقول العلماء قالو ان الدنيا دي وحشه جدا ولكن ربنا خللنا فيها حاجات تحليها لينا وفي عيونا زي المال والأولاد

وبيقولو ان الدنيا دي لو حلو أولا ماكنش هيبقى اسمها دنيا لأن اكيد زي ماإنتي عارفاها الدنيا جاية من الدنو
ثانيا الحاجة الحلوة مش محتاجة حاجة تحليها وإلا هيكون تعمها ماسخ جدا
يعني البنت الجميلة مثلا مش محتاجة تحط مكياج او ايحاجة عشان تكون حلوة هيه من غير اي حاجة زي القمر فمش محتاجة تبرهن على جمالها ده لحد وإلا هتنقلب عليها الآية وتبقى عملة زي المهرج. صح

أنات مخرجتش بره سياق الموضوع ولكن بشرحهولك من وجهة نظري ليه إزاي
بعد الكلام إلى قلته ده قله ملخصة
إن الدنيا والحياة وحشة ولكن
لازم نعيشها كلها لغاية ربنا ما يأمر بإنهائها فلازم نتعايش مع الوضع ونحاول نرضي ربنا ونكسب فلوس ونحب عشان نعيش ونكره عشان نحذر من الغدر والخيانة وكمان نآمن انسان أو انسانة على حياتك ونفسك وعمرك وكل ما تملك عشان توصل في النهاية للأولاد إلاهمه أحد الأشياء الجميلة في الدنيا ويمكن تكون هيه دي الحاجة الوحيدة المضمونة لو اخترتي شريك حياتك صح
أو يمكن بصيتي للحياة بمنطلق عقلاني اكتر

أولا انا متأسفة أنى مش رديت عليكواعلطول بس معليش والله ظروف
نبدأ بقى

طايش بس عايش كتب:: والله يا اميرتنا انا سألت السؤال ده لنفسى كتير وطلعت بأجوبة كتيرة

بس الحياة مش وحشة ... الحياة اكيد حلوة لانها هبة من الله واكيد ربنا مش هيوهبنا حاجة وحشة.
أنا عارفة أن كتير مننا شغله الأجابة على السؤال ده ياطايش ومعاك فى كلامك أن الحياة هبة من ربنا
بس ده ميمنعش ان الناس بقى معظمها مش كويسين
وفى كل مكان فى الكويس وفى الوحش
بس الوحش بقى أكتر من الحلو وطغى على الحلو

وكل الناس فيها عيوب ....... انا وانتى واى حد فى الدنيا فى عيوب
والواجب علينا اننا نعرف نحدد عيوبنا ونحاول نصلح منها على قد ما نقدر
ونحاول نتعرف على الناس اللى هيحبونا بجد.... الناس اللى مش بتحب تجرح حد او تزعله
علشان لما نحبهم بعد كداا ......... مننجرحش منهم
وانا عن نفسى مهما يحصلى فى الدنيا دى .... اضحك واقول فى نفسى من جوة

وأيه يعنى ...... انا لسه عايش
ماشى معاك لازم نختار الناس اللى يحبونا بس ممكن نكون بننخدع فى مظهرهم فى الأول وبعدين بننصدم فيهم ونكتشف أن أختيارنا كان خاطىء وبيكون هم أول الناس اللى بيجرحونا فدى بيخلينا نكره الدنيا ونحس أنها وحشة ولا ايه

وابدأ اعيد حسباتى وافكر من جديد واحاول اكون اقوى من الظروف
بس خلاص
واسف على الاطالة ..... واتمنى رأيى يكون افادك فى حاجة
وانا سعيد جدااا انى اول واحد رد على السؤال الصعب ده والموضوع الهايل اللى انتى كتبتيه

بالتوفيق

والله الموضوع ياطايش هو اللى شرف بيك كأول واحد يرد عليه وبجد ردك فوق راااااااااااااائع بس مش فى الدنيا دى ياطايش يظهر أنك لسة عايش فى عالم مثالى أنا بجد نفسى ألاقى العالم ده
عموما متشكرة قوووووووووووووى على ردك ومشاركتك
وربنا يسعدك

فتى الهندسة كتب:: السلام عليكم ... أميرة الطفولة ... الدنيا أكيد حلوة لو بصينالها من الجانب الإيجابى وأكيد وحشة لو بصينالها من الجانب السلبى ... نفس فكرة نص الكباية المليان ونص الكباية الفاضى ... وبالنسبة لموضوع الناس أكيد فى ناس وحشة وفى ناس حلوة وكذلك الغدر والخيانة ممكن يعكروا صفو أى حاجة حلوة (وأنا مازلت بالمناسبة فى العكارة دى من مدة مش قصيرة خالص ... دعواتكم ليا بقى) المهم ... لكن بعد كل ده فى مقولة حلوة اوى مش فاكر قرأتها فين (وجايز والله اكون قرأتها هنا ف المنتدى) بتقول: إذا أغلق أمامك باب الأمل فلا تكثر البكاء أمامه ... فهناك آلاف الأبواب المفتوحة خلفك تتنتظر أن تستدير إليها) ...
الموقف الوحش أو الذكريات الأليمة حاجة وحشة وكل حاجة ... بس ليه مندورش على واقع أحلى وحياة أظرف ...؟؟؟؟؟؟!!!!!!!! احنا عايشين واقع يعنى 24 ساعة ف اليوم 7 ايام ف الأسبوع (زى خدمة TE Data كدة ههههههه) لكن الذكريات فين وفين لما نفتكرها ... يبقى مفروض نخلى الواقع أحلى من الماضى او ع الاقل نخلى الواقع حلو ونحب نعيشه ... اميرة ... اعملى زى فودافون ... عيشى الحياة ... ومتفوتش لحظة .... هههههههه
اتمنى اكون أفدتك ... وبالتوفيق

وعليكم السلام روحمة الله وبركاته
ربنا يعينك يااااااااااااارب يعنى أنتى واحدة جربت صدمتها فى الدنيا والناس طيب كويس بتقولى عليها حلوة بقى أزاى
والله هىمقولة زىالعسل وبتحمل أمل ومعانى حلوة فى الدنيا بس فى وسط الناس اللى احنا عايشين وسطهم دول صعب تطبيقها
ههههههههههههههه حلوة نصيحتك دى وحلوة برده فكرة فودافون
بس الذكريات الأليمة عمرنا ما بننساها وخصوصا لما بتكون من ناس كنتى بتعزيهم قووووووووووووى ولا ايه
ربنا يوفقك ويسعدك يافتى الهندسة وينورلك طريقك

3aMoOr كتب:

اولا شكرا للموضوع يا اميرتنا فعلا موضوع مهم جدا خصوصا انه يطلع من انسانة قمه فى الزوووق زيك كدا واتمنى انه ردنا كلنا يريحك اكتر ما نقنعك بيه
ميرسيه قووووووووووى ياعموووووور على الكلامده ووالله بجد انتمن أكتر الشخصيات على المنتدىاللى بحبأسمع أراءها دايما لأنها بتعجبنى

ثانيا انا مش هخش فى تفصيل ولا تحليل لشخصياااااات الناس والعالم حولينا ... عشااااان الرد ميطولش وهيبقى ملووووش اى لزمة لاننا مش هنحل حاجة ... اوتمنى انك تعذرينى
والله من غيرما تطلب أنى أعذرك أنا راضية بأى كلام منك يكفينى مشاركتك

ثالثا

اقتباس :

ياترى الدنيا وحشة ولا حلوة ؟

انا اللى هسألك سؤااااااال .... ؟ ياترى انتى نيتك حلوة لكل الناس ولا لأ ..؟ وانا واثق من اثبات الاجابة اولا لانى اعرفك من قترة وانتى من الشخصيات "الرائعة" بجد مش بجاااااااامل والله.. ثانيا اثارتك للسؤال والموضوع ..؟
اه والله نيتى سليمةجدااااااااااا معكل الناس وبحبهم كلهم حتى لو جرحونى .ميرسيه قووووووى على كلامك
عرفتى الاجاااابة ؟؟ .... بس.. هوة دا المهم ..!!
طيب وازاى الناس حاوليا يبقوا كدا .. واعيش مرتااااااحة .... صدقينى زى ما انا اقتنعت ان "السعادة طريق مش محطة" فى موضوع "زهرة الشتا" ... انتى كمان لازم تدورى على انه راحة البال طريق مش محطة واكيد هتلاقى الوسيلة المناسبة اللى تكيفك عشاااااان تعيشى بيها ... ربنا ادلنا عقل عشاااان نفكر ... للاسف الواقع اللى انتى وانا شايفينه وحش بس الفرق بنا انى متعمقتش فيه زيك كدا .. عشاااان ميحسسنيش بالاحياط والياس وابقى للاسف انسااااان عشوااااائى زيهم حتى لو الانسااااان دا عايش فى ارق حياااااااه ..... فى كل الاحوال هوة واحد منهم ....
ما هوللأسف مقدرش مش أتعمق فى كل حاجة فى حياتى لازم أحشر نفسى فى كل حاجة وأفهم ليه الناس كده . مقدرش أعيش وسط ناس مش بتعرف غير تخع وتجرح بس ده كله بيخلى حالتى النفسية فى الأرض
عارفه ليه .. انا سالتك السؤال دا ... عشاااااان انا اللى مستغرب ... ومتزعليش منى ... انتى ايه اللى دخلك فى نيات الناس وتصرفاتهم (انا عارف انك كنتى تقصدى الدنيا بس انا اقصد النيا فعلا) ؟؟ ... عارفه انا دايما اقول لواحد صحبى ... متسمحش لنفسك ومتسمحش لحد انه يدخلك بينه وبين افكاره ونفسيته ... عشاااان متتعبوووش انته الاتنين وتنتهى العلاقة بالفشل ... نفس الكلاااااااااام ... عايزه الحل من رأى ...
أزاى مدخولش فى نوايا الناس مش الناس دول عايشة وسطهم وبتعامل معاهم
مش الناس دول هم اللى بيقولوا كلام بيجرحنى وكلام بيوسينى
مش الناس دول بتعامل معاهم فى كل حاجة فى حياتى
أزاى مدخولش وأفكر فى اللى فى دماغهم
صعب

ملكيش دعوة بالنااااس جواها ايه ... حتى لو همه وحشين ... لما يشوفو كل تصرفاتك معاهم ايجابيه .. اكيد هيعملووووك كدا برده حتى لو مش من قلبهم ..
وأنا أزاى أقبل معاملة مجرد منظر بس . كده نفاق أنا عندى يتعاملوا بأسلوبهم وأستحمله أحسن ما يخدعونى

لو كانوا غير كدا ... يبقا دوووول اساس ميتحقووووش الحياه وسط البشر ... ولا تشغلى بالك بيهم .. وعديهم

خليكى معتمدة على نفسك ومتستنييييييش دعم من الكل ...... متدلهمش فرص كتير للوفااااء عشااااان متلقيش الغدر والخيانة
يعنى أكون زيهم خاينة . أزاى هبعد عنهم وهم حواليا وأقرب الناس ليا

طورى فيكى الانسان الجميل اللى دايما كله خير من جوة ... ومن بره متخليش الكل يقرب منك "اكتر من اللازم"

شوفى الوحش حوليكى واتعلمى ازاى ميكونش فيكى حتى لو عايشه وسطه

متشغليش نفسك بالنااااااااس ... شوفى ايه اللى عجبك خديه وايه اللى مش عجبك سيبيه ..... كله واحد مشاغله اكيد اكتر ........ والحياه لا تسير فى اتجاااااااه واحد
ان شاء الله هيجى اليوم اللى تعيشى الحياه اللى تريحك وترضيكى ... ما دام انتى مقتنعه بتفكيرك وشخصيتك ... وبتدعى ربنا ...
معاك فى كل ده بس الناس برده جزء من حياتى وبتعامل معاهم علطول أزاى هحاول ابعد عنهم وأشغل بالى بنفسى بس . بصراحة طلبك ده ياعموووووووووور صعب أقدر أنفذه
متستعجليش ... كل المواقف بتعدى .... ريحى بالك عشان خطرك انتى ... اقولك على حاجة الانفعال والحزن والقلق والضغط .. بيأذى الانساااااان جدا ... لدرجة انه ممكن يتلف بعض الخلايا العصبية (100 - 200 الف خليه) ... اللى هيا لا تعوض ابدا ... وبالتالى كل مدى .. نفسيته بتتعب اكتر .. ولا يتحمل اى شىء .. وبالتالى بعد كدا لا يتحمله اى حد

انا مش عاوز اخوفك .... بس لسه الفرصه قداااامنا .. كل واحد لازم يقتنع انه عايش احسن من غيره بكتييييييييييييييييير .... الحمد لله على كل شىء ... والامل فى ربنا .... كبييييييييييير
عارفة كل ده بس أعمل ايه أتعودت على كده .أتعودت أن أقل كلمة تأثر فى أعصابى وتجرحنى وتخلينى أتصدم فى الناس كلها وأكره الدنيا باللى فيها وأحس أنى غلط وطريقتى فى تعاملى مع الناس غلط والمفروض أكون زيهم كدابة ومخادعة بس أرجع تانى ألاقى أنى مقدرش أكون زيهم ودى مشكلتى فى الحياة

وهوة ادانا العقل عشان نفكر بيه ونسلك السبل اللى تريحنا .... الحل مش فى الكلاااااااام يا اميرتنا ... الحل بينك وبين نفسك فى الآخر ..... بس انتى اخدتى بالاسبااااب .. واحنا ردينا بالاسبااااااااب ... لأ وطولنا اوى كماااااااااااااااااااااااااااان

انا بعتذرلك جدا جدا ....
لكن ردى كان لازم ميقلش عن كدا فى موضوع بالاهميه ديه
مش طولت ولا حاجة ياعموووووووووووور بالعكس كلامك كله زى العسل ومفيد جداااااااااااا بس مينفعش مع واحدة زى لأنى مقدرش أكون اللى حضرتك بتتكلم عنها دى
وبلاش اعتذار ربنا يوفقك ويسعدك ياااااااااااارب

عمووور
متشكرة قووووووووووووووى على مرورك وردك

بكل احتصار

كل الناس بتقول الناس وحشح انا ابقي حلو ليه!!!!!!!!!!!!!!!!

بس يا تري لقيت حد بيقول كل الناس وحشه بس ابقي زيهم ليه؟؟؟؟؟؟؟؟؟؟؟؟؟؟

بصراحه مقراتش كل الردود بس معظمها كبير واكيد جاوبوا الاسئله

المداخله متاخره بس النت مش ب اديا

go on ur \way اميره

ميرسي

معلش يا اميرة اتاخرت فى ردى
بس بجد انا مش داخله اقول حاجة لان تقريبا مشاء الله
متوقعتش ان فيه ناس بالعقليات دى فى هندسة والاجابات حقيقى كانت مقنعه جدا
وفى نفس الوقت انا استفدت منها لدرجة كويسه وان حتى كانت بتنبهنى لحاجات بنساها
بجد موضوعك حلو اوى يا اميرة وكويس انك اثرتيه
وسورى انى مضفتش راى لان تقريبا معظم اللى اتقال يكفى جدااااااا
وانا لو منك بقى دلوقتى ارتاح نفسيا ويكفى انك بترضى ضميرك وربك مش حد تانى فى معاملتك مع الناس ومع نفسك يبقى اكيد ربنا بيخزنلك دة وهتلاقيه بعدين فى فرحة مكنتيش هتتوقعيها
ادام حاسة انك بتعملى الخير وبتتمنى الخير لغيرك لوجه ربنا مش لمصلحه او اى حاجة تانية
اوكى يا جميل؟؟؟
وربنا انشا الله يسعدك ويحبب فيكى خلقة كمان وكمان
بالتوفيق

اقتباس :: وعليكم السلام روحمة الله وبركاته
ربنا يعينك يااااااااااااارب يعنى أنتى واحدة جربت صدمتها فى الدنيا والناس طيب كويس بتقولى عليها حلوة بقى أزاى
والله هىمقولة زىالعسل وبتحمل أمل ومعانى حلوة فى الدنيا بس فى وسط الناس اللى احنا عايشين وسطهم دول صعب تطبيقها
ههههههههههههههه حلوة نصيحتك دى وحلوة برده فكرة فودافون
بس الذكريات الأليمة عمرنا ما بننساها وخصوصا لما بتكون من ناس كنتى بتعزيهم قووووووووووووى ولا ايه
ربنا يوفقك ويسعدك يافتى الهندسة وينورلك طريقك

أولا يا أميرة شكرا ع الرد
ثانيا على فكرة انا اسمى أحمد مش فريدة ههههههههه على اساس انك بتقولى (انتى ... كنتى بتعزيهم ... وهكذا)
ثالثا: انا واحد جربت صدمتها اه ومفروض انى اكون اتعافيت خلاص (ده فى الظروف العادية واللى بنصحك بيه) لكن انا حظى او قدرى ايا كانت التسمية مصرة انى افضل لسه فى القلق ده مدة لا يعلم مداها إلا الله ... يعنى انا بقولك الحياة حلوة على الرغم من انى مش شايف كدة على نفسى 100% بس شايف ناس تانية كتير عايشة مية مية ... وعموما ربنا يزيل كرب وهم كل مهموم ويفرجها ع الكل

و الله مش عارفه اقولك ايه يا مرمر

لاني وصلت متأر معدش في كلام باقي

بس كل الاعضاء ما شاء الله كانت آرائهم رائعه و انا معاهم و خصوصا رأي ليدر اقرئيه كويس يا حبيبة قلبي

اولا انا متؤسف جداا جداااا يا اميره على التاخير
بجد اسف جدااا

ثانيه بالنسبه للموضوع هو موضوع جميييل بس انا هقولك كلاام انتى ممكن تشوفيه
تقليدى بس هو مش تقليدى هو واقعـــــــى

الدنيا بتتشاف على حسب اللى بيبص لها يعنى لو واحد متشاؤم فى الحيااااه
عمره ما هيشوف الدنيا حلو ابدا ( وده قمه الغلط )
لان الدنيا انا معاكى ممكن تكون ساعات كتيييييييير اوى وحشه وشويه صغيرين حلوه
بس اكيد برده فيها حلو فمينفعش انى اقول الدنيا كلها وحشه ولا الدنيا كلها حلوه
( دى دنيـــــا مفيش حاجه دايمه فيها حتى الانسان نفسه مش دايم)

بس الانسان الصح هو اللى لما يجيله حزن اكيد طبعا هيتعب فيه اوى بس لازم يبقا عارف
ان هيجى شويه فرح وبعد كده حزن وبعد كده فرح
ويحاول يشوف الدنيا بعين فرح وعين حزن لانه لو شاف بالاتنين الحزن عمره ما هيسيبـــه
ابدااااا !!!!!!!!!!!!

وانا اسف لو كان كلاامى ده تقليدى بس صدقينى هو مش تقليدى هو واقعــــــــــى
ميرســـــــى ليكــــــى على الموضوع
وربنا يوفقــــــــــــك.............

» سؤال نفسى تشاركونى فى الحصول على أجابته ممكن
» سيدة الهروب.....تاني رواياتي إدخلوا و قولولي رأيكم
» ممكن.............................
» خدعة الحياة
» ممكن حد يرد عليا.................